الموضوع: هو في special order عند أرتوك أوتو؟

المشاركة الأصلية كتبت بواسطة wshawky

معلش حضرتك متستغربش اننا مستغربين انك بتدور على مانيوال بس ده من الزحمه و الوقفه الكتيره فى الإشارات او طلوع الكبارى عجله عجله العمليه بتبقى صعبه و متعبه بالاضافه لان صانعى السيارات نفسهم بيخلوا الهاى او التوب لاين دائماً اتوماتيك اكيد لوجهه نظر برضه و علشان كده بنقولك حاسب و ده طبعا للخوف على مصلحتك و اعتبارك اخ بدون شك و بالتوفيق ان شاء الله

تعليق بسيط بس على هذا الكلام ، وهو إن إلي بيحدد ال-top line و ال- high line ومواصفاته هو التاجر أو المستورد مش المصنع ، المصنع بيعمل كل العربيات بفتيس منوال وبيحط الفتيس الاوتو اوبشن ، وبييجي التاجر المصري أو الخليجي بيحدد الأوبشن دة في الطلبية إلي بيطلبها عشان عارف إن المشتري عندنا بيحب دة وهيدفع فيه .
لكن في الاصل كل عربية في الدنيا مهما كانت بتنزل فيها فتيس منوال وفتيس اوتو (ماعدا موديلات معينة لأسباب معينة بينزل فيها مانوال فقط أو اوتو فقط , و دول قليلين جدا )

المشاركة الأصلية كتبت بواسطة farahat

تعليق بسيط بس على هذا الكلام ، وهو إن إلي بيحدد ال-top line و ال- high line ومواصفاته هو التاجر أو المستورد مش المصنع ، المصنع بيعمل كل العربيات بفتيس منوال وبيحط الفتيس الاوتو اوبشن ، وبييجي التاجر المصري أو الخليجي بيحدد الأوبشن دة في الطلبية إلي بيطلبها عشان عارف إن المشتري عندنا بيحب دة وهيدفع فيه .
لكن في الاصل كل عربية في الدنيا مهما كانت بتنزل فيها فتيس منوال وفتيس اوتو (ماعدا موديلات معينة لأسباب معينة بينزل فيها مانوال فقط أو اوتو فقط , و دول قليلين جدا )

هو حضرتك أيا كان اللى بيحدد الهاى او التوب لاين مواصفاته ايه مش هيفرق كتير معانا و المهم ان اللى بيحدد ده ايا كان اكيد بيكون بناء على دراسه السوق و رغبات المستهلكين و معايير اختيار تختلف من بلد لاخرى و هو ده المهم و نتيجتها انه بيختار اتوماتيك للفئات التوب لاين و الهاى لاين لسبب وجيه علشان يعرف يبيعها وده يضاف لرأينا

وأنا مش مختلف معاك ، لكن الفرق الوحيد بين كلامنا إن دة تعريف ال-high line وال top line عندنا في مصر ، لكن في بلد تانية ال high line تعريفه ممكن يكون منوال ، ذي أمريكا مثلاً ، ال-BMW وال-Audi في الفئات العالية فيها بتكون منوال .
باختصار يعني لو صاحب السؤال هيجيب من مصر يبقى هيلاقي الطبيعي اوتو ، ولو هيجيب من أوروبا هيلاقي الطبيعي منوال ، مش معناه إن واحد منهم أعلى من التاني في الفئة ولا السعر .

و أنا كمان مش مختلف مع حضرتك خالص و اعتقد ان صاحب الموضوع عايز يشترى من مصر و على فكره سعر الفتيس الاتوماتيك أغلى من المانيوال فى اى بلد و لاى ماركه و تحياتى

تمام يا رجالة
أنا بتكلم من مصر فعلا وهشتري من هنا إن شاء الله
فإيه رأيكم

اعتقد حضرتك هيبقى قدامك اختيار اتوماتيك فقط و ممكن تكلم حضرتك ارتوك أوتو تسألهم على المانيوال الهاى لاين ولو أنى بصراحه ما اعتقدش بس ممكن تتصل بيهم تسال لو حضرتك عاجبك المانيوال و ممكن تفكر فى حاجه تانيه عاليه عن الارض ممكن تبقى تبص على النيسان قشقاى لو تناسب احتياجك بس فى نقطه كمان حتى لو لقيت هاي لاين مانيوال و نظرا لاختيارات الناس و ميلها الاتوماتيك هتلاقى سعر اعاده البيع للاوكتافيا المانيوال الهاى لاين دى عند البيع واقع و هتقعد تحكى للى عايز يشترى الحكايه من اولها

ماهو كلامي يا جماعة عشان احنا في مصر ، والعربية إلي بتتباع في مصر فيها فتيس منوال وكماليات أقل أو فتيس اوتو وكماليات أعلى ، يبقى اللي حضرتك بتطلبه دة مش في مواصفات المستورد المصري، دي مواصفات خاصة ، بمعنى أصح مش مكتوب في الطلبية إلي جايبها ارتوك ، يبقى الحل إيه ؟!
الحل واحد من اتنين :
- حضرتك بتروح عند ارتوك وتحدد مواصفات العربية اللي عايزها وبيكون فيها فتيس منوال مع كماليات اللي حضرتك عايزها ، وأعتقد إنه ذي أغلب الوكلاء اللي بيجيبو عربيات مش تجميع مصري (ذي البافارية ما بتعمل في bmw و ذي cna وكيل مرسيدس و-eaec وكيل فولكس ) ، وبيطلبها مع الشحنة اللي جاية وبتستنة وتستلمها لم تيجي ،
يعني على سبيل المثال هو بيطلب كل كم شهر 100 عربية بالمواصفات بتاعته ، المرة الجاية هيطلب 99 بالمواصفات بتاعته وواحدة مختلفة عنهم بتدفع مقدم تمنها لضمان الجدية وهيسلمهالك لما تيجي ، بس عيب الحكاية دي انك بتستنى لما تيجي كل الشحنة (من شهرين إلى 6 شهور ).
-الحل التاني انك بتروح لأي مستورد وبيعمل نفس الحكاية وبيجبهالك وست الشحنة بتاعته ، بس بما إن هو بيجيب طلباته كل 10 عربيات مرة واحدة فهتيجي أسرع ، وتجار الخليجي والمعارض الكبيرة بتعمل كدة .

أنا متشكر جدا لكل من شاركنا
ربنا يبارك فيكم

تمام تمام
طيب هي في رأيكم توصل لكام كسعر؟
لأنني من كلامكم بدأت افكر في الأتوماتيك وشكلها هترسى على كدة ده العملية طلعت وجع دماغ