عايز اشترى ميجان 2 هاتشباك وفى استفسار بخصوص الكويل

**AMRTOTI** · 03-12-2011 10:57 AM

كويل البوبينة بلاقى ناس كتيرة جدا بتشتكى من الموضوع ده فى العربية
وانا بفكر اشترى ميجان 2 فيياريت لو ممكن حد يشرحلى اكتر ايه موضوع الكويل ده
وهل فى مشاكل تانية متكررة فى العربية دى ولا ايه

وايه الحجات الى اخد بالى منها وانا بشترى العربية
وهل المشاكل ده فى موديل 2005 بس زى ما قريت ولا فى كل الموديلات

**fahd_628** · 03-12-2011 11:38 AM

فعلا الكويل بيحتاج تغيير و ممكن يحصل معاك مشكلة سولونويد الفتيس

انا حصل معايا الأتنين بس الحمد لله تم تغيير السولونويد على حساب الضمان و الكويلات على حسابى

غير كدة العربية الحمد لله زى الفل و عاملة 110 الف كم و موديل 2008

**Ahmed Selim** · 03-12-2011 12:07 PM

الكويل حسب ظروف نوعيته...........يعنى لو نوعية كويسة هيقعد معاك و هتنساه

أنا عربيتى موديل 2005 و كان حصل مشكلة الكويلات فيها و هى عاملة حوالى 35 ألف كيلو (يعنى فى 2006 تقريباً ) و أتغير 2 منهم فى الضمان......و بعدها يمكن ب 3 سنين الأتنين التانين باظو و اتغيروا برضه على الضمان.......ليه لأنهم قالولى أول مرة أنهم غيرو ال 4 و طلعو غيرو 2 بس......فلبستهم فى الحيطة :)

خد بالك......4 كويلات نازلين فى العربية........يعنى هما هما.......أتغير أتنين فى 2006 و أتنين فى 2009 و الحمد لله محصلش مشكلة بعد كده غير فى واحد من الأتنين اللى غيرتهم فى 2006 و الكلام ده كان فى 2010 و غيرته على حسابى

الكويل فى التوكيل بحوالى 550 أو 500 و برة التوكيل أنواع كتير من 150 لحد 400 تقريباً.

الكويلات فيما بعد 2006 المفروض أنها بقت معمرة أكتر.

الحاجات اللى تاخد بالك منها هتلاقيها فى أكتر من موضوع موجود هنا.........زى
أزى تجيب الوحش دة ---- موضوع يهم اللى عايز ميجان2 ولازم يتسبت

**shawkylotfy** · 03-12-2011 10:00 PM

المشاركة الأصلية كتبت بواسطة amrtoti

والله يا جماعة انا مرعوب من العربية لان الناس بتقول كلام وحش
بس يارب لو ليا فيها خير ربنا يكرمنى بيها
بس ياريت لو فى حد يعرف عربية للبيع ياريت يقولى بس هاتشباك

الكويلات بتاعت الميجان عادى مش مشكلة ومش بتبوظ الا بعد مدة كبيرة وفى انواع برة التوكيل كويسة وارخص من التوكيل هو بس الميجان فتيسها الاوتو مش معمر وجع قلب مع انى محصلش معايا الا مشكلة واحدة وتحلت بس ناس كتير بتشتكى وفى الى ربنا بيسترها معاة والمشكلة تتحل وفى الى بيخش فى دوامة بجد انت فى غنى عنها لان انت لسة على البر.

**AMRTOTI** · 04-12-2011 05:17 PM

المشاركة الأصلية كتبت بواسطة shawkylotfy

الكويلات بتاعت الميجان عادى مش مشكلة ومش بتبوظ الا بعد مدة كبيرة وفى انواع برة التوكيل كويسة وارخص من التوكيل هو بس الميجان فتيسها الاوتو مش معمر وجع قلب مع انى محصلش معايا الا مشكلة واحدة وتحلت بس ناس كتير بتشتكى وفى الى ربنا بيسترها معاة والمشكلة تتحل وفى الى بيخش فى دوامة بجد انت فى غنى عنها لان انت لسة على البر.

الكلام ده منافى للى الناس فى المنتدى بتقولة دلونى بقى اعمل ايه ؟

**abdo_2812** · 05-12-2011 08:05 AM

استخير ربنا وهات الميجان :)

ميجي عربية أكتر من راااائعة والله، وعن نفسي أنا والحمدلله مش شايف حاجة وحشة من الفتيس والناس اللي شفتها بتشتكي منه ناااادرة جدا وتقدر تقول إن الناس دي هي اللي اشترت عربية مستعملة ومتهانة

لكن واحد راكبها من الزيرو يشتكي من الفتيس، ماشفتش بصراحة !!

**sam_zen_elden** · 11-12-2011 12:39 AM

ياجماعه انا ركبت 2004 مانيوال هاتشباك عامله 90 الف كم بقالى سنه ونص عملت خلالها 60 الف كم وغيرت كويل واحد بس والعربيه والحمد لله زى الفل لدرجة انى اشتريت فلوانس وصعبان على ابيع الميجان توكل على الله وبلاش كثرة التردد لكن حاول تجرب بنفسك العربيه قبل الكشف ولو استريحت لها اكشف عليها والف مبروك مقدم