مع لوجان العظيمه .... كل يوم اكتشاف جيد
مع لوجان العظيمه .... كل يوم اكتشاف جديد
النهارده ياجماعه
جاي لكم بموضوع جديد
بدأ معايا من حوالي
3 اسابيع
واتكرر اكتر من مره
انا عربيتي 2011
هاف اوبشن
عامله 7000 كيلو
استلمتها في شهر 6 2011
يعني في عز الصيف.............
المهم
انا عربيتي السلانسيه بتاعها دايما على 500
وعمره ابدا ابدا ما علي عن كده
من اسبوعين كده الجو الصبح بدأ يكون برد جدا جدا
وجاي ادور العربيه الصبح ...... مفاجأه........
لقيت الار بي ام (السلانسيه) على 1500 ومش 500 زي ما انا متعود
قلبي وقع في رجلي وقلت بس .... اكيد في مشكله
مرضيتش اتحرك بالعربيه غير لما اشوف في ايه
المهم بعد دقيقتين لقيت المؤشر نزل من 1500 الى 1000
وبعد كمان دققتين المؤشر نزل من 1000 الى 500
زي الطبيعي بتاعه بس الغريب ان مؤشر الحراره على طول ارتفع وبقى شرتطين
المهم رحت الشغل عادي (بس كنت مقلق برضه حاجه اول مره تحصل)
المهم في ساعه الرست نزلت عشان اطمن
دورت العربيه لقيتها على 500 عادي
بس لاحظ اننا كنا الظهر يعني درجه الحراره مرتفعه
المهم .. الموضوع ده حصل معايا 4..5 مرات
بالذات لما يكون الجو برد اوي الصبح
لكن لو الجو عادي مش برد يعني بلاقي الار بي ام على 500 عادي
.... تحليلي المتواضع للموضوع ده
استنتاج رقم -1-
هو ان العربيه (لوجان العظيمه) فيها سينسور (حساس) لدرجه بروده الجو
وظيفه الحساس انه يقيس درجه الحراره (للزيت اللي داخل الموتور او للجو المحيط) لو لقاها منخفضه بيقوم بتعليه الار بي ام علشان يكون في تدوير اسرع للزيت داخل المحرك
وبالتالي يتبعه تسخين اسرع للموتور حتى لا يصيبه اي ضرر (على المدى الطويل) لو السائق دور العربيه ومشي على طول
وكل ده في 4 دقائق بس
استنتاج رقم -2-
هو ان مينفعش انك تتحرك بالعربيه غير لما مؤشر الحراره يكون شرتطين
ليه ... لأن هي دي درجه الحراره اللي عندها بيرجع مؤشر الار بي ام الى وضعه الطبيعي وهو 500 لفه / دقيقه
والا لو كان الموتور محتاج يسخن تاني مكنش الحساس يخلي الار بي ام ينزل لحد 500 غير لما الحراره توصل 4 شرط مثلا
في الاخر لو الموضوع ده طلع زي ما انا استنتجت كده يبقى بجد
شكرا رينو وشكرا ل لوجان العظيمه
ولو حد يقدر يتأكد من الموضوع ده من التوكيل او من الكاتلوج اكون شاكر ليه
او لو حد عنده الموضوع ده في عربيه تانيه غير اللوجان يقولنا
شكرا ليكواااااااااا
