طلب تسعير دايهاتسو شاريد .. عاجل .. لو تكرمتم :)

**Ahmed_Alamir** · 03-12-2011 02:04 AM

السلام عليكم و رحمة الله و بركاته ,

الأعضاء الكرام , مطلوب عاجل جدا تسعير عربية دايهاتسو شاريد , و مواصفاتها كالاتي :

الموديل : 2007

عداد الكيلومتر : 35000 كيلومتر بس . ( استهلاك بسيط على قد مشوار الجامعة )

أوتوماتك

فئة GLX كاملة المواصفات ( باور ستيرينج , زجاج و مرايات كهرباء , سنتر لوك , تكييف و سخان بالزجاج الخلفي , فتحة التانك و الشنطة من الداخل , فرامل Air bag 2 , ABS , كاست Sony بالريموت كنترول , حامل اكواب )

سعة المحرك : 1000 سي سي

حالة الدهان الداخلي و الخارجي فابريكة , حالة الصالون و الفرش ممتازه , و لايوجد خدوش او تجاريح تستدعي الدهان .

حالة الكهربا و الموتور و الميكانيكا ممتازه

حالة الزجاج ممتازه , الكاوتش ايضا جيد جدا

الحالة العامة للسيارة ممتازه و لا تحتاج مصاريف

متوفرة باللون الاسود واللون اللافندر ( اللون اللافندر عامله 4000 كيلومتر زياده )

دي المعلومات الاساسيه , و الصور فى اللينكات , لو في اي استفسار زياده انا موجود :)

و شكرا مقدما ..

2shared - download Panorama5.jpg

2shared - download Panorama1.jpg

2shared - download Panorama3.jpg

2shared - download Panorama4-.jpg

**ahmed4000** · 05-12-2011 02:38 PM

احنا لسه بايعين شاريد 2007 بس كانت عاملة 75 الف كيلو وكانت جايبة اوائل الاربيعنات
وكمان كانت الهاف اوبشن مش الكاملة..فنزلها اعلان فى الوسيط وعدى ال 47 او 48
ومتتسرعش فى البيع لانها بالمواصفات دى ممتازة

لاننا لغاية دلوقتى بعد 3 اسابيع لسه بيجلنا ناس وبيقولونا دى كانن سعرها حلو اوى

**Ahmed_Alamir** · 05-12-2011 05:36 PM

المشاركة الأصلية كتبت بواسطة ahmed4000

احنا لسه بايعين شاريد 2007 بس كانت عاملة 75 الف كيلو وكانت جايبة اوائل الاربيعنات
وكمان كانت الهاف اوبشن مش الكاملة..فنزلها اعلان فى الوسيط وعدى ال 47 او 48
ومتتسرعش فى البيع لانها بالمواصفات دى ممتازة

لاننا لغاية دلوقتى بعد 3 اسابيع لسه بيجلنا ناس وبيقولونا دى كانن سعرها حلو اوى

الف شكر يا استاذ احمد على الرد و على النصيحه , بس كنت عايز اعرف من حضرتك , اعلان الوسيط كان الالكتروني ولا الورقي , و لو الورقي , تكلفة الاعلان ف حدود كام , و طلب اخير , لو تكرمت و مفيهاش تعب ولا تتقيل لو حد كلم حضرتك بخصوص العربيه اللي بعتوها , ممكن تقوله على العربيه دي يمكن يجي المشتري عن طريق حضرتك , محدش عارف الخير فين , لو حضرتك موافق هبعتلك رقمي فى رساله خاصه , و جزيل الشكر مره تانيه

**atef_5005** · 06-12-2011 12:03 PM

المشاركة الأصلية كتبت بواسطة ahmed_alamir

الف شكر يا استاذ احمد على الرد و على النصيحه , بس كنت عايز اعرف من حضرتك , اعلان الوسيط كان الالكتروني ولا الورقي , و لو الورقي , تكلفة الاعلان ف حدود كام , و طلب اخير , لو تكرمت و مفيهاش تعب ولا تتقيل لو حد كلم حضرتك بخصوص العربيه اللي بعتوها , ممكن تقوله على العربيه دي يمكن يجي المشتري عن طريق حضرتك , محدش عارف الخير فين , لو حضرتك موافق هبعتلك رقمي فى رساله خاصه , و جزيل الشكر مره تانيه

