أول تجربة لربط الكمبيوتر بنظام الصوت مباشرة

**HNaga** · 22-05-2008 11:05 PM

سابقا تم ربط الكمبيوتر بالهيد يونيت عن طريق كايل Aux
الصوت كان ممتاذ خصوصا مع إستخدام كابل جولد بليتيد

اليوم قررنا انا وصديق مغرم بالصوتيات ربط الكمبيوتر بالجى إم مباشرة و إلغاء الهيد يونيت

لم أكن أتوقع فارق فالصوت أصلا نقى

ولكن بعد تضبيط الجى إم - بصراحة انا ماليش فى الموضوع ده بس صاحبى غاويه وفاهم أكث-إحسسنا بإن الصوت أصبح رائع وأحسن من التوصيل بالسونى بمراحل

كنت عايز أسمعكوا الصوت بس قررنا إرجاع كل شء كمت كان بسبب قصر كول الكابلات و قررنا تأجيل التعديل لحين شراء كبلات صوت طويلة محترمة

**3mr Farrag** · 23-05-2008 10:32 AM

تعديل تمام يا استاذ هشام....
و مستنين باقي تعديلاتك الجامده

بس صحيح ..هي اسعار الحاجه اللي بتجبها عن طريقebay فرق جامد عن هنا؟؟؟
و هل فرق في الكواليتي كمان؟؟؟

**HNaga** · 23-05-2008 01:50 PM

ebay ??
ياريت ياعمرو لو أعرف أشترى من هناك كنت وفرت كتيير
مواقع قليلة جدا اللى بعرف أشترى منها دلوقتى
من ناحية السعر و الكواليتى - السعر حاجات و حاجات يعنى مثلا حاجات الكمبيوتر هتبقى أرخص و أحسن و حاجات العربية هتبقى أحسن بس ماعتقدش أرخص
انا بشترى من برة لو مش لاقى فى مصر او لو الكواليتى فارقة جامد معايا و ساعتها بستحمل السعر و الشحن و الجمارك و ضريبة المبيعات

ebay 99% من اللى بيبيعوا عليه بيستخدموا paypal ومصر مش موجودة فيه والمشكلة ان بيرفض الكريديت كار المصرى كمان

المرة الوحيدة اللى إشتريت منه إضطريت أعمل تحويل بنكى وطبعا مصاريفه كتير

ياللا كانت أيام

**3mr Farrag** · 23-05-2008 03:13 PM

اصلي نفسي يا استاذ هشام الواحد يجيب حاجه العربيه من بره....
دا انا بشوف شويه حاجه تعقد....و طبعا اعتقد معظمها صناعات نضيفه ...مش الصيني اللي بيجلنا ده
بس عند حضرتك فكره عن اسعار الاجهزه بامريكا عامله ازاي...
لأن واحد صاحبي هناك و المفروض جاي قريب ...و بفكر الحق اقولوا يجيب لي حاجات من هناك....
سماعات و جي ام.....بس حاجات تكون كواليتي بتاعتها عاليه مش ذي اللي عندنا

**theking2690** · 23-05-2008 03:19 PM

الف مبروك يا استاذ هشام على التعديلات الجامده ديه

**HNaga** · 23-05-2008 04:54 PM

المشاركة الأصلية كتبت بواسطة 3mr Farrag

اصلي نفسي يا استاذ هشام الواحد يجيب حاجه العربيه من بره....
دا انا بشوف شويه حاجه تعقد....و طبعا اعتقد معظمها صناعات نضيفه ...مش الصيني اللي بيجلنا ده
بس عند حضرتك فكره عن اسعار الاجهزه بامريكا عامله ازاي...
لأن واحد صاحبي هناك و المفروض جاي قريب ...و بفكر الحق اقولوا يجيب لي حاجات من هناك....
سماعات و جي ام.....بس حاجات تكون كواليتي بتاعتها عاليه مش ذي اللي عندنا

والله لو واحد هيجيبلك يبقى فرصة حلوة
بص فى امازون هتلاقى فيه كل اللى ممكن تحتاجه وحتى لو صناعة صينى هتبقى حاجة متصنعة لأمركيا يعنى أنضف حاجة

المهم تحدد الماركات و الموديلات اللى انت عايزها