ارجو مساعدتي فانا اريد شراء سياره جديده ومحتاره بين القشقاي ولا الاسبورتاج فمن له تجربه مع كل منهم يفيدني وله جزيل الشكر:_Alshmokh08[1]:
عرض للطباعة
ارجو مساعدتي فانا اريد شراء سياره جديده ومحتاره بين القشقاي ولا الاسبورتاج فمن له تجربه مع كل منهم يفيدني وله جزيل الشكر:_Alshmokh08[1]:
رأي لحضرتك القاشقاي طبعا بس عشان ماتقوليش احنا ميالين لنيسان .. أنا هأقول حضرتك السبب اولا عربية ياباني تقفل انجليزي بالكامل وده حاجة تشهد بيه العربية .. فيها كل اللي حضرتك عيزاه .. وكفاية حضرتك كلمة ياباني يعني اعتمادية وتحمل وكل ما تتخيليه .. الكيا طبعا عربية جميلة بس شكل بس للاسف .. عمرها مهتكون اعتمادية زي الياباني ..
تحياتي لحضرتك ونورتي القسم ..
اوكي كلام حضرتك كله كويس وصح بس مفيش قطع غيار ليها
حضرتك هتلاقى اكتر من موضوع بيتكلم عن السبورتيج فى قسم الكيا من ناس اشترتها فعلا و كمان هتلاقى شويه مقارنات بين القاشقاى و السبورتيج كويسه فى قسم المقارنات و هنا فى نيسان هتلاقى موضوعات برضه عن القاشقاى و المشاركات شغاله لحد دلوقتى فممكن تدخلى على الأقسام دى تشوفى الآراء و نتائج التجربه العمليه. هو فى شويه حاجات مشتركه بين معظم الموضوعات زى حضرتك تفرق معاكى مانيوال و لا اتوماتيك و بنزين 92 و لا 95 و الكماليات المطلوبه و رينج السعر و بالتوفيق
[SIZE="5"]+11111111111111111111
نيسان قشقاى = يابانى تجميع انجليزى + قوة + اعتمادية + نعومة ورفاهية + شسيه قوى + شكل جميل
كيا سبورتج = نعومة ورفاهية اعلى حاجات لا تذكر + شكل اجمل حاجات بسيطة + شسيه كورى :baby25:
شوف انتا بقى ميال لأيه _____________ اكيد القشقاى انا عارف من غير متقول :Copy of m-s5:
عييييييييش بقى يا زعيم مع شوية الموضيع ديه
http://www.nilemotors.net/Nile/197669-a.html
http://www.nilemotors.net/Nile/237747-a.html
http://www.nilemotors.net/Nile/236724-1-6-1-6-a.html
[URL="http://www.nilemotors.net/Nile/197711-a
تحياتى ليك[/SIZE]
تأكيدا لكلام حضرتك .. http://www.nilemotors.net/Nile/243634-1-6-1-6-a.html ديه مقرنة اتعملت في قسم المقارنات في المنتدى .. إن شاء الله تستفادي بيه
فى فهرس قسم نيسان موضوعات واختبارات عن القاشقاى .. موجودة فى الموضوعات المثبتة اعلى الصفحة
جواها تقارير كتيرة عن القاشقاى
اقرائيها وحتستفادى منها .. وكمان حضرتك لو عملتى موضوع فى قسم المقارانات حتستفادى اكتر من المقارانة
لان هنا لو اعطناكى راينا حيقولوا اننا متعصبين لصالح القاشقاى
عن نفسى مبقاش يفرق قصة الاعتمادية .. وكل واحد بيحافظ باسلوب سواقته على العربية حتى لو كانت صينى
ولكن هى راحة نفسية انك راكبة عربية يابانى .. وكمان .. معاكى توكيل محترم .. وقطع الغيار حيوفرهالك التوكيل
لان
سواء جبتى كيا سبورتج او قاشقاى لازم تجيبى قطع غيار اصلى .. والاصلى حتجيبيها من التوكيل عشان تحافظى علي العربية
وبصراحة تقفيل القاشقاى محترم جداا جدا .. والتقفيل الاوروبى والخامات باينة فيها جدا .. والعربية دى منتشرة فى اوروبا كتيررر جدا
وبتقدرى هنا تحطى فيها بنزين 92 شغال عليها تمام
غير انها نازلة على اول السنة اتوماتيك .. هى ونيسان جوك
والقاشقاى الاتوماتيك .. حتنزل بفتيس cvt عشان مياثرش على سحب العربية
وسعر الاتوماتيك منها مش حيعدى 180 الف وحينافس عربيات كتير
وبالتوفيق باذن الله
تحياتى
هى حكايه العربيات ال 2 x 4 بشاسيه إس يو فى و بدون دفع رباعى و لا يحزنون واضح انها هتبقى موضه 2012 . رينو منزله حاجه جديده اسمها ساندريو ستيبواى ب 80 الف و 90 حصان و فيه ناس بتسال هى 4 x 4 و لا لاء :)
بعد اطلاع حضرتك على المواضيع المذكورة وغيرها من اراء الاعضاء
من رأيى معاينة العربيتين ع الطبيعة على سبيل المثال فى معرض فورميلا الاهرام القادم فى يناير باذن الله وساعتها هاتحددى اختيارك بكل سهولة ويسر
كماليات تبقي سبورتاج
أعتماديه تيقي قشقاي
عايز اوتو يبقي سبوتاج
مانيوال يبقي قاشقاي (لغايه لما نشوف هينزلوا الاوتو منها امتي)
عايزة شكل ملفت وجميل وكماليات كتير يبقى سبورتاج
عايزة عربية محترمة تعيش معاكي وشاسيه قوي يبقى قشقاي
مع العلم ان مواتير النيسان مينفعش تقارن بمواتير الكوري ابدا واسعار قطع غيار النيسان اغلى حبتين من الكوري طبعا
هو عامه القشقاى اتوماتيك نازله قريب ان شاء الله علشان بس تبقى المقارنه منطقيه مش مانيوال قدام اتوماتيك زى دلوقتى و السعر بكده يتقارب كمان بين القاشقاى اتوماتيك و الفئه التانيه من السبورتيج اللى اغلب الظن هتبقى منافسه ليها
ماشي يا جماعه انا معكو بس انا سألت في التوكيل النيسان مقليش ان في قشقاي اتوماتيك جبتو الكلام ده منين
انتى اخرك فى الفلوس كام؟
لو عايزة حاجة عالية وتزودى شوية فلوس تجيبى نيسان اكس تريل 2500 سى سى ب 225000
لو اخرك 210 تمن السبورتاج يبقى تشوفى لو فى امكانية تحطى بنزين 95 ومتوفر يبقى هاتى سبورتاج
لو هتحطى بنزين 92 استنى لما قشقاى تنزل اوتوماتيك اول السنة بس انا ركبت قشقاى تابلوها فقير جداااااااا
حسيت انى راكب عربية موديل قديم بصراحة بس لو هتحطى 92 يبقى الاختيار محسوم لقشقاى
يعنى انتى احسبيها بالورقة والقلم كده خطوة خطوة هتلاقيكى وصلتى للى انتى عايزاه من غير حيرة
انا عن نفسى ترتيبهم بالنسبالى
اكس تريل
سبورتاج
قشقاى
وميتسوبيشى هتنزل عربية suv 1600 سى سى قريب بس معرفش امتى بالظبط ممكن تستنيها برضه وتدخليها المقارنة