أسف على التأخير...بحاول أدخل على المنتدى من بدرى بس واضح ان فيه مشكله

أولاً الله يبارك فيكم وعقبالكم :)

أنا مركب مسامير وأخدت لأئق من التجنيد بتاعى

عملت تظلم فى حلمية الزيتون يوم الأتنين اللى فات وحددولى ميعاد يوم الأحد اللى هو امبارح ( كل كشف وليه يوم )

المهم اللى هيروح يفضل يكون بدرى بالكتير أوى 7 هناك

هتستنى فى صالة الكومسيون الطبى وفيه عسكرى بينادى الأسماء هتسمع أسمك وتخش تقلع هدومك :) وهتكشف

قول للدكتور على كل حاجه ومتكسفش بالنسبه ليا كان معايا أشاعات وتقارير...بص فى أشعه واحده وقالى أعمل أشعه فى نفس المكان بس فى أخر الأوضه

عملتها ورجعت وقفت فى الطابور على ما سمعت أسمى...بص فيها وكتبلى غير لائق بالقلم الأحمر

وجانبه عسكرى بصمنى وقالى اشترى 6 جند وروح عشان تتصور

ال 6 جند فى الأول خالص عند بوابة الدخول وتمنها جنه ونص :)

أحلق دقنك قبل ماتروح عشان أنا أتسوحت وحلقتها على الناشف بمكنه معفنه

بعدين هتتصور ومبروك عليك 10 أيام وتروح تاخد الأعفاء النهائى من التجنيد بتاعك

معلش طولت عليكم أصل محدش هيقلك أعمل أيه هناك