طريقه السواقه ..

**mohamedhamdy82** · 23-05-2008 06:37 AM

هل فيه مشكله لو الواحد طلع بالعربيه على التانى مش على الاول .. بس العربيه بتطلع عادى من غير اى كركره ولا تنتيش ولا اى مشاكل كأنها على الاول بالظبط ... اصل الحكايه دى مفيده معايا فى الزحمه .. الطريق بيمشى حته حته لمد ربع ساعه على الاقل وبدل ما الواحد يقعد يجيب اول فى تانى وهكذا بسبها على التانى على طول وبتمشى معايا عادى مجرد بخف دبرياج الاقى العربيه طلعت ..

ثانيا هل فيه مشكله لو الوحد عمل النقلات بدرى .. يعنى يدوب الاول يحرك العربيه التانى لحد 15 التالت من15 الى 40 كم الرابع من 40 الى 60 كم وهكذا .. وبردوا العربيه عادى بتاخد النقله عادى جدا ومافيش اى مشاكل ...
العربيه نوبيرا 2008
بصراحه الموتور بيكون مرتاح جدا وال rpm مش بيعلى عن 1.5 بالطريقه دى بس هل لطريقه السواقه دى مشاكل ؟؟
اصل فيه واحد قاللى ان الطريقه دى بتكتم العربيه وشويه شويه العربيه مش هتسحب معايا بعد كده وبتخلى الشكمان يحوش الكربون فهل الكلام ده مظبوط ؟؟
انا كنت بسوق عادى بطلع على الاول وبدى النقله حقها بس انا حاسس انى كده مريح العربيه اكتر بس عاوز اعرف لو فيه مشاكل ..

**MoToRiZeR** · 23-05-2008 06:50 AM

اكيد اريح للموتور انه يطلع علي الأول .. و لكن بعيدا عن الموتور
انا قريت ان اسلوب القيادة ده غلط و اسمه riding the clutch .. بمعني انك مش بتمور العربية اما الطريق يقف و دايس دبرياج علي طول و ده مش كويس عالاسطوانة .. المفروض الطريق يقف .. الاحسن تمور .. يمشي .. تدي اول .. هي مقرفة و لكن بتطول في عمر اجزاء العربية .. و بما انك كدة كدة هتمور فا اديها اول عشان تريح الموتور

ده اللي اعرفه ممكن يكون صح او غلط

**sokasoon** · 23-05-2008 06:53 AM

على فكرة انا مرة وعن طريق الخطأ طلعت من الثبات على الثالث

بالنسبة للموضوع يستحسن انك لو العربية واقفة تطلع على الاول طبعا

والا ماكنش اتعمل اساسا لاكن لو العربية متحركة ببطء مثلا وانت على

الثانى كمل عادى لاكن لو وقفت ارجع للاول

بالنسبة ان فيه مشكلة انك تريح النقلات انت كده مريحها على الاخر

انت خليك فى المتوسط يعنى الاول لغاية 2.5 rpm

وباقى النقلات 3 rpm ده معدل كويس اوى وهيكون الموتور مرتاح باردو

لاكن ماتقللش اكثر من كده لان بعد كده لو حبيت تجرى العربية مش هتجيب معاك

سرعات عالية بسهولة غير لما تقرص على الغيارات شوية بمعنى بدل ما كنت

بتوصل لـ rpm3 توصل لـ rpm4 لكل نقلة وهكذا ويستحسن انك شوية

بشوية توزد مش مرة واحدة

وان شاء الله أ / ممدوح يرود عليك بتفاصيل اكثر وتوضيح اكثر منى

**mohamedhamdy82** · 23-05-2008 01:01 PM

شكرا للاستاذ dehumanizer والاستاذ sokasoon

موضوع الطلوع على الغيار التانى ان الطريق بيكون ماشى واحده واحده .. يعنى لاهو واقف ولا هو ماشى ... طبعا ساعات بيقف بس موضوع ان الواحد يمور وينقل اول ويرجع يمور ده رخم فبفضل ماشى على التانى ولما بيقف خالص بمور لكن لقيت نفسى من غير ما احس اتعودت ان ادى العربيه نقله التانى وانا طالع

اما بالنسبه لموضوع النقلات بدرى .. فانا كده حاسس انى مريح الموتور .. يعنى بدر ما اوصل لسرعه 55 كم او 60 كم على نقله التالت وساعتها هيكون ال rpm على 3 هوصل ليها بردو على الرابع وساعات على الخامس كمان بس ال rpm هيكون على 1.5 فبحس ان كده اريح للعربيه والعربيه كده كده هتاخد سرعتها ....

