الموضوع: مفاجأت صيانة الألف !!

أحبائى .. ذهبت اليوم لعمل صيانة الألف وقبلتنى بعض المفاجأت سأحكى عنها بالتفصيل ..
كالعادة بعد ما ذهبت للصيانة وإستلامها وخلال فترة الأنتظار قلت أعمل شوية شغل لعيون حبايبى فى المنتدى والرابطة .. فقلت أول حاجة أعملها أدردش مع أصحاب العربيات وأخترت شاب قلت أسأله عن العربية وفى نفس الوقت اقول له على المنتدى .. ولما أتكلمت معاه حكالى على مشاكل معاه فى العربية فكرتنى بالأستاذ زيزو .. والراجل من غلبه حكى عن كل حاجة مشكلته مع العفشة اللى مش عارف يعمل معاها إيه ولا مشكلة علبة الدريكسيون ولا مشكلة التكييف ولا مشكلة المرايات ..ألخ .. والراجل من اللى هو فيه أصبح يضحك من عمايل العربية فيه وكل يوم فى التوكيل بيعمل حاجة شكل وكل يوم تظهر أمامه مشكلة جديدة حتى أنه قال لى لو ينفع ويخدوا 5000جنيه ويعطونى مو2007 .. وطبعاً أنا مستغرب من اللى أنا بسمعه لأن معظم المشاكل اللى حكى عنها مش موجودة عندى أو كأنه بيتكلم عن عربية موديل التسعينات ويمكن متحصلش .. ودخل فى الحوار شخص آخر معاها مو 2006 أيضا وواضح أن المشاكل معاه أيضا بنفس الكيفية بس الراجل ده صبور شوية واخد الأمر ببساطة وبيقول يدوب على قد فلوسها وهو كان رايح المركز علشان ينفخ العجل وعلشان يغير جوان الشكمان وكان المفروض أنه يخلص على طول ويمشى لأنه كالعادة مبيغير الجوان يدوب بيربطوه فقط لكن النهارده كان حظه كويس لأنه غير الجوان وعمل التعديل فى التكييف .. وعلى فكرة تعديل النكييف بدأ من امبارح للى عايز يعدله ..
وخلال إنتظارى لعمل الصيانة قلت أخد جولة وأشوف الأنسة بسمة اللى كلمها الأستاذ بايو .. علشان أعرفها أن فيه ناس من المنتدى موجودة وبتسأل وكانت المفاجأة الأولى أنها سابت الشغل من أسبوع ولما حبيت أسأل على موضوع المنتدى وكأنى محدش يعرف حاجة والكل قالى روح لمدير المركز .. روحت لمدير المركز د.م.شوقى نصير ومكدبتش خبر ورحت قايل له على اللى حصل مع الأنسة بسمة فكان جوابة المفاجأة الثانية أن الأنسة بسمة عاملة تليفون وليس فى يديها أى شئ .. المهم رحت فاتح معاه الموضوع مباشرة وقلت له عايزين يكون فيه تعاون بين المنتدى وبين المركز الرجل رحب بالفكرة جداً .. وقال لى المسئولين عن الموضوع ده يروحوا يقابلوا الراجل ويتكلموا معاه فى اللى هما عايزينه واللى ممكن يقدموه للمركز ويعرض الكلام النهائى على الإدارة لإتخاذ اللازم .. ورحت سأله عن أخبار صيانة السيارات والنعديل وقطع الغيار وخلافة .. فرد على د.شوقى وقالى أن معظم قطع الغيار متوفرة بكثرة والتعديل مستمر فى العربيات اللى محتاجة تعديل وأنهم بالفعل بدأوا بتعديل التكييف من أمبارح .. المهم أن أحنا أتكلمنا حول موضوعات كتيرة وكلها مبشرة بالخير .. والى أنا عملته كان مجرد مساهمة منى لأعضاء المنتدى لأنى أعرف أن هذا المركز لا يختص بسيارات اسبرانزا فقط لكنى رأيت فيه أنواع آخرى مثل BMW وميجان وإلنترا .. يعنى ممكن تكون هناك فوايد آخرى لمعظم أعضاء المنتدى وليس فقط لأعضاء الرابطة ..
نكمل مشوار الصيانة .. جالى مهندس وليد الشربينى علشان نجرب العربية وكنت أشتكيت من الفرامل وجربناها وقال لى أنه ده هو الـ ABS طبعاً أنا لم أقتنع بكلامه .. لكنه أثبت كلامه بطريقة عملية جداً جاب لى عربيته ونوعها BMW مو2005 وخلانى أسوق وأجرب الفرامل وكانت كسفتى الكبرى أنها نفس ما حدث معى .. و علقت على موضوع الباب الجانبى عنده أترزع جامد قال لى علشان تعرف انه مفيش فرق كبير حتى الباور عندى فى الأسبرانزا أخف بكتير من الـ BMW وده يمكن علشان الجنوط العريضة .. المهم وأنا بتكلم معاه جت المفاجأة الثالثة وهو أنه بيدخل على المنتدى ويعرف أعضاء الرابطة حتى أنه ذكر لى بعض أعضاء الرابطة مثل أ.آمر و د.إيهاب .. ودار بينى وبينه حوار طويل حول هذا الموضوع وإذا حبيتم تعرفوا التفاصيل يار يت تقولوا لى ..
فى الآخر أخدت العربية ومشيت لكن قبل ما أمشى واحد من اللى كنت بتكلم معاه من المالكين للعربية طلب أن يجرب العربية بنفسه لأنه كان متخيل أن كل العربيات زى بعض وبعض ما جرب قال ان العفشة تمام ومفيش صوت فى الدريكسيون ..

دى كانت قصة صيانة الألف .. وإذا أفتكرت حاجة تانية هبلغكوا بيها ..

وتقبلوا تحياتى ..

ياباشا مفيش حاجة هزر براحتك احنا كلنا هنا اخوات..... :mrgreen: