هاجيبلها كورة تنس و ممكن خيوط الصوف دي فعلا مفكرتش فيها مع انها علطول في توم اند جيري
بس هي اصلا مش بتاعة لعب اوي يعني و حاليا قاعدة تتفرج على ماما و هي تعمل محشي :redeye:
ضوافرها مقصوصة
عرض للطباعة
المنتدى كله طلع مربي قطط
هوا الاعضاء قالوا تقريبا كل حاجة
بالنسبة للسالمون حاولي تنشفي الزيت اللي بيبقى علية الاول
اشتري قلم ليزر و هتتهبل من كتر اللعب بية
لما تديها شور ابعدي المية عن وشها او بمعنى اصح ممنوع مية تدخل ودنها
هي ظوافرها بتطلع مع مرور الوقت بتطول وكده وممكن تقصي لها الظوافر وتجيب قصافة من عندد الدكتور البيطري بنفسك كل فترة لأنها بطبيعتها هتسنها هتسنها وخلي الدكتور يقلك تقصيها ازاي من غير ماتعوري القطة وده بانك تبعدي عن الجزء البمبي فالظفر واللي بيمد الظفر بالغذاء,,, فعلشان متسنهاش في فرش البيت ممكن تقلبي لها مشاية صغيرة عالارض وتعوديها تسن ظوافرها في ظهر المشاية لو مش عايزة تجيبي عمود السن من كارفور وتعوديها انك لو شفتيها بتسن تجيبيها وتدوسي علي اديها من فوق فهتبرز ظوافرها وتمشيها علي ظهر الامشاية عشان هي تتعود ان ده المكان الوحيد لسن الظوافر,التطعيم السنوي للقطط في ابحاث فاميركا ودكاترة كبار هناك افادوا بان التطعيم السنوي يكفي مرة واحدة في حياة القط ولا يلزم تكراره كل سنة وممكن تبحثي عالنت وهتلاقي الكلام ده,تدريب القطة عشان تعمل في التويلت هتلاقي فيديوهات عاليوتيوب دوري بس how to train a cat to using a toilet وكده يعني جمل مشابهة وهتلاقي فيدوهات كتير وهتريحي دماغك من الرمل وقرفه والحمام عموما
من خيرزمان , سبينيس ,, فارفووووراقتباس:
بيتجاب منين الكريستال دا ؟؟ و بكام ؟
tidycats
ف حدود 85 -95 جنية
http://www9.0zz0.com/2011/12/05/00/797946229.jpg
fresh step
ف حدود 55-60 جنية
http://www13.0zz0.com/2011/11/23/13/641383160.jpg
snappy tom
ب 39 جنية 2ك
http://www13.0zz0.com/2011/11/23/13/777112394.gif
اجابه على الاسئله بتاعتك:
لا اوعي تأكليها كبده
ومتجوزهاش الى لما تطلب هي كده
والحاجات بتاعتها بتشرتيها من اي محل قطط وكلاب او كارفور
نصيحه كمان متحاوليش تعوديها على الاكل الدراي فود كتير عشان بيخليها ترفض اكل البيت بعد كده
اولا : انا من محبى القطط جدا و عندى قط شيرازى اصلى ابيض عنده سنه ونص و معايا من يوم ما اتولد
ثانيا : بالنسبة لتربية القطط فدى سهلة جدا اهم شئ انك تحبى القط بالنسبة للاكل فالقط بياكل اى حاجه و نصيحة بلاش سردين قبل 10 شهور للإناث و سنه للذكور و القطط بتحب جدا التونة و السمك بس كتر السمك غلط و لازم مرة فى الشهر لحمه و دارى فود باللحمه و للعلم الدراى فود ( فريسكس ) 2ك ب 73ج يكفى القطة شهرين كاملين و القط لازم انه ياخد التطعيم بتاعه و بالنسبة للنوم فمعظم الشيرازى بينام الصبح و يفضل صاحى طول الليل بس اما بيكون عنده سنتين بكون عادى بينام بالليل و يصحى الصبح و بالنسبة لموضوع الحمام فى ناس بتعود القط على انه يعمل فى البلاعة و انا عامل كدا و دا احسن و للعلم القطط بتتعلم بسرعة بس القطط نمروده و مش بتسمع الكلام
اتمنى انى اكون افدك
انا اتعلمت اقصها ازاي من الناس اللي كانت عندهم بس ما دام كدا كدا هاتطول و تسنها يبقى نجيبلها العمود دا
هاشوف الفيديوهات دي و ربنا يسهل
انا اكلتها كبدة فراخ مسلوقة ! فيها مشكلة دي ؟؟ و ليه ماكلهاش كبدة و تقصد انهي كبدة ؟
يا رب ما تطلب تتجوز قريب على ما اتعود عليها لوحدها الاول
الدراي فوود دا في المناسبات فقط زي التورتة و الجاتوه كدا
هي ليها شامبو مخصوص بتاع القطط صح ؟ :Ob_mak1[1]:
مش لازم تسيبي البلاعة مفتوحة ممكن تسيب الشبكة بتاعتها عليها وتشيللي الحمام من عليها بجاروف صغير من عند الدكتور اذا كان بيبيع او المحلات ,او تشيليه بكيس بلاستيك وترميه في التيولت
اه في حاجة كمان لاحظتها و مش عارفة دا طبيعي ولا لأ
عنيها بتعمل عماص كتير غامق كدا كل ما بتنام ؟؟
اهلا اهلا .. انتى انضميتى للقايمة
مبروكككك
اولا لو احتجتى حاجة .. كلمى المدام او كلمنى واحنا نقولك على كل اللى انتى عايزاه من اكل وشرب وعلاج وكل حاجة للقطط
خبره من 2007
بص يا ستى عشان باقى الاعضاء يستفادوا معاكى اللى غاوين فى الموضوع ده
بخصوص الرمل :
لو هى اتعودت وهى صغيرة زى باقى العائلة عندها على الرمل .. خاليكى معاها على الرمل
بس ابعدى عن الرمل اللى عند اى موان .. عشان الرمل ده بيكون موجود فى الشارع .. وبيكون عليه امراض كتير .. ومفروض اننا بنحمى القطة وحطنها فى البيت .. بكدا بنجيبلها الامراض لغاية عندها
خاليكى فى الرمل الطبى .. فايدته .. امن جدا للقطط .. وكمان مش بيعمل ريحة بسرعة .. ولو عندك قطة واحدة فى البيت .. الكيس الرمل ممكن يقعد معاكى حوالى شهر ونص .. بتحطيه على 3 مرات
وكل يومين تطلعيه فى الشمس ربع ساعة .. ويفضل تجيبى الرمل الحجرى اللى حبيباته على شكل رمل حجرى .. مش حبوب صغيرة بتتحوصل وتتجمع .. ده عن تجربه
والرمل الطبى .. ابعدى عن النوع المصرى .. وده تمنه فى حدود 15 جنيه الكيس 2 لتر
وخاليكى فى الرمل الطبى المستورد .. حتى لو كان صينى .. فى رمل كويس جدا اسمه فرش ستب .. بيتباع فى حدود 30 جنيه ال2 لتر تقريبا .. وده خاليكى فيه
وحرام تجيبى الكرستال منه عشان غالى جدا
بخصوص العلاج:
لازم يبقا عندك قطرة للعين عشان الاحمرار والافرازات .. ولو تعبانة تديها نقطة فى كل عين حوالى مرتين فى اليوم .. ولازم يكون عندك دواء للترجيع اسمه موتليم تاخده فى سرنجة 3 سنتى مرة فى اليوم لغاية ما الترجيع يخف.. ولازم يكون عندك دواء للاسهال زى الانتينال .. تفكى الكبسولة وتحطة نص الكبسولة فى سرنجة 3 سنتى وتديها للقطة .. والنص تانى اخر النهار .. يعنى الكبسولة تقسيمة على مرتين فى اليوم .. وفى الوقت اللى يكون عندها اسهال .. امنعى اكل السمك واكل الالبان والزبادى ..
