الموضوع: انا لبست يا رجالة :(

المشاركة الأصلية كتبت بواسطة nistelrooy

والله مش بمزاجي .. بس الحكاية دي فيها وسايط ويارب الواسطة تشتغل معايا ..

احسن الاسلحة دفاع جوي وقوات جوية وغالبا حرب اليكترونية وكفاح شعبي ..


دفاع جوي ناس بتروح اسبوع وفي بيتها اسبوع لو في نفس المحافظة والاسبوع الي بيروحوا فية بيرجعوا الساعة 2 البيت ,, يعني يا صباح الروقات مش جيش ده :)

غالبا وقت الترحيل ..

انا دايخ علي سلاح الدفاع الجوي و كله بيقولي بحرية احسن
انا فعلا صاحبي في بحرية دلوقتي و مقضيها اسبوع في البيت اجازة و الاسبوع التاني بيرجع كل يوم الساعة 3 او 5 علي حسب :) زي الفل يعني
بس اللي مخليني اكره البحرية هو لبسها و علشان الكل عايز يخدم فيها انا بهرب منها و هتجنن علي الدفاع الجوي
بصراحة اول مرة اسمع عن الاسلحة التانية ديه (كفاح شعبي ) و الحرب الاليكترونية ؟ ياريت توضح لو عندك معلومات عنهم
الاسلحة الجامدة برضه خدمات في مواقع زي خدمات طبية (في مستشفيات القوات المسلحة) و خدمات في نوادي القوات المسلحة الحاجات ديه بتبقي جامدة اوعدنا يا رب :)

بحرية اعتقد مناسبة انتا في اليكس اما انا في القاهرة فصعب ,,

حرب اليكترونية دي واحد حكالي عنها زي الجوية اجازات وحاجات زي كدا حلوة ومافهاش تدريبات كتير ..

كفاح شعبي دي الي سمعتوا بتخدم علي محو امية وكدا بس انا مش حاببها ..

وان شاء الله يجلنا حاجة كويسة

يا شباب مفيش حاجة أسمها سلاح أفضل من سلاح ، المهم المكان اللى هتخدم فية (ممكن تكون دفاع جوي أسبوع وأسبوع وممكن تكون فى وحده فى مكان بعيد ماشية 21 و 7 ) فالأهم المكان اللى هتخدم فية

ومركز التدريب بجد أحلى أيام ، هتتعرف فيها على اصحاب جدعان جدا وعالم أندال جدا ، وهتخرج بصحبة زي الفل بجد

خدوا معاكم ( بدرة رجل + 3 أقفال صغيرة + 3 فرش بيادة + رباط بيادة + صابون ديتول + صبانة + مناديل وايبس ديتول + معلقة (يُفضل تجيب كيس معالق بلاستك بدل ما تغسلها) + كروت ميناتيل المصرية للأتصالات (يكون علية العلامتين علشان يشتغل على الكبينتين) + ادوات شخصية + ورق وقلم )

ولو أفتكرت حاجه تانية هقولكم

أخوكم عسكري مصطفى رديف 1 / 6 / 2012

م/مصطفى محمود

تمام يا باشا ,, انتا سلاح اية وبتخدم فين ,,

المشاركة الأصلية كتبت بواسطة Nistelrooy

بحرية اعتقد مناسبة انتا في اليكس اما انا في القاهرة فصعب ,,

حرب اليكترونية دي واحد حكالي عنها زي الجوية اجازات وحاجات زي كدا حلوة ومافهاش تدريبات كتير ..

كفاح شعبي دي الي سمعتوا بتخدم علي محو امية وكدا بس انا مش حاببها ..

وان شاء الله يجلنا حاجة كويسة

تمام :P :)
لاياعم كفاح شعبي ايه وبتاع ايه هي ناقصة
يارب

انا سلاح أجهزة قيادة (بيتوزع على الأسلحة ) وبخدم فى إدارة المشروعات الكبرى بالهيئة الهندسية (منطقة مركزية)

المشاركة الأصلية كتبت بواسطة م/مصطفى محمود

يا شباب مفيش حاجة أسمها سلاح أفضل من سلاح ، المهم المكان اللى هتخدم فية (ممكن تكون دفاع جوي أسبوع وأسبوع وممكن تكون فى وحده فى مكان بعيد ماشية 21 و 7 ) فالأهم المكان اللى هتخدم فية

ومركز التدريب بجد أحلى أيام ، هتتعرف فيها على اصحاب جدعان جدا وعالم أندال جدا ، وهتخرج بصحبة زي الفل بجد

خدوا معاكم ( بدرة رجل + 3 أقفال صغيرة + 3 فرش بيادة + رباط بيادة + صابون ديتول + صبانة + مناديل وايبس ديتول + معلقة (يُفضل تجيب كيس معالق بلاستك بدل ما تغسلها) + كروت ميناتيل المصرية للأتصالات (يكون علية العلامتين علشان يشتغل على الكبينتين) + ادوات شخصية + ورق وقلم )

ولو أفتكرت حاجه تانية هقولكم

أخوكم عسكري مصطفى رديف 1 / 6 / 2012

هو الواحد خايف بقي من الندالة اللي هيقابلها دي :)
احب انا العملي ده تمام النصايح ديه جميلة و لو فيه اي نصائح تانية ياريت علشان منتبهدلش و ندخل فاهمين الليلة ماشية ازاي
بعد اذنك طبعا ترجمة لبعض الكلمات المبهمة :)

بالتوفيق مصطفي :)