الموضوع: العربية مكلبشه ... مشكله معقدانى

اخوانى الكرام
المشكله دى معقدانى من فتره ومش لاقيلها حل
العربيه ثقيله قوى وتحس انك شادد الهاند بريك درجه او اتنين
مع العلم انا الهاند عندى مش شغاله بعد ما الميكانيكى حاول يعمل رجلاش عليها وقفشت بسيط فقالى الطنابير لازم تروح المخرطه وانا مطنش من ساعتها ومبستعملهاش
عربيتى فيورا وركبت عربيه واحد صاحبى نفس النوع بس العربيه بتاعته خفيفه من لمسه للبنزين بتطير عكس عندى
مع انى مغير طقم الكهربا ومنظف الكربراتير
ملحوظه : عرفت ازاى ان العربيه مكلبشه؟
الاجابه:
1- لو العربيه واقفه على حته عاليه من قدام وواطيه من ورا مثلا بتثبت مكانها يعنى ماتتحركش وكأنك شادد الهاند
2- شيكت على الكاوتش وظبط الهوا والكاوتش بعد معمل مشوار مش بيسخن علشان اتأكد ان الفرامل قافشه
3- رفعت العربيه من ورا عجله عجله ولفتهم بإيدى بيلفوا بسهوله لكن اللى قدام ثقيل شويه فى الدوران

هل فى حل للمشكله بتاعتى ؟

المشاركة الأصلية كتبت بواسطة mero100

مشكلتك انت قايلها في السطر الثالث من موعك وانت مش واخد بالك :-)))))

تحياتي ليك اولا :
المشكله عندك ان التيل الخلفي قريب من الطنابير و دة اللي عامل قفشه في العربيه .....خلي الميكانيكي يعمل رجلاش صح و يصلح فرامل اليد لانها مهمه جدا .....و لو علي المخرطه ودي الطنابير المخرطه واعمل تيل جديد ......و بعد ما تخلص اختبر العربيه بالطريقه التاليه :
وقف العربيه عادي جدا و زقها بايديك الاتنين لو اتزقت معاك بس تقيله شويه يبقي تمام وعادي جدا لانها حتريح خلال اسبوع وحتبفقي خفيفه ......اما لو مكلبشه في الارض يبقي الحل انك تغير الميكانيكي ......و بعد ما تعمل القصه دي حتلاقي عدد تكات فرامل اليد بيعد معاك 4 او م او 6 تكات ..
تحياتي
عمرو ابراهيم

شكرا لك يا باشا
بس انا رفعت العربيه من ورا كل عجله لوحدها وخلتها تدور بإيدى وكانت بتدور خفيفه خالص مفيش حاجه مسكاها ولا تعوق حركتها
لكن اللى قدام تقيله
هل دا طبيعى ان العجل اللى قدام يبقى تقيل فى الدوران ولا فرامل اليد ممكن تكون مشدوده ومأثره على اللى قدام ومش مأثره على اللى ورا بسبب الطنابير؟