لازم يكون عندك فيتامين .. خاص بالقطط .. بيكون زى القطرة .. بتنقطى بيه على الاكل نقطة كل يومين حتى وبتجبيه من عند مزرعة سامى فى الزمالك
او ممكن تجيبى بداله فيتامىين اطفال من اى صيدالية اسمه مالتى سانستول ودوا تانى اسمه ديكال .. المالتى سانستول عشان فيتامين أ و د .. والديكال عشان العظم
والاتنين تديهم للقطة 3 مرات فى الاسبوع مثلا .. ابره 3 سنتى من كل دواء
و طعمى القطة التطعيم الرباعى .. وبعد كدا حطعميها كل سنة
بخصوص العناية
فى الشتاء بلاش حموم عشان السقعة .. ونظفى للقطة بس بقطنة بخل
وفى الصيف حمميها مرتين فى الشهر بشامبو نيوزرال
التسريح 3 الى 4 مرات فى الاسبوع .. وبالاخص فى منطقة الرقبة والبطن وعند الرجل .. وياريت يكون بعكسل الشعر كمان عشان تطلعى الشعر الميت وتجددى الخلايا
ياريت كل اسبوع تقصى ضوافرها عشان تتعود من صغرها على كدا .. اهم حاجة الضوافر اللى قدام .. وخلى اللى ورا عشان اللى ورا بتكون زى فرامل بتثبت بيها نفسها القطة لو حتقع من مكان مرتفع
ودان القطة كل اسبوع تنظفيها بمحلول البوريك اسد تجبيها من الصيدالية العادية .. يكون تركيزه قليل .. وتظفى بيه منطقة الانف
نوعى كل فترة مكان الاكل .. كل 5 شهور مثلا لو تقدرى تجيبى طبق اكل جديد او تغيرى طبق الاكل من باب التغير .. عشان القط مش يحس بملل
لازم يكون عندك فرشتين من فرش التسريح للقطط .. واحدة واسعة السنون بتعتها وواحدة ضيقة
ولازم يكون عندك قصافة ظوافر
وبخصوص الجواز .. حتى لو طلبت الجواز قبل سنة .. اصبرى لما عمرها يكون 9 شهور او 10 شهور وجوزيها .. عشان عضمها يتحمل الحمل .. والمرغمة اللى بتعملها عليكى دى دلع ولعب مش اكتر
بخصوص الممنوعات :
.. الاكل المقلى بالزيت .. الشكولاتة .. الفاكهة .. اللبن الدسم بلاش منهم
وبلاش الاكل المجففة للقطط زى الويسكاس وخلافه تاكل لوحده بدون عيش او على خضار .. وكمان يستحسن بلاش منه اصلا
بلاش اكل لحوم ناية .. زى لانشون وزى بلوبيف
السمك بزيادة غلط
التونة الزيت بتعها .. يعنى ممكن بس تغسل التونة من الزيت .. ومش كتير
الكبدة كترها غلط
بخصوص الاكل :
فى الاول .. هاتى كيس دراى فود .. لازم يكون عندك .. عشان فيه فيتامينات لقطة وحيفيدها .. بس اوعى تديه للقطة وش كدا .. وتحطى دراى فود تاكله لوحده .. بمعنى
انتى بتحطى الاكل اللى بتحطيه للقطة .. مثلا خضار مع لحمة .. تكونى جايبة الدراى فود وتطحنيه وتحطى الحبوب مطحونة على الاكل .. وتهرسيها كمان فى بعضها مش تسبيها على وش الاكل .. لانها ذكية ممكن تلحسه
بالطريقة دى انتى بتخليه تاكل اى كل مش عايزه تاكله .. لان عليه نكهة الدراى فود
وكمان بتديها فيتامين ليها
بصى بقا نيجى للاكل الاكل بجد
ريحى روحك واعملى الاتى
جيبى زى ما قولتلك الدراى فود يكون نوع ماوى مكس او كات شو او رويال كانون .. ودول افضل الانواه اللى فى السوق .. ومن اسمائهم .. بدات فى الارخص فالاغلى
المهم اطحنى الدراى فود وخاليه فى كيس .. عشان ترشى على الاكل .. والاكل اعملى الاتى
اعملى حلة كبيرةةةة قطع فيها جزر وكوسة وبطاس وحطى معاهم فاصوليا خضرا مثلا بس الفاصوليا مش كتير .. والجزر اسلقيه لوحده عشان يطون مهرى
المهم بعد ما تسلقى الخضار المشكل ده .. حطيه فى اكياس على قد وجبات فى الفريزر .. على قد وجبتين فى اليوم .. ولما النهاردة مثلا ماما عاملة فراخ .. تاخدة حتة من الفراخ وتحطى على الكيس اللى حتطلعيه من الفريرز ده .. عاملة لحمة وهكذا
وبردوا مش كل يوم خضار خضار .. نوعى
يعنى مثلا ممكن تسلقى رز بمياه .. من غير زيت ولا ملح .. وتحطى عليه قطع فراخ صغيرة او لحمة من اللى طبخينة النهاردة ..
