مشكله فى عداد الاوكتافيا

**طارق _عبد السلام** · 29-12-2011 06:00 PM

المشاركة الأصلية كتبت بواسطة ahmed.fahmy

يا افندم ولا يهمك
بالنسبة لموضوع الساعة دا فالمفروض تبقى مظبوطة على طول عشان العربية متوصلة بالبطارية على طول طبعا كمان موضوع الانوار دا غريب جدا
عموما هو حاجة بسيطة
ممكن تعمل reset بنفسك الاول عن طريق ازالة كابل البطارية وسيبها شوية ممكن تطلع تتغدى وبعدين انزل ووصلهاوان شاء الله تشتغل
اما لو ماشاغلتش فهتروح للتوكيل اللى فى العبور يشوف الerrors المتسجلة فى الكنترول يونيت ويمسحها والموضوعع سهل جدا ان شاء الله ماتقلقش
وطمنى يا باشا

اشكرك ا/ احمد وربنا يبارك فيك
انا كنت غيرت البطاريه من اسبوع بس الكابل اتشال دقائق بسيطه وهعمل طريقتك ان شاء الله
وبلغك بالنتيجه وبالنسبه للتوكيل عندنا فى المحله الكبرى توكيل سكودا قريب ان شاء الله لو الكبل ماجبش نتيجه مضطر اروح التوكيل
اشكرك يافندم على متابعتك

**طارق _عبد السلام** · 30-12-2011 12:15 AM

المشاركة الأصلية كتبت بواسطة farahat

هي العربية مع حضرتك من الزيرو و فجأه بقت بتعمل كدة ؟ ولا حيي من يومها بتعمل كدة ؟
هل حضرتك عملت أي حاجة في الفيوزات أو شغل كهرباء قريباً ، مش شرط في التابلوه لكن في أي حاجة تاني ؟

اهلا بيك // فرحات
انا اشتريت العربيه مستعمله
بس اكتشفت الموضوع ده ومستغرب منه فعلا من الموضوع ده والعربيه معايا من فتره قصيره جدا

**طارق _عبد السلام** · 30-12-2011 01:18 AM

لا الكاسيت انا مركب دى فى دى شبه بتاعها بالضبط
والساعه بتشتغل فيه عادى جدا
لاكن بتاع العدادات لازم اظبطها كل مره ومجرد ما ببطل العربيه بترجع للصفر وتعد من جديد
ده حتى الكيلو مترات بتصفر تانى يعنى لما احب اغير زيت مضطر اتابع الكيلو متر الرئيسى وهو بيظهر لثانيه واحد عند ابطال الكونتاك

**طارق _عبد السلام** · 30-12-2011 02:02 AM

المشاركة الأصلية كتبت بواسطة farahat

إستحملني واستحمل أسئلتي شوية تاني معلش :)
الديفيدي إلي راكب دة ماركه مختلفة مش الأصلي بتاع سكودا أو فولكس ؟
وهل اللي ركبه كان مركبه على نفس الفيش الأصلية ولا عمل تعديل في الضفيرة عشان يوصله ؟
بالنسبة لعداد المسافات هل ال-trip meters كلها بتظهر صفر ولا بتاع الصيانة بس ؟
هل العداد بتاع الكيلومتر العادي بيظهر طبيعي ؟ العربية عاملة كم ألف كيلو ؟

يافندم حضرتك اللى تستحملنى كتر الف خيرك
بالنسبه للدى فى دى راكب على نفس الفيشه هو بتاع اوكتافيا لاكن مش اصلى
بالنسبه لعداد الرحلات بيبدأ من الصفركل مره مع دواره العربيه
والعداد بتاع الكمبيوتر العادى لايظهر طبيعى يعنى بيعد من الصفر كل مره
والعربيه عامله 70000 كيلو وعملت معايا حوالى 3000 بس وللعلم مجرد تبطيل العربيه ونا مشغل النور الصغير التابلوه بيطفى مع المفتاح ونور التابلوه ميشتغلش غير لما ادور العربيه