بص ياباشا
من شهر روحت توكيل مونرو فى طنطا وسألته من باب العلم بالشيئ على آخر الأسعار
مساعين المونرو للشاهين فيه منها نوعين
نوع للموديلات اللى قبل 2004
بتركب عليه السوست الطويلة (اللى هيه موجوده فى السوق)
ده سعره 455 جنيه لجوز المساعدين
نوع لموديلات من 2004 الى 2009 بيكون ليه طبق كبير
وبيركب عليه سوسته أقصر من التانى
وده سعره 500 جنيه
من سنة لما جيت اغير العفشة
كان عندى سوسته مكسورة وسوسته سليمة
لم اجد السوست القصيرة مفيش الا النوع الطويل
فجبت جوز سوست طويلة
وجبت المساعدين اللى من النوع الأول أبو 455 جنيه
وعلى حسب كلام الراجل اللى بيبيع قالى النوع الاول الأرخص أفضل من التانى الأغلى
وقالى ناس كتير لما بتغير بتغير الى النوع الأول أبو 455
اديك عرفت الأسعار
لو معرفتش توصل للتوكيل
إسأل عند بتوع قطع الغيار لو بنفس السعر وهيديك ضمان سنة توكل على الله واشترى منه
لو عاوز تعرف التوكيل
إسأل بتوع العفشه
أو سواقين التاكسى
المفضلات