ممكن مكرونة مسلوقة .. وعليها تسلقى كبدة .. وتهلاسيهم .. الكبدة من غير بصل ومن غير توم .. لان الحاجات دى غلط على القطط
حاولى تخترعى وتالفى وجبات .. يومين فى الاسبوع تنوعى فيهم الاكل عشان القطة ممكن تزهق وتطلب كنتاكى وتذلك
والفطار .. مرة نستو .. ومرة بيضة .. ومرة مثلا لب الفينو معاه نستو .. او معاه بيضا
وممكن ترشى عليه الحبوب المطحونة وهكذا
المهم 3 وجبات فى اليوم .. عشان القطة مش تحس بكسل ..
وكمان ياريت مش تحطى الاكل بكميات فى الطبق ..على قد ما تاكل .. المهم مش بزيادة عشان مش يتبقا وتعملك اضراب ووتعود وتزهق
ولو عايزة تدى القطة لبن تشربه .. يبقا لبن خالى الدسم .. او لبن العادى بس خفيفيه بمياه عشان ميبقاش دسم .. 3 مرات فى الاسبوع .. بس حبة صغيرين دافيين
بخصوص اللعب :
طبعا القطة فى الاول بتكون مطنشة وتقيلة فى البيت .. عشان عقبال ما تتعود على المكان .. وبتعمل احيانا انها طرشة .. بس بعد كدا حتجننك
المهم هاتى حبل والعبى معاها .. حركى ايدك من ورا قماشة .. حتتجنن .. هاتى ليزر والعبى معاها
انا كنت بجننها بالليزر ده واخليها تلف حوالين نفسه وتدوخ ههههههههههههه
فى النهاية .....
اللى عايز قطة يا جماعة عندنى قطة زيادة للتبنى .. فا اللى عايز قطة وعنده طولة بال .. وبيحب القطط وتربيتهم ومش حيفرط فيها يقولى .. لان عندى قطتين ومش قادر على الاعتنا بالاتنين .. والاتنين اناث
بس اللى يخدها مش تاجر او عايز ياخدها للجواز لقط عنده وبعدين يرميها عضم
انا عايز حد معندوش قط وحابب يربى قطة
القطة عمرها 4 سنين .. شيرازى
بس كدا ...
ولو احتجتى اى حاجة يا دونزى انا تحت امرك
عماص العين .. مالوش دعوة بالديدان
ممكن تمسحلها عنيها بقطنة مياه دافية الاول .. وتحطلها قطرة عين اسمها isopto maxitrol
وده تمنها 9.50 مرتين فى اليوم .. لمدة 3 مرات فى الاسبوع
واذا كانت القطة من النوع الهاف بيكى او البيكى .. حتلاقى عنيها بتدفع كتير وده طبيعى .. عشان الجمجمه نفسها تضغط على القناه الدمعيه
"جيبتلها سلمون و جبنة نيستو و جبنة شيدر و بطاطس محمرة" طيب يا ريتنى كنت قطه ....
الكريستالز دي مكنتش بحس بيها باي فرق.. الرمل الجاهز انضف كتير
..استشارة جانبية
عمري مكنت بفكر اقص ضوافر كوكي بس المشكلة انه بقاله سنتين عمال يخربش نفسه ف جرح معين من ساعتها مش بيقفل.. ونا لما حاولت اقصها قعدت اعيط جمبه عشان خفت توجعه
ممكن اقصهاله فين؟؟ ويكون حد بيفهم
موضوع القص ده كان سهل جدا انك تعوديه عليه من صغره .. ومفيش اسهل منه
بس دلوقتى الله يكون فى عون اللى حيقصله ضوافره .. حيتعب اللى حيقصله جدا لان القط مش متعود ..