ممكن تليفونك عشان انا بدور علي العربيه دي

**Ahmed_Alamir** · 06-12-2011 05:16 PM

المشاركة الأصلية كتبت بواسطة atef_5005

ممكن تليفونك عشان انا بدور علي العربيه دي

الرقم على الخاص عند حضرتك استاذ عاطف

**ahmed4000** · 09-12-2011 10:55 PM

الاعلان كان ورقى وهو ده اللى بيجيب العدد الاكبر وبينزلوهلوك 10 ايام كمان على الاللكترونى
السعر اقل من 200 جنيه حسب انت حتعمله خط عريض ولا رفيع...الخ
وينزل جمعة واتنين وممكن تكلمهم ويجوا لغاية البيت ياخدوا الاعلان بس لازم قبل يوم الثلاثاء

**Ahmed_Alamir** · 10-12-2011 12:45 AM

المشاركة الأصلية كتبت بواسطة ahmed4000

الاعلان كان ورقى وهو ده اللى بيجيب العدد الاكبر وبينزلوهلوك 10 ايام كمان على الاللكترونى
السعر اقل من 200 جنيه حسب انت حتعمله خط عريض ولا رفيع...الخ
وينزل جمعة واتنين وممكن تكلمهم ويجوا لغاية البيت ياخدوا الاعلان بس لازم قبل يوم الثلاثاء

شكرا جزيلا استاذ احمد

**moud10_10** · 29-12-2011 07:56 PM

استاذ احمد الأمير ممكن تلفونك عشان انا بادور على الشارد 2007 لو موجودة عندك ولو مش موجودة كنت عايز أخد رائيك فيها

**Ahmed_Alamir** · 01-01-2012 06:29 AM

المشاركة الأصلية كتبت بواسطة moud10_10

استاذ احمد الأمير ممكن تلفونك عشان انا بادور على الشارد 2007 لو موجودة عندك ولو مش موجودة كنت عايز أخد رائيك فيها

انا اسف جدا علي الرد متأخر ، لسه داخل المنتدي حالا من ساعتها ، للاسف كمان العربيه لسه بايعينها من كام يوم ، فكل اللي اقدر اخدمك بيه اني اقولك انها عربيه مناسبه لو هتجيبها لاخت حضرتك او مراتك او كده ، يعني استعمال عالضيق و مش مشاوير طويله ، لانها ١٠٠٠ سي سي فا مش بتاعت شد و لا جري خاصة لما تفتح التكييف ، يا ريت اكون افدت حضرتك و اي استفسار زياده انا ف الخدمه و اسف مره تانيه عالتأخير

**romioramy** · 02-01-2012 11:45 AM

المشاركة الأصلية كتبت بواسطة ahmed_alamir

انا اسف جدا علي الرد متأخر ، لسه داخل المنتدي حالا من ساعتها ، للاسف كمان العربيه لسه بايعينها من كام يوم ، فكل اللي اقدر اخدمك بيه اني اقولك انها عربيه مناسبه لو هتجيبها لاخت حضرتك او مراتك او كده ، يعني استعمال عالضيق و مش مشاوير طويله ، لانها ١٠٠٠ سي سي فا مش بتاعت شد و لا جري خاصة لما تفتح التكييف ، يا ريت اكون افدت حضرتك و اي استفسار زياده انا ف الخدمه و اسف مره تانيه عالتأخير

__________________________________

استاذي الفاضل مبروك على بيع السيارة و ربنا يعوضك عنها أحسن منها .. كنت أريد فقط معرفة السعر اللي حضرتك بعت بيه و ده طبعا بعد إذنك و لو فيها رذالة مني .. أرجو رد حضرتك على الرسالة خاصة و ده لو حضرتك تحب طبعا للخصوصية .

بس الفكرة إني بدور على عربية نظيفة بمواصفات زي عربية حضرتك و ماعنديش خلفية عن اسعارها و الاسعار اللي بتتقاللي متفاتوة جدا عن بعض فحبيت معرفة السعر لنفس المواصفات النظيفة ده و لكم جزيل الشكر و التحية .