للصفوة ولأصحاب الذوق الرفيع فيكترا 2002 cdx 2000CC أوتوماتك - فضي - بحالة شاذة

للصفوة

ولأصحاب الذوق الرفيع

فيكترا 2002 cdx 2000CC أوتوماتك - فضي - بحالة شاذة – فابريكة بالكامل - جنوط سبور أصلى- 4 زجاج كهرباء - 2 مراية كهرباء 5 مخدع رأس
، 2مخدع يد أمامي وخلفي - فرش جلد طبيعي CD changer –
- حساسات اكصدام خلفية – مثبت سرعه – multi function wheel
– 2 ايرباج – جهاز إنذار مانع للسرقة يعمل بأشعة الليزر - تليفون – مانع انزلاق ضد المطر والجليد – كمبيوتر لإظهار جميع الأعطال والمعلومات على شاشة التابلوة . ( استعمال قاض )
- لأعلى سعر.


للمعاينة 01140018544



http://www12.0zz0.com/2011/12/04/02/700247517.jpg
http://www6.0zz0.com/2011/12/04/02/741013768.jpg
http://www6.0zz0.com/2011/12/04/02/334051725.jpg
http://www6.0zz0.com/2011/12/04/03/266859871.jpg
http://www6.0zz0.com/2011/12/04/03/108886055.jpg
http://www6.0zz0.com/2011/12/04/03/253237155.jpg
http://www6.0zz0.com/2011/12/04/03/840716342.jpg
http://www6.0zz0.com/2011/12/04/03/421576207.jpg
http://www6.0zz0.com/2011/12/04/03/989323012.jpg
http://www6.0zz0.com/2011/12/04/03/228852975.jpg
http://www6.0zz0.com/2011/12/04/03/247620497.jpg
http://www6.0zz0.com/2011/12/04/03/989764414.jpg

بسم الله الرحمن الرحيم
بسم الله & ماشاء الله
و بالتوفيق فى البيع بأذن الله

بسم اللة ما شاء الله
ربنا يكرمك في بيعها ان شاء اللة

السعر المطلوب كام لو تسمح
وهل في قابليه للبدل باسكودا اوكتافيا موديل 2006 a5 لون بترولي كامله بدون فتحه

جميلة بس اعلى سعر دة الى هو كام ؟؟

متابع لمعرفة السعر المطلوب

ما شاء الله .. اللهم بارك

عاملة كام ألف كيلو وبكام؟

ما شاء الله

ربنا يباركلك فيها بس سعرها كام وماشية كام كيلو؟

متابع باهتمام

بجد بسم الله ماشاء الله عليها بس ياريت باقي الملعومات ماشيه كام كيلو صيانات بتاعتها اخبارها ايه والاهم السعررررر

عربيه ممتازه بس حاسس انها ماشيه كتير

اسف جدا على التاخير يا جماعه معلش ظروف الشغل

العربيه سعر مبدئي 95000

الكيلو متر 177000

الصيانات الدوريه عند الوكيل

يفضل البيع نقدا لكن ميمنعش فكرة البدل gomangy

لاي استفسار اخر برجاء الاتصال على 01140018544

اقتباس:

---

العربيه سعر مبدئي 95000

---

السعر كام ياباشا لو سمحت؟

متابع ... بسم الله ماشاء الله على العربيه

177 الف كيلو و 95 الف جنيه
دى فكترا c عامى لسه جيبها ماشه 12 الف كيلو ب 100 الف جنيه موديل 2008

95 الف
برجاء مراجعه السعر

95 الف مستحييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييل دي اخرها خالص خالص خالص خالص خالص خالص 63000

60 لو يمشى هدفع كاش واى وقت

لو الحاله شاذه فعلا ومفهاش غلطه وفابريكه بالكامل انا جاهز ب 64

اكيد السعر المطلوب 59000
وفى غلطه

السعر غالى جدا جدا

95,000 ؟ ههههههههههههههههههههههه

بسم الله ماشاء الله شكلها كويس بس يارجالة العربية دى cdx مش cd ودى كمليات اعلى بيكتير تانى حاجة هى فعلا صعب تجيب 95 لان دة كتير اوى اتوقع ممكن تعمل من 75 لحد 80 حسب الحالة بس لو دة مش متعدله

85 ل 95 الف, أجيب BMW E46 م 2000 أو 2001 الفتيس الجديد كمان, أو e39 1998, ده لو احنا هنتكلم على الالمانى بس, طبعا لو فتحنا أوروبى و يابانى مش هنخلص.

فى رأيى اخرها ممكن 70 لو مش متعدلة و حالة ممتازة, و ممكن صعب تجبهوم كمان.

