استفسار من اصحاب جولف 2

**rami2050** · 01-12-2011 05:41 PM

وممكن تتلم بأقل من الي بتقول عليه انا بقولك 9 على اساس انك تفضي العربية كلها وتخلي الموتور بس والباقي تركبو استيراد زي الصالون التابلوه فرش البيبان اللوبادات و العفشة ورش وسمكرة ودوكو وفوانيس بإختصار كل حاجة باينة بالعربية تبان وطبعا لو هتصلح الي انت كاتبة فوق مش هتكلف خالص المبلغ دة

**dr_haitham79** · 06-12-2011 02:05 AM

شكرا للأستاذ رامى على الرد
ممكن حضرتك تفيدنا كمان عن اسعار البنود اللى ناقصة فى العربية؟
ومين احسن اللى يظبطوها صح؟

**Ahmed_Rahem** · 07-12-2011 10:57 AM

المشاركة الأصلية كتبت بواسطة rami2050

وممكن تتلم بأقل من الي بتقول عليه انا بقولك 9 على اساس انك تفضي العربية كلها وتخلي الموتور بس والباقي تركبو استيراد زي الصالون التابلوه فرش البيبان اللوبادات و العفشة ورش وسمكرة ودوكو وفوانيس بإختصار كل حاجة باينة بالعربية تبان وطبعا لو هتصلح الي انت كاتبة فوق مش هتكلف خالص المبلغ دة

بعد اذن صاحب الموضوع،

لو الحاجات دى انت عملتها قبل كدة عملتها فين وجبتها منين، بردة للافادة

ولك الشكر

**tareksakr** · 07-12-2011 11:46 AM

المشاركة الأصلية كتبت بواسطة mody_halawa

لو سمحتم يا جماعة انا عاوز اخد رائيكم فى شوية حجات تخص العربية دى ( جولف 2)

انا عاوز عربية جولف 2 وتكون سعرها كويس
المهم دورت على النت لقيت عربية فى الاسكندرية .. روحت اشوفها لاقيت فيها الاتى
1- العربية عاوزة تترش
تكلفة الرش 2000 جنيه من غير سمكرة لو بوية نضيفة
2- الباب الخلفى الشمال مش بيفتح وعلى كلام صاحبها ان المسوجر بتاع الباب معلق وهو معندوش وقت
غالبا اكرة الباب اتكسرت من جوه وعايزة اكرة تمنها 60 جنيه
3- الاكرة بتاعت الباب اللى ورا يمين مكسورة وعاوزة تتغير ( الاكرة اللى برة )
تمنها 60 جنيه
4- الاكصدام مكسور وعاوز يتغير
الاكصدام ب 200 جنيه استيراد
5- الشبكة مكسورة وعاوزة تتغير
الشبكة ب 125 جنيه جديدة
6- الفانوسين اللى ورا مكسورين وعاوزين يتغيرو
الفانوس ب 75 استيراد زي الاصلي
7- العربية بتخبط جامد وهيا ماشة وصاحبها قالى انها عاوزة مساعد قدام يمين بس غالبا هيا عاوزة تتغيرلها عفشة
اغلي قطع غيار في الجولف المساعدين والعفشة العفشة تعملها لوحدهع ورا وقدام 2500 جنيه (علبة دركسيون وبيض مقصات وبارات طرف وجلب مقصات ومقصين استيراد ومساعدين امامي وخلفي
8- العربية بتررجرج جامد وصاحبها قالى عاوز يتغيرلها قاعدة ماتور
الموتور له 3 قواعد امامية و2 خلفيين اكبرعم الامامية ب 200 جنيه والخلفية بتاعة الفتيس ب 150
9- العربية ساعات بتقطع وهيا ماشية وغالبا دة عيب فى الدينمو
مش عيب دينمو الدينمو العربية تقطع خالص ده ممكن عيب كلربراتير أو كهربة الاسبراتير
10- بابا الشنطة عاوز مساعدين
الجوز ب ا50 جنيه استيراد
11- العربية ابوابها غريبة !! يعنى زى الجولف 1 يعنى زجاج الابواب الامامية مقسوم 2 واحد مقفول دايما والتانى اللى بيتفتح زى ال 128 كدة
الموديل ده كده ممكن تعدل البيبان للموديل الاحدث طقم البيبان ب 1000 جنيه

12 - فيها طبعا شغل كهرباء كتيير من جوة زى النور ضعيف جدا ونور الصالون مش شغال و الكالكس مش شغال
النور لمض والكلاكس ممكن يكون قاطع عموما الكلاكس ب100 جنيه استيراد

العربية دى موديل 87 وفابريكة دواخل ومفيهاش اى كماليات خالص
مطلوب فيها 26 الف والماتور 1300 سى سى

السؤال بقا الحجات اللى فيها دى تتكلف كام تصليح ؟؟
ولو اخدت العربية دى اخدها بكام ولا مخدهاش خالص ؟؟

نصيحة من اخ مجرب وعمل نفس عملتك اشتريت عربية خلصانة وصرفت عليها كتير جدا
التكلفة وصلت ل 14000 جنيه يعني من الاخر العربية هتقف عليك ب 40000 جنيه
لان العربية اللي انت بتوصفها خلصانة خالص ما فيهاش حاجة سليمة لو خلصتها 21000 جنيه خدها وانزل بورسعيد اشتري نص كامل بموتور كويس هيقف عليك بالكتير قوى من 5000 ل 6000 جنيه واربع بيبان محترمين التكلفة كلها ممكن تدخل في 10000 جنيه بالرش وانا راييي شراية العبد ولا تربيته
انا غلطت غلطتك واشتريت مشنة وعملتها عربية بس ضيعت وقت ومجهود وفلوس وغلطت اني ما شتريتش نص كامل من بورسعيد وجبت حاجاتي قطاعي من الحرفيين ودي صور عربيتي بعد ما خلصتها كلها اشتريت موتور وعفشة كاملة وصالون وتابلوه وكونسول امامي ووحاجات كتير صغيرة بنطلعلك
الميزة انك هتشد عربية من الاف للياء وهتبقي عارف كل مسمار فيها بس هتحتاج وقت كبير جدا وربنا معاك
[IMG][IMG]

[/IMG][/IMG]

**Abody1985** · 14-12-2011 01:53 AM

نصيحة دوور على حاله افضل شووية ،،،ولو حتى هتزود السعر بس هتريح دماغك

**sherief_cso** · 18-01-2012 11:53 AM

انا كان معايا جولف 2 موديل 86 و كانت بحاله متوسطه و هي عربيه جيدة جدا في الاحتمالية و عالية عن الأرض و بأقل القليل بتمشي و صعب جدا انها تكسفك لكن عايز اقول لك حاجه ان الموتور 1300 ما ينفعش يركب عليه تكييف و باور لأن ما فيش فيه قواعد و هتلاقي علشان تركب الحاجات دي لازم تخش في موتور اكبر و بالتالي خد عندك 4000 جنيه علي الاقل و ده مع الرأفه و في افضل الأحوال ، أنا رأيي الشخصي انك تفكر في ابيزا 94-99 أو بولو نضيفة و ما تدخلش في متاهات - الموديل العالي أفضل