وعوما انا علشان موضوع السحب وان العربيه ماتتكتمش ببقى اقرص عليها وانا مسافر او على الطريق بره البلد يعنى كل اسبوع مره .. ببقى اجيب على التانى 50 والتالت 80 او 90 .... كده يعنى

فهل كده كويس ولا ايه ؟؟

وهل الطريقه دى ممكن توفر فى البنزين ؟؟

**حاتم سليم** · 23-05-2008 01:41 PM

المشاركة الأصلية كتبت بواسطة mohamedhamdy82

شكرا للاستاذ dehumanizer والاستاذ sokasoon

ببقى اجيب على التانى 50 والتالت 80 او 90 .... كده يعنى

فهل كده كويس ولا ايه ؟؟

وهل الطريقه دى ممكن توفر فى البنزين ؟؟

كلما زادت لفات المحرك (RPM) كلما زاد استهلاك البنزين ...

**mohamedhamdy82** · 23-05-2008 03:28 PM

شكرا استاذ حاتم سليم على ردك .. بس انا كنت اقصد بطريقه توفير البنزين حكايه انى انقل النقلات بدرى وال rpm يكون على 1.5 .. اما حكايه التانى 50 والتالت 90 دى .. انا كنت اقصد بيها انها تعالج حكايه كتمه العربيه اللى ممكن تحصل من المشى الهادى ..

**SEATLOVER** · 23-05-2008 03:38 PM

-الطلوع على التانى .. وماتحسش بأى فرق ..يبقى الفتيس هايجيب اخرة عندك قريب
-تجيب النقلات بدرى .. دة احسن حاجة تحافظ بيها على العربية و توفر فى البنزين مع / الحفاظ على سفرية على سرعة عالية كل شهر تقريباً

**MMamdouh** · 23-05-2008 06:38 PM

اولا انت ممكن تطلع على التانى او التالت عادى خالص... العربية مش حتقول لا... على الاقل على المدى القصير

الطلعة على نقلة اعلى من الاول تعنى ان انت محتاج عزم تدوير عالى... يعنى حمل على الموتور و عشان تورفر العزم دة اما حتزود بنزين او حتشيل رجلك من على الدبرياج ببطء اكثر من لو كنت طالع على الاول و بالتالى بتستهلك اسطوانة دبرياج اسرع من الطبيعى لانك بتجهدها فى كل طلعة

لو رجلك مش حساسة ممكن تسبب ان الموتور يسقف او العربية تنط و تبطل.. التسقيف خطر على البساتم و النط بيبهدل قواعد الموتور و الفتيس

باختصار شديد... انت بتريح نفسك من نقلة زيادة و بتجهد قصادها الدبرياج

بالنسبة لاستهلاك البنزين... خللى دايما الRPM بين 2000 الى 3000 لفة و متزودش سرعتك عن 90

بالنسبة للحرق عشان تفويق الموتور... انت معاك نوبيرا و بالتالى عندك RPM... لنقل عند 6500RPM

MMamdouh

**mohamedhamdy82** · 23-05-2008 09:32 PM

شكرا للباشمهندس /عمرو والاستاذ محمد ممدوح والاستاذ / Noname

انا كده فهمت تمام .. بس لى سؤال الاستاذ محمد ممدوح سيادتك كاتب الجمله دى . """ بالنسبة للحرق عشان تفويق الموتور... انت معاك نوبيرا و بالتالى عندك RPM... لنقل عند 6500RPM "" !!!

أخلى ال rpm يجيب 6500 ؟؟
مش كتير ؟؟؟؟

الموضوع: طريقه السواقه ..

LinkBack

أدوات الموضوع

عرض

-

-

-

-

المواضيع المتشابهه

يعنى ايه مواصفات السواقه ؟هى العربيه بتحس بطريقه سائقها فى السواقه

سؤال من مبتدئ في السواقه بخصوص السواقه والعربيه((ليجانزا 2002

طريقه السواقه ... وإستهلاك البنزين .....

طريقه السواقه ..

طريقه السواقه ... وإستهلاك البنزين .....

الكلمات الدلالية لهذا الموضوع

المفضلات

المفضلات

ضوابط المشاركة