رأيى الشخصى العيب مش فى العربية بس هوا السوق المصرى ليه تصنيفات معينة, فلو انتا مش راضى بالتصنيفات ديه خلى العربية معاك أفضل صعب تلاقى حاجة بالامكانيات ديه, ياما تضحى بالسعر لأن ده الواقع. و ربنا يوفقك.

شكرا ليكم كلكم يا جماعه وعلى ذوقكم

لعربيه مفيش فيها حاجه متعدله

وزي ماقال zizo50001 دي CDX مش CD والفرق بينهم ان مفيش شبه بينهم غير في الشكل

اما عن مساله السعر ف دي مساله صعب ضبطها في السوق المصري مش عشان السواق المصري زي ماقال TOOLA العيب ف ان كل واحد في الدنيا له حسابات مختلفه عن التاني ملهاش علاقه بمصري امريكاني طالياني
اما اخرها كذا ومتساويش غير كذا ده كلام يتقال لما نكون عاملين استطلاع راي عن السعر ..لكن انا عارض العربيه للبيع
شكرا لاهتمامكم وذوقكم ومتابعتكم للموضوع ........للمعاينه برجاء الاتصال على 01140018544

http://www4.0zz0.com/2011/12/06/20/376379905.jpghttp://www4.0zz0.com/2011/12/06/20/355563699.jpghttp://www4.0zz0.com/2011/12/06/20/652715048.jpghttp://www4.0zz0.com/2011/12/06/20/681986417.jpg

هى الصور دى قديمة .. أصلى ملاحظ ان حضرتك شاطب على تاريخ الصور.

اقتباس:

---

المشاركة الأصلية كتبت بواسطة kzakza

شكرا ليكم كلكم يا جماعه وعلى ذوقكم

لعربيه مفيش فيها حاجه متعدله

وزي ماقال zizo50001 دي cdx مش cd والفرق بينهم ان مفيش شبه بينهم غير في الشكل

اما عن مساله السعر ف دي مساله صعب ضبطها في السوق المصري مش عشان السواق المصري زي ماقال toola العيب ف ان كل واحد في الدنيا له حسابات مختلفه عن التاني ملهاش علاقه بمصري امريكاني طالياني
اما اخرها كذا ومتساويش غير كذا ده كلام يتقال لما نكون عاملين استطلاع راي عن السعر ..لكن انا عارض العربيه للبيع
شكرا لاهتمامكم وذوقكم ومتابعتكم للموضوع ........للمعاينه برجاء الاتصال على 01140018544

---

على فكرة انا مقولتش السواق المصرى, انا قلت "السوق" المصرى, المخلى المرسيدس فى السما و البى ام متشعلق شوية فوق و شوية تحت و الأودى فى الأرض رغم ان الأودى بتنافس المرسيدس و البى ام فى كل الدنيا.

الفكرة ان فى عربيات مقبولة عندنا و عربيات لأ, و فى عربيات بتبقى شغالة زى الفل و بعدين تطلع عليها سمعة فبتنزل سعرها فى المستعمل (الميجان - الفكترا) و بتختلف على حسب ظروف كل عربية بالطبع (لانسر بومة شغالة نار - لانسر شارك فشلت تماما).

فى الأخر كل عربية بيبقى ليها تصور فى رينج سعرها و بالتالى انتا عارض سعر يعتبر أعلى من الرينج و لو اضفنا جهل الكثير بامكانيات سيارتك المتفوقة عن غيرها فده بيزود المشكلة ,و ساعتها يبقى فرصة بيع سيارتك بمثل هذا السعر تتطلب وجود حد بيدور على الموديل ده بالتحديد و يكون مقدر امكانيتها و اختلافها و مش فارق معاه السعر.

و بالتوفيق ان شاء الله

اقتباس:

---

المشاركة الأصلية كتبت بواسطة kareemz

هى الصور دى قديمة .. أصلى ملاحظ ان حضرتك شاطب على تاريخ الصور.

---

لا يافندم الصور حديثه وممكن تيجي تتفرج مش هتلاقي اختلاف ان شاء الله كان في غلطه في الكاميرا بس

اقتباس:

---

المشاركة الأصلية كتبت بواسطة toola

على فكرة انا مقولتش السواق المصرى, انا قلت "السوق" المصرى, المخلى المرسيدس فى السما و البى ام متشعلق شوية فوق و شوية تحت و الأودى فى الأرض رغم ان الأودى بتنافس المرسيدس و البى ام فى كل الدنيا.

الفكرة ان فى عربيات مقبولة عندنا و عربيات لأ, و فى عربيات بتبقى شغالة زى الفل و بعدين تطلع عليها سمعة فبتنزل سعرها فى المستعمل (الميجان - الفكترا) و بتختلف على حسب ظروف كل عربية بالطبع (لانسر بومة شغالة نار - لانسر شارك فشلت تماما).

