الف شكر لحضرتك .. بس اغلب الاراء اتفقت على اني ابعد عن الاوروبي في الخليج ..
لولا كده انا كنت جبت الفلوينس بدون تردد ..
ميرسي جدا لرأي حضرتك ..
يا زعيم الوضع هنا مختلف
الرينو و الفرنساوي عموما ملوش سوق نهاااائي هنا
و سعره بينزل بطريقه رهيبه
و حتي التوكيلات بتاعته مش بتهتم بيه لان كل وكيل لماركه فرنساوي معاه ماركه ياباني بتاكله الشهد فمبيسالش في الفرنساوي اصلا
ده غير ان سمعه العربيات الفرنساوي هنا سيئه للغايه و الحق يقال العربيات دي مبتسحملش الحر الفظيع اللي هنا
احنا كان عندنا ستريون c5 موديل 2003 جبناها زيرو بحوالي 5300 دينار و بعناها سنه 2008 ب1500 بطلوع الروح و صارفين عليها فوق ال 2000 دينار من ساعه ما خلصت كفالتها من كتر المشاكل اللي فيها (كانت بتتصلح تحت الكفاله الاول) و كانت بتبات عند التوكيل بالايام عشان قطع الغيار مش متوفره و مع الخناق كان بيركبلنا قطع غيار من عربيات زيرو
ففكره عربيه فرنساوي في الكويت فكره غير مستحبه اطلاقا
و حتي الفلوينس هنا اول ما تتكلم مع المندوب يقولك ده التكيف ياباني عشان يطمن الزبون ده غير طبعا ان الفلوينس اللي هنا كوري و بمتور سامسونج و نظام التبريد فيها من الشبكه الاماميه و الريداتير مختلف تماما عن مصر
و الاوروبي اللي ماشي هنا هو الالماني فقط
أنا باكلمكم عن الإمارات لآني هناك من 8 سنوات وأعتقد التوكيلات وحتى الظروف المناخية هنا زي الكويت
أنا مشتري رينو ميجان 2007 كانت عاملة 200 ألف كيلو وخدتها نزلت بيها مصر واتهرت هنا وهناك وحالتها مازالت أفضل من الكرولا
عربية اعتمادية فعلا ومهتمين فيها بكل حاجة
وأنا جربت المرسيدس والبي إم والميتسوبيشي والكرولا واللوجان والميجان وارتاحت مع الميجان
وأنا كنت بأتكلم من منطلق إن الواحد يمشي بيها أربع سنوات ولا حاجة وينزلها مصر بحيث يبقى نزه نفسه بعربية أوروبية ناعمة وشيقة وفي الضمان وعلى آخر سنوات الضمان ينزلها
أعتقد الرينو والبيجو دورة تبريدهم أفضل من باقي الأوروبي وكمان المرسيدس بداية من موديل العيون بدأوا يهتموا بالمكيق ودورة التبريد وعلشان كده بدأ ينتشر في الخليج بين المواطنين اللي معروف عنهم الياباني وفقط
ده كان رأي عابر وشكرا لإهتمامكم به
ربنا يوفقك تشتري أفضل شئ مناسب ليكي
تحياتي