الموضوع: نايل موتورز للبيع حد يشتري؟

اووووووووووووبس
الله يسامحك يا شنوري
كشفت المستور
ربنا يسامحك يا شنوري
كشفت السر اللي طول عمري مخبيه :-)
مش قادر اقولك ان جاللي عرض مشاركة من مستثمر خليجي بيشتري اي حاجة متميزة في مجالها
اهم حاجة النسبة تعدي ال 30 %
وانا رفضت عشان خاطركم :-)
احب كمان اعرفكم معلومة
تثمين المواقع بيكون على حسب عائدات الاعلانات
يعني مثلا لو الموقع اكس يساوي الف دولار
المفروض يجيب اعلانات يوميا 10 دولار مثلا
طيب لو الموقع بيجب دولار واحد بس في اليوم
بتتنسب ثمن الموقع طبقا للدخل الاعلاني
يعني يشوفو نسبة ال 10 دولار من الف دولار كام
والنسبة تتضرب في الدولار الواحد اللي هو الدخل الاعلاني الحقيقي للموقع يطلع ثمن الموقع كام بالظبط
ده التثمين العالمي
في شوية حاجات تانية بحدد الموضوع زي ريادة الموقع في تخصصه
وترتيبه في الدولة التابع ليها
وقوة ادارته
ونسبة المشاركات مقارنة بنسبة الترافيك
ومدي تعلق الزار بالموقع
والمحتوي طبعا
وعلى فكرة
نايل موتورز بفضل الله اكبر محتوي عربي مصري على الانترنت في السيارات خلال الاربع سنوات الماضية
وباعترام جوجل نفسهم ورغم تغيير الدومين وضياع لينكات كتر الا اننا ما زلنا في الصدارة

عايز حقك يا شنوري انت ودونزي وابو ليلي
قابلوني تحت سفح الهرم الكبير ليلة 31 ديسمبر في منتصف الليل تماما
ونعمل المزاد يومها ونشوف نصيب الفرد بكام يا صابر وماتقوليش دي على ناصيتين وبحرين والكلام الفاضي ده :-)