مطلوب نصيحة في وظيفة سكرتير تنفيذي

**محمد محمد** · 05-12-2011 10:38 PM

السلام عليكم ورحمة الله وبركاته
اخوكم بيشتغل الأيام دي في شركة فرست برنت لطباعة الكرتون والدوبلكس احدي شركات مجموعة فرست وباك لاين بتصنع ونطبع اي حاجة متلقة بالكرتون من اول علب لبان كلورتس وعلب امواس لورد وحتي صناديق الثلاجات والتكييفات وظيفتي الحالية مراقب فحص نهائي ودي تبع ادارة الجودة الشغل عندنا بيوصل ل12 ساعة وبعد فترة التدريب الشغل هيبقي ورادي صباحية ومسائية بنفس عدد الساعات وكل 6 ايام هاخد 3 ايام اجازة...دلوقتي الشركة عاملة اعلان داخلي عن وظيفة سكرتير تنفيذي بالنسبة لى اذا قدر الله وكانت الوظيفة من نصيبي هتعامل معاملة الإداريين يعني شغل 8-9 ساعات ومرتب اساسي افضل دي الحاجات اللى انا شايفها بس...عايز رأيكم في الوظيفة دي .

**Khaled Online** · 06-12-2011 11:37 AM

السلام عليكم
أولا ربنا يوفقك للأحسنلك سواء نفس ال position أو غيره

حضرتك اعمل جدول من 3 أعمدة وفيه الآتي:
1. الوظيفة الحالية (مراقب جودة)
2. الوظيفة المعروضة (سكرتير تنفيذي)
3. أوجه المقارنة ودي اللي فيها المفيد، مثلا: ساعات العمل اليومية + ساعات العمل الأسبوعية + المرتب الأساسي + المرتب الإجمالي + الإجازات الأسبوعية + الإجازات السنوية + فرص الترقي بعد 3 أو 5 سنين + مستقبل الوظيفة في سوق العمل عامة داخل مصر وخارجها + معاملة الزملاء + إلخ

املا الخانات في الوظيفة الحالية وفي المطلوبة حسب وجه المقارنة وانت هتحدد بسهولة أنهي أنسب
وبالتوفيق

أخوك خالد

**محمد محمد** · 07-12-2011 09:49 PM

المشاركة الأصلية كتبت بواسطة Honda4ever

السلام عليكم
أولا ربنا يوفقك للأحسنلك سواء نفس ال position أو غيره

حضرتك اعمل جدول من 3 أعمدة وفيه الآتي:
1. الوظيفة الحالية (مراقب جودة)
2. الوظيفة المعروضة (سكرتير تنفيذي)
3. أوجه المقارنة ودي اللي فيها المفيد، مثلا: ساعات العمل اليومية + ساعات العمل الأسبوعية + المرتب الأساسي + المرتب الإجمالي + الإجازات الأسبوعية + الإجازات السنوية + فرص الترقي بعد 3 أو 5 سنين + مستقبل الوظيفة في سوق العمل عامة داخل مصر وخارجها + معاملة الزملاء + إلخ

املا الخانات في الوظيفة الحالية وفي المطلوبة حسب وجه المقارنة وانت هتحدد بسهولة أنهي أنسب
وبالتوفيق

أخوك خالد

جزاك الله خيرا...لو فيه اي حد اشتغل الوظيفة دي او اي حد hr يديني رأيه .