مشكله خطيرة في فرامل دوجان اهتمو ارجوكم

**amro0000** · 05-12-2011 01:42 AM

سلام عليكم انا معايا دوجان موديل93 بس عندي مشكله في الفرامل حاسس من زمان ان الفرامل ضعيفة المهم عملت رجلشة علي الفرامل وغيرت ماستر الكلام دا كان من اربع شهور تقريبا والفرامل اتظبطتت المهم انا بحس دايما ان فية حدفة اما باجي افرمل بتحدف يمين ساعات اة وساعات لا علي حسب السرعة المهم انا من فترة غيرت تيل فرامل قدام وحاسس ان الفرامل ضعفت بكتيرررر عن الاول والغريب انو اما باخد مشوار طويل وبكون جاي بجري بحس ان الفرامل علي السرعات العالية عشان اوقف العربية صح لازم اضغط علي الفرامل بقوة اوي ومش بتستجيب فرمله علي طول كمان يعني بتاخد وقت وبشم ريحة من العجل الي قدام ريحة شياط حاجة زي كدة مش عارف ريحتها اية بلزبط المهم انا من ساعة ماغيرت التيل معملتش الا 4مشاوير بس منهم مصر اسكندرية بس بلاحظ بعد المشوار الطويل الفرامل بحس انها بتتغير بتضعف اووووي اوووووي ورحت للميكانيكي قالي التيل بيطبع وبعد كدة قالي هاخدلك هوا وبصراحة مش حاسس بفرق بس الفرامل بتضعف اووووووووووي بعد مشاوير بعيدة ارجوكم فيدوني لاني خلاص معدتش عارف اية الصح من الغلط وخايف اضيع العربية او اضيع نفسي ياريت رد بسرعة من فضلكم وشكرا

**JUVENTUS** · 05-12-2011 01:58 AM

ممكن يكون ماستر من الماسترين اللي قدام لما بيمسك مش بيرجع مكانه على طول و بيفضل ماسك على الطنبوره و بالتالي التيل بيسخن اوي و طبعا بتشم ريحه الشياط دي و الفرامل بتكون ضعيفه و احيانا لما تستخدمها كتير في زحمه مثلا بتطلع الريحه دي و الفرامل بتضعف
و الله اعلم

**saadelden** · 08-01-2012 04:19 PM

المشاركة الأصلية كتبت بواسطة mmzyan

انا بقى يا جماعة عندى مشكلة جديده من نوعها فى عربيتى الشاهين و هى ان لما اكون فى مشوار طويل الاقى التيل بيقفش على الطنابير لوحدها و لما ادوس دوستين تلاتة على الفرامل القيها رجعت تانى زى ماكانت مش عارف دا مشكلة ايه بالظبط ..... بس انا متوقع يكون الماستر فيه مشكلة

اكشف علي بساتم الفرامل
لكن لو دواسه الفرامل بتنزل و ماتطلعش يبقى من الماستر

**mrghost** · 08-01-2012 08:17 PM

بالنسبه للاخ اللى غير تيل والفرامل ضعفت انصحه يغير ويركب تيل جولد صينى وان شاء الله هتبقى تمام
بالنسبه لحكايه الفرامل بتقفش ممكن يكون الخرطوم مسدود او البستم بتاع العجله عاوز يتفك ويتغسل كويس

**hugan** · 08-01-2012 08:20 PM

المشاركة الأصلية كتبت بواسطة saadelden

اكشف علي بساتم الفرامل
لكن لو دواسه الفرامل بتنزل و ماتطلعش يبقى من الماستر

+111111111
راجع البساتم لانها السب في ان العربيه تحدف يمين اوشمال عند الفرمله

**mmzyan** · 22-01-2012 08:35 AM

المشاركة الأصلية كتبت بواسطة saadelden

اكشف علي بساتم الفرامل
لكن لو دواسه الفرامل بتنزل و ماتطلعش يبقى من الماستر

مشكور على الرد و امبارح رحت للمكيانيكى و فك مساتر العجل الامامى و الخراطيم و لقى وساخة فى الزيت

غيرت جلد الماستر و مشيت بيها امبارح و الحمد لله المشكلة تقريبا اختفت

**Elawany13** · 22-01-2012 08:45 AM

المشاركة الأصلية كتبت بواسطة mrghost

بالنسبه للاخ اللى غير تيل والفرامل ضعفت انصحه يغير ويركب تيل جولد صينى وان شاء الله هتبقى تمام
بالنسبه لحكايه الفرامل بتقفش ممكن يكون الخرطوم مسدود او البستم بتاع العجله عاوز يتفك ويتغسل كويس

معقولة التيل الصينى حلو ؟؟؟؟