ضرورى جدا

**zendo** · 06-12-2011 04:54 AM

ياريت حد يقولى فين مكان مسمار الهوا والبنزين فى كربراتير الفكتراa ضرورى ولوسمحتم حد يرفعلى صور وفيديو ليهم علشان اعرفهم
ضرورى جدا جدا جداااااااااااااااااااا

**ashrafnoby** · 06-12-2011 08:34 AM

السلام عليكم ورحمة الله وبركاته

اولا انا معايا عربيه 95 كربيراتير بس انا عمرى مشفت فيها مسمار هواء ابدا كل الاى فى العربيه هتلاقى الايديال كنترول وده مسئول الهواء فى العربيه انت ممكن تكشف عليه وتشوفه شغال ولا لا انك تفكه بواسطه مفتاح الانكيه وتخرجه لبره وهو راكب فيه الفيشه بتاعته وتفتح كونتاك لو طلع لبره وسمعت صوته يبقى كويس ولو هو بقاله فتره فى العربيه ممكن يكون الموتور ضعف هات بتاع الانوس بس هاتو جديد احس يبقى فى حدود 200-250 تريح دماغك بس هاتو الاصلى بس بتاع الانوس وان شاء الله المشكله تتحل بس انا معرفتش ايه المشكله انت مقولتش ايه المشكله علشان ممكن نحلها مع بعض

**zendo** · 06-12-2011 12:45 PM

انا معنديش ايديال كنترول انا عربيتى 1400cc كربراتير الكربراتير شبة بتاع الجولف انا رحت للكهربائى امبارح كان بيظبط دينمو العربية ولقى ان الكهربا واطية قوى ولما ظبطها العربية مبرجلة وبتنتش وانا ماشى وعلى السلانسية والميكانيكى اللى كان موطيها قبل كده مع ان لما كانت على الوضع الكهربا اللى عاملة الكهربائى مكانتش بتعمل كده المشكلة دى بقالها معايا شهرين بتهيائلى الكربراتير عاوز يظبط مع الكهربا

**ashrafnoby** · 06-12-2011 03:57 PM

يعنى العربيه مش زى ال1600 كربيراتير طيب ما العربيه عندى رشاش واحد وكربيراتير وفيها الايديال بس العموم انت كده عايز حد كويس ويكون فاهم طيب ماتروح الحرفيين هناك الشيخ هيثم وناس كتيره باتشكر فيه وبرده نستنى راى الزملاء

**haitham2011** · 06-12-2011 04:19 PM

العربيه ال 1400 كاربراتير بيكات النظام القديم
العربيه ال 1600 كاربراتير رشاش spi بالبلدي هاف انجيكشن
ال 1400 ليها مسمار للهوا و مسمار للبنزين
ال 1600 ليها مسمار بنزين بس
و لو حضرتك محتاج اي حاجه انا معاك من بورسعيد و في الخدمه