السلام عليكم


..
من شهرين كنت عاوز بنت تيجي تشتغل في الصيدلية
صاحب البيت قالي إجيبلك بنتي؟؟
قلت في بالي إني داخل على تجديد عقد
الله المستعان
البنت جت الصيدلية
.
طبعا هي وضعها كبنت صاحب البيت
مش هعرف أزعق ولا أزعلها بأي شكل
بتغيب كتير .. نبهت عليها كام مرة
بدأت تستأذن إنها تروح كل يوم تقريبا
كبرت دماغي لأنها مش شايلة فترة لوحدها .. معاها بنت تانية
الحاجات دي فرعية
الحاجات الأساسية

بدأت أكتشف إن البنت (فشارة جدااا) و(كدابة جدااااا)
وبدأت أعرف من أقدم بنت عندي(بقالها عندي 4 سنين) وأمينة جدااا
بدأت أعرف إنها بدأت تاخد إكسسوارات من غير ماتدفع الحساب
أو حتى تكتبهم على حسابهم في دفتر الشكك
البنات لما يقولولها "مش هتدفعي تمنهم؟" تقولهم هبقا أحساب الدكتور
وحاجات زي كده

بدأت تاخد نص جنيه تجيب بيه عيش للبيت عندهم
أو فكة تجيب بيها شاي للبيت عندهم
بدأت تاخد حاجات صغيرة


الطبيعي
إني أمسح بيها الأرض
لكن زي ماقلت .. داخل على تجديد عقد الصيدلية

لو حد عنده حل (محنك) يقولي عليه علشان أخلص من الوضع المقرف ده