الموضوع: لايحب الله الجهر بالسوء من القول إلا من ظلم

ربنا ستر ان الموضوع عدى من غير دم يا بوحميد

انا مش موافق خالص على ذكر نوع العلاج اللى أخدته لأنه إفشاء سر مريض وبعتبره خيانة للأمانة ملهاش أى علاقة برد فعل ضد عدم دفع الفلوس

يعنى لو واحدة عملت عملية حساسة عند دكتور نسا ومدفعتش يبقى يحط إسمها ونوع العملية على باب العيادة؟
طب الناس مش هتخاف تشترى منك بعد ده؟ متقوليش مش هيخاف الا اللى مش هيدفع لإن المريض العادى كده عرف انك فى ظروف معينة ميعرفهاش كلها هتفشى سره فثقته فيك اهتزت وخسارتك فى الموضوع ده أكتر من مكسبك بكتير

بغض النظر عن رأينا فى الطريقه دي لكن النظام ده كان ممكن تعمله لو كانت الحاله ماشيه أو ملكش منافسين فى البلد
اتوقع وممكن اقولك انى متأكد ان الصيدليات التانيه اول ما هيعرفو بالموضوع ده هيستخدموه اسوء استخدام ضدك

نصيحة حاول دلوقتي انك تكسب زباين بأى طريقه
على سبيل المثال :
1- التخفيضات : يعنى مثلا واحد اشتري ادويا وبعد ما تجمعله قوله الاجمالى 47 جنيه لكن هات 44 بس " مع ابتسامه بسيطه "
2- الدعايه : زي النتايج الورق الصغيره وممكن تطبع شنط بلاستيك محترمه وكبيره شويه اعتقد مش هتزيد عن 1 جنيه وتعطيها هديه لاى حد مشترياته تزيد عن 25 جنيه مثلا
3- الهدايا : زي الريفو واللونا وطبعا كل ما يشترى أكتر ياخد هديه أكبر شويه

صدقنى الحاجات الهايفه دي بتفرق جدا مع الفلاحين لان الفلاح بيحسبها بالسحتوت ومش بعيد يكون الصيدليات التانيه بتستخدم اسلوب او اتنين

واعرف ديما لو الحاله ريحت معاك فده أكيد لسبب ياتقصير منك ياشطاره من منافسيك او الاتنين مع بعض