تقييم شامل من توب جير" للقشقاي والسبورتج" لا يفوتكم

**DarkMagician** · 08-08-2011 09:33 PM

بسم الله الرحمن الرحيم
اول حاجة التقييم الكلي يعني المعدل

القشقاي واخدة 13 من 20 في حين 7 من 20 للسبورتج

على فكرة تقييم توب جير يشمل ال 1600 للاثنين

وتقييم 13 جيد جدا على فكرة ميني كوبر كونتري مان وهي دفع رباعي حاصلة على 13 من 20

بالنسبة للراحة والاداء والخامات والاعتمادية والمناورة والاستهلاك الخاصة بالقشقاي ياتي تقييمها كالتالي

اما السبورتج فتاتي تققيماتها كالتالي

انتباه ارجو قرائة تقييم الاداء بالنسبة للسبورتج بعناية

-----------------------------------

Performance

For the moment, you can have the Sportage only with a two-litre diesel and four-wheel drive, with smaller engines and two-wheel drive following in November. With 134bhp it goes well, despite what the official 0-62mph time of 10.2 seconds tells you. The wide spread of torque is well line-managed by the six-speed gearbox. It's also nicely refined with little intrusive noise.
----------------------------------

ما لفت نظري اولا مكتوب ان 1600 134 حصان وليست 140 كما تفضل الاخوة المحترمون في توكيل كيا
وتقريبا استهلاكها عالي لكن الاداء ليس المطلوب

ارجو ان اكون افدتكم

**DarkMagician** · 08-08-2011 11:32 PM

المشاركة الأصلية كتبت بواسطة mohaismail

انا هستنى نزول الاوتوماتيك من القشقاى وحد يشتريها وحد يشترى السبورتاج واسمع وجهتين النظر وربنا يسهل وابيع الصنى واجيب واحدة فيهم لكن مبدئيا السبورتاج من وجهة نظرى افضل كتير حتى الان كشكل وكماليات لسه فاضل الاداء ..وربنا يسهل

ما انت التقيم موجود فوق احسن من كلام الناس لان كل واحد حيقولك دي احسن لان مفيش حد مبيكونش قلبو متحيز لشيء
وربك الموفق ويرزقك يا عم بمورانو

**DarkMagician** · 09-08-2011 12:20 AM

المشاركة الأصلية كتبت بواسطة yassal

الله ينور عليك - انت كده حسمت المقارنة بنسبة كبيرة

حبيب قلبي انا عامل التقرير ده عشانك بنسبة كبيرة هههههههههههههه
والنسبة حوالي الضعف يا باشا

**HOSSAM99** · 09-08-2011 12:37 AM

المشاركة الأصلية كتبت بواسطة m_elkhishin

بعيدا عن تقييم السيارتين لأني مجربتش أي واحدة منهم
ولكني لا أثق اطلاقا في تقييمات توب جير لأنه متحيز بشكل كبير جدا لأي سيارة أوروبية. ودايما يخللي أي عجلة اوروبية أفضل من أفخم سيارة أمريكية أو اسيوية ، أنا لا أنكر جودة وريادة الاوروبي ولكن التحيز واضح جدا.

يبقي حضرتك كده متابع طالما خدت بالك من تحيزهم للأوروبي و بيخفس بالأمريكي الأرض
و كمان لما يبقي فيه عربيه إنجليزي بيطلع في العربيه التانيه القطط الفاطسه و معظم كلامهم تريقه
الميزه الوحيده أنهم بيمشو بمنهج علمي في التقييم يعني بيوضح للمشاهد يبص علي أيه و يسيب أيه يعني كلامهم في المطلق صح أما لما نخصص و نجيب إنجليزي و ألماني لازم دايما الإنجليزي يكسب
و أكبر دليل حلقات الرنج روفر
و الجاجوار و غيرها
بيطلع البي إم كرسي ذوي إحتياجات خاصه و المرسيدس عكاز
تحياتي

**DarkMagician** · 09-08-2011 12:48 AM

المشاركة الأصلية كتبت بواسطة hossam99

يبقي حضرتك كده متابع طالما خدت بالك من تحيزهم للأوروبي و بيخفس بالأمريكي الأرض
و كمان لما يبقي فيه عربيه إنجليزي بيطلع في العربيه التانيه القطط الفاطسه و معظم كلامهم تريقه
الميزه الوحيده أنهم بيمشو بمنهج علمي في التقييم يعني بيوضح للمشاهد يبص علي أيه و يسيب أيه يعني كلامهم في المطلق صح أما لما نخصص و نجيب إنجليزي و ألماني لازم دايما الإنجليزي يكسب
و أكبر دليل حلقات الرنج روفر
و الجاجوار و غيرها
بيطلع البي إم كرسي ذوي إحتياجات خاصه و المرسيدس عكاز
تحياتي

ههههههههههههههههههههه

على فكرة احلى حاجة ان احنا بنقول كلام وخلاص تلاقيك شفت حلقة بالصدفة او حلقتين ومعجبكش الموضوع

ميني كوبر كونتري مان صناعة انجليزي

وطلعو فيها القطط الفطصانة

كيا سول صناعة كوري وادوها تققييم 14 من عشرين يبقى فين التحيز

توب جير حتى الان شركات عالمية بتتنافس انهم يطلعو العربية في حلقة ليهم لثقة المستهلكين فيها

وللاسف احنا كمصريين مبنحبش الحاجات دي عشان مبتجيش على هوانا يعني من الاخر عوزينهم يجيبو لادا ويدوها 19 من 20 عشان نقول مش محتيزين

انا من اشد المتابعين وعارف البرنامج ساعات فيه حاجات مستفزة بس مفيد جدا

**DarkMagician** · 09-08-2011 12:52 AM

عشان بس اكون قفلت السكة على موضوع التحيز انت بتقول انهم بيخسفو بالامريكي

انا شفت حلقة اكيد طبعا انت لو شفتها كنت حتفكر قبل متقول انهم بيخسفو وخلاص

كان في مقارنة بين فورد فييستا و ستروين سي 3 و ادو فورد فييستا تقييم محترم عن السي 3

يا جماعة احنا لازم نفكر احسن من كده الناس دي نجحت لانها مش بتقول حاجة عشان تلعب بعواطف المشاهد