الموضوع: طريقه السواقه ..

مُشكلة النقلات بدري أنه بيأثر على الآتي

اسطوانة الدبرياج ......... ليه ؟؟
لانك بتأخد عزم من الموتور عالي و العربية سرعتها أقل من العزم اللي طالع من الموتور و بالتالي بيأثر على البلية بتاعة الدبرياج و بيقلل عمرها
بس لو أنت قرصت على الغيار ........هتالاقي العربية بتكرر على خفيف أو سرعتها مش مظبوطة للنقلة اللي أنت غيرتها
و طبعا لازم rpm يكون قليل علشان مش هي دي النقلة الصح
و ده بيأثر على عمر الاسطوانة و البلية ............. و الله تعالى أعلم

نصيحة في موضوع الزحمة
لو الطريق واقف خالص و ماشي واحدة واحدة
خليك على الأول لغاية سرعة 20
و لو سرعة الطريق زادت عن كدا زود للتاني
أما لو الطريق كدا كدا هايقف
خليك على الأول من غير ما تحرق الغيار لغاية ما الطريق يقف

بس لو إنت سواقتك معظمها داخل البلد .... كان المفروض تجيب عربية 1300 علشان تريحك من استهلاك البنزين

بالاضافة لما ذكره الأستاذ توت, يجب أن تتجنب تماما "التسقيف" لأن له أثار مدمره على المحرك, و القيادة المثالية تختلف من سيارة لسيارة, و لكن عموما يجب أن تبقى المحرك فى حدود 2.5-3 أربىام حتى يطول عمره, لكن بحيث تتجنب ال"تسقيف" تماما, لأن السرعة الزائدة و السرعة القليلة كلاهما يضر المحرك.
و طبعا يرجع ذلك فى المقام الأول الى احساسك فى القيادة و معرفتك بسيارتك.
لكن يفضل الانطلاق على النسبة الأولى دائما, و أنا أقول لك ذلك رغم أننى أنا أيضا أنطلق أحيانا على النسبة الثانية كنوع من الكسل فى حالات الزحام. الا ان ذلك ليس محبذا, لأنه يؤدى الى تحميل العزم على الكرنك و اسطوانة الدبرياج كما قال أستاذ توت, بالاضافة الى التسقيف فى بعض الحالات.

التسقيف ده عبارة عن ظاهرة بتحصل لعدة أسباب منها زيادة التحميل على المحرك, و بتحصل نتيجة لانفجار غازات موجودة فى المحرك من عمليات الاحتراق السابقة بعيدا عن شمعة الاحتراق بفضل السخونة داخل المحرك, و بتعمل صوت شبيه بالتسقيف "تك تك تك تك", و هى بتضر بالمحرك لأنها انفجارات ذات طبيعة مختلفة عن طبيعة الاحتراق الناعم فى محرك البنزين, الذى ليس مجهزا لهذا النوع من الانفجارات و الضغط المتولد عنها. أكيد بتسمعها ساعات لما تنقل مثلا على الرابع و انت ماشى على 30 مثلا أو لما تطلع على التانى.