لا تفهموني خطاً

**Tiar** · 04-12-2011 11:16 AM

السلام عليكم ورحمة الله وبركاته

انا بصراحة عاوز افتح موضوع جديد بس متردد علشان ممكن بعض الاعضاء يزعلو مني
وكمان انا مش عارف إن مكانه هنا صحيح ولا لا. قصدي انه هنا قى قسم الاوبلية لاني بصراحة مدخاتش غيره. معلش طولت عليكم نعرض بقا الموضوع:

انا لاحظت انه فى مواضيع كتير مفتوحة ومفيدة جداً وانا عن نفسي استفد جداً فجزا الله كل الاخوة خير الجزاء بس فى نقطة مضيقاني شوية الا وهية اني بلاقي بعد الاخوة احياناً يردو ردود شخصية ليس لها علاقة بالموضوع اللي بنتكلم عليه زي مثلاً ازيك ياراجل فينك. ومثلاً عملت ايه فى موضع كذا . وغيره
اللي بيحصل اني ببقى متابع موضوع معين ولما القي حد دخل الموضوع واضاف رد اخل واشوف الرد ده بصراحة انا بحبط لما الاقية مبيتقلمش فى سياق الموضوع اللى انا متابعة
من وجهة نظري ممكن نستعمل الرسائل الخاصة للا اطمئنان على الاعضاء

ياجماعة والله هدفي هو التميز لقسمنا (اوبل) اكثر ما هو متميز

برجاء حذف او نقل الموضوع اذا كان فى غير محله

اخوكم طيار

**فادى محمد** · 04-12-2011 12:16 PM

وعليكم السلام ورحمه الله وبركاته

مش هنفهمك غلط ماتقلقش بس عاوزك تعرف ان القسم هنا مختلف عن اي قسم تاني وبشهاده الاخرين..
مفيش سؤال بيتسال الا وتلاقي اللي عارف بيرد وبسرعه ويطلع لك ارقام تليفون وعناوين ويتصل بيك ...
العلاقه الانسانيه بقي اعلي كتير من علاقه منتديات .
الكل بيشارك بعضه في افراحه وهمومه بكل مايستطيع
لذلك تلاقي اي عضو قبل مايرد يسلم علي العضو اللي قبله او يصبح عليه او يطمن ..من غير مانخرج عن نطاق الموضوع
لذلك مجموعه الاوبل اسمها عصابه الاوبل وربنا يديم علينا نعمه ويجمعنا دايما علي الخير ..ولك مني كل التحيه .

**ashrafnoby** · 04-12-2011 02:46 PM

انا مع فادى فى الكلام الاى قاله هى العلاقات الاجتماعيه هى الاى مميزه القسم بتاعنا عن اى قسم وربنا يجمعنا على الخير

**tananybasha** · 04-12-2011 03:42 PM

بص يا باشا
طالما الموضوع تم الرد فيه و حل المشكله
و المشاركات الأجتماعية مأثرتشى عليه
يبقى خلاص
انا منسق القسم
و لو فيه مداخلات ملهاش لازمه
بشيلها من الموضوع او اضمها مع بعضها عشان متأثرشى على سير الحوار
و لك جزيل الشكر