حاولى بهدوء كدا وهو قاعد جنبك القط تجربى تقصى ضفر كدا بهدوء وانت بطبطبى عليه .. وجربى شوفى حيعمل ايه معاكى .. استجاب كملى
وقصى اللى ملوى بس من الضفر
احنا عندنا اغلى منك يا دونزى .. ده احنا كنا عايزين نخدمك فى عربية نيسان .. ولقيتك جبتى قطة .. فقولت بقا اقوم بالواجب واقدم المساعدة
ممكن تحطى صورة ليها ونقولك دى نوعها ايه
حاولى بقا تدخلى على مواقع قطط .. وتقلبى وتقرائى عشان تاخدى خبرة
فى موقع محترم جدا اسمه
ourpetclub
حيفيدك جداا
بس انا خايف تشوفى صور القطط اللى فيه وتتعقدى من قطتك .. زى ما اتعقدت من قطتى القديمة
هانزلكم صورها بكرة ان شاء الله
و شكرا بجد على كل النصايح دي الواحد مش عارف يودي جمايلكم فين
انا اسف جدا انا شوفت رسالتك علي الخاص امبارح والنت فصل ومش عرفت اجيب الرسالة تاني علشان ارد
هو حضرتك العماص دا يعني في افرازات دمعية كتير من العين ودا ليه اسباب كتير زي الالتهابات وزي ان القناة الدمعية اللي بتربط بين الانف والعين مسدودة
فمعلش هطلب من حضرتك تقوليلي هل بتلاحظي دا في عينيها الاثنين؟
هل في احمرار في العين ودا هيعني ليا ان في التهابات لان انا مش شوفت الحالة بالظبط
هل الجفن الثالث بارز ولو بارز لونه ايه
اختبار بسيط كدا عاوزك تعمليه
حطي صابع الابهام علي العين واضغطي علشان ملتحمة العين تظهر وقوليلي لونها ايه ( روزي ولا احمر ولا احمر غامق)
كمان بصي علي الانف ......... هل رطبة ولا جافة؟
الحالة ممكن تكون حساسية من الجو لو فيها احمرار خفيف وتستخدي بس قطرة للحساسية بس بعد ما تتاكدي ان مفيش التهابات ......... لو موجود التهابات متستخدميش القطرة
ردي عليا وانا اقولك الخطوات التالية ايه في العلاج وازاي تحافظي عليها باستمرار
اسف مرة تانيه للتاخير
السلام عليكم
كمان نسيت اسالك هل القطة شعرها كثيف لدرجة انه ممكن ييجي علي عينيها؟
ركزي قوي لان دا ممكن يبقي السبب لان الشعر بيعمل احتكاك مع ملتحمة العين والقرنية وهيسببلها مشكلة؟
هل استخدمتي اي شامبوهات قريب او صابون فممكن تكون حاجة بتيجي في عينيها اثناء الاستحمام
المفروض عامة ان كل يوم بتنظفي عينيها بتامبونيد ودا عبارة عن قطعة شاش بداخلها قطنة وتبليها في المية وتنظفي عينيها وترميها بعد كدا
ياريت برده بالاضافة للنصائح اللي الزملاء قالولك عليها تجيبي ترمومتر بحيث تقيسي درجة الحرارة كل ما تشعري انها مش طبيعية
حاولت كتير ببقي متحكمة فيه واصلا كدا كدا بلع ضوافره بإيدي عادي بس اول ماجي اقص
يفلفص مني
مدروخ؟؟ انا لما بشيل كوكي بنهج _ ماشاء الله يعني_ يعني مش بعيد هواللي يكتفني ويقصلي ضوافري
مش تصبري لما اكمل الخطه اربعه :-
تديله كام سمكايه كده
يعمل بيهم دماغ
ويبقى مش قادر وعايز ينام
تروح ماسكاه
وقصالو ضوافره
:)
هو كوكي ده قط ولا ديناصور ؟؟؟
عايز صوره ليه
ويكون لابس البدله كده ومستحمي
:)
لا هي عنيها مش حمرا ولا فيها اي التهابات
بس مناخيرها في شوية افرازات زي عنيها كدا بالظبط و انا بنضفلها عنيها كل يوم بمنديل ورق
شعرها مش طويل للدرجة دي دا انا نفسي يطول و ماستخدمتش شاكمبوهات ولا صابون هي ماكملتش اسبوع لسة و لسة ماحمتهاش بس غسلتلها وشها بمية فاترة كدا اول انبارح بس الافرازات اللي في عنيها دي من اول يوم
احنا الجو عندنا تراب شوية على فكرة و اعتقد دا ممكن يكون منو !!
و اليكم صور النجمة الصاعدة Honey
http://img193.imageshack.us/img193/3285/dsc00231if.jpg
http://img46.imageshack.us/img46/3650/dsc00228i.jpg
http://img560.imageshack.us/img560/8752/dsc00230ki.jpg
قلولي بقى الاخت دي شيرازي ولا ايه بالظبط ؟؟
من الصور كدا باين عليها رومي
لا هي غالبا رومي عشان عندي زيها بالظبط
و الشيرازي بيبقى شكلة كدا
http://www.sogarab.com/photos/31947_extra3.jpg
و بردو حاجة لاحظتها من الصور ان القطة دي سنها كبير شوية مش 5 شهور
مش عارف بقى ممكن تكون الصور مكبراها