فى الأخر كل عربية بيبقى ليها تصور فى رينج سعرها و بالتالى انتا عارض سعر يعتبر أعلى من الرينج و لو اضفنا جهل الكثير بامكانيات سيارتك المتفوقة عن غيرها فده بيزود المشكلة ,و ساعتها يبقى فرصة بيع سيارتك بمثل هذا السعر تتطلب وجود حد بيدور على الموديل ده بالتحديد و يكون مقدر امكانيتها و اختلافها و مش فارق معاه السعر.

و بالتوفيق ان شاء الله

---

ريبورت راااااائع فعلا كلامك 100% مظبوط

شكرا لذوقك

اقتباس:

---

المشاركة الأصلية كتبت بواسطة kzakza

دي cdx مش cd والفرق بينهم ان مفيش شبه بينهم غير في الشكل

---

جامدة أوى الجملة دى.

95 دي تجيب بي ام موديل 2000 أو 2001 ، والبي ام شيئ مختلف تماما شكلا وموضوعا!

عموما السعر فى تقديري (لأني ركبت الاتنين) هو من 65 الى 70 ألف - خاصة إن العداد عالي 177 ألف كيلو

عموما بالتوفيق _ هي عربية جميلة بكافة المقاييس بس الماركة بتحكم السعر برضه.

تحياتي.

رينج ال 65
لان بال100 الف اركب بى ام او سيفيك او فكترا c

لأ هى بصراحه تسوى أكتر من 65 ألف طبعا .. العربية دى محترمة جدا .. و ال cdx الأصلى منها قليل .. و الفابريكة بالكامل أقل.

فالعربية تعتبر نادرة و الميزة كمان ان قطع غيارها متوفرة جدا.

بالتوفيق فى البيع.

بصراحة كلام الزملا كافى جدااا
ربنا يوفق حضرتك للى فيه الخير

شكرا ليكم كلم يا جماعه وربنا يقدم اللي فيه الخير

انا لسه شايف الموضوعالسعر العادل لغاية 75000

ادامى واحدة 2002 cdx ويزيد على كل الحاجات ديه فتحة سقف وبيتكلم فى 65 الف

السلام عليكم و رحمة الله و بركاته

ما شاء الله, العربية ممتازة جدا و كمان أعلى حاجة فى الVectra B .

ربنا ييسرلك الأحوال.

و بعدين يا شباب الراجل طالب 95000 جنيه, هو حر فى عربيته و من حكم فى ماله ماظلم و ربنا يباركله ان شاء الله و اللى غاوى العربية هيروح و يدفع ال95000 جنيه و يبقى حلال عليه.

كان فيه واجد جارنا جاب الOpel Vectra C مو 2007 ب 104000 و كانت عاملة 17000 كم من أسبوعين تقريبا.

شكرا لمروركم جميعا ولذوقكم

بس بغض النظر عن اي شيئ معتقدش ان اي حد ممكن يحكم على سعر اي حاجه من غير مايشوفها بنفسه على الطبيعه لان العربيات النادره ليها ظروف خاصه في البيع والشراء
وعلى فكره ياwama00 انا مصدقك وممكن ارخص كمان بس ده مش مقياس ابدا لاني ابيع بسعره ولا سعري مقياس ليه انو يبيع بسعري كمان
وياجماعه انا عارض للبيع على منتديات معينه عشان قليل اللي عارف يعني ايه CDX

اقتباس:

---

المشاركة الأصلية كتبت بواسطة kzakza

شكرا لمروركم جميعا ولذوقكم

بس بغض النظر عن اي شيئ معتقدش ان اي حد ممكن يحكم على سعر اي حاجه من غير مايشوفها بنفسه على الطبيعه لان العربيات النادره ليها ظروف خاصه في البيع والشراء
وعلى فكره ياwama00 انا مصدقك وممكن ارخص كمان بس ده مش مقياس ابدا لاني ابيع بسعره ولا سعري مقياس ليه انو يبيع بسعري كمان
وياجماعه انا عارض للبيع على منتديات معينه عشان قليل اللي عارف يعني ايه cdx

---

بالظبط كدة انا متفق معاك تماما مش اى حد يعرف يعنى ايه cdx ولعلم حضرتك ال cdx اللى فى مصر كلها 200 عربية فقط وانت ليك الحق وكل الحق فى طلبك لبيع عربيتك بالسعر اللى حضرتك تحبة حتى لو 200 الف ده براحتك لكن الواحد لازم يسلم بشئ ان كل عربية ليه رينج معين حتى لو كانت لسه خارجة من المصنع وكمان بيبقى فيه سعرين سعر ادنى وده بيبقى لحالة العربية السئية جداااا وسعر اعلى فى حالة العربية حالة شاذة ومش ممكن العربية تخرج بين الاتنين دول والله اعلم