هاتي لانسر شارك او مازدا 3
لو مش عاجبينك يبقى كروز
هاتي لانسر شارك او مازدا 3
لو مش عاجبينك يبقى كروز
الكروز عربية محترمة جداً (خصوصاً انها في الخليج موتور احسن) شوفي الريفيوز بتاعتها على اليوتيوب هتجيبيها على طول ان شاء الله و مبروك مقدماً
الكروز طبعا مش بطاله بس اكمنها 1800 سي سي فطبعا فرصه نزولها مصر معدومه و عشان كده نصحتك بالسيتي لكن لو موضوع النزول ده مش فارق معاكي خالص يبقي ماشي و حاجه تانيه بتضايقني منها انها افقر في الاوبشنز من اللي بتنزل في مصر بس بما ان ده لا يشكل ليكي اهميه فمش مشكله
الالنترا بصراحه معجبتنيش خالص
انا عاملتلها تست دريف و ادي اللينك للموضوع كمان
http://www.nilemotors.net/Nile/227196-2012.html
و كده كده هما مش بيجيبوا منها كتير لانها مش مطلوبه ده غير ان السوق السعودي و المصري مش عاتقينها
و بالمناسبه النهارده في الراي فولكس منزلين الجيتا 2012 ابتداء من 4333 و ده هايل جدا و العربيه تحفه
http://www.alraimedia.com/Resources/.../11846/P06.pdf
و راي تروحي تبصي عليها او تستني ليوم السبت لما اروح و هقولك ايه النظام
و ده موضوع نزولها برضه كنت عامله بس الاسعار كانت اعلي من كده
http://www.nilemotors.net/Nile/222172-2012.html
و ربنا يوفقك و تجيبي حاجه كويسه
بس هو المشكله ان ده مش وقت شرا عربيات في الكويت (مش الموسم يعني) لان العروض كلها بتبقي حوالين شهور الصيف
السلام عليكم ورحمة الله وبركاته
السيتى افضل من الكروز
امان اكتر
ثبات اكتر
ماتور السيتى 1500 على البدى بتاعه قوى احلى من ماتور الكروز عليها لان البدى بتاعها كبير سحبها ضعيف ج انا سوقتها كتيير
صنع السيتى يكسب
الكروز واطيا على الارض السيتى اعلى درجات
بالنسبالى الشكل الانسيابى بتاع السيتى 2012 افضل من الكروز وتختلف الاراء من شخص لاخر
وحضرتك كنتى بتقولى الاتوماتيك وكان عندك مشاكل خليكى الفتيس الاتوماتيك اليابانى افضل
افضل السيتى بكل المقايس
من اختياراتك يبقى كروز , افضل واحده كعربيه
وكدا كدا فى اعادة البيع كله هايخسر على ما اعتقد
وممكن الجيتا الجديده زى ماقال حورس باشا
لو عايزه الحل الوسط يبقى السيتى اولا حجمها هايبقى مناسب ليكى وموتورها قوى على حجمها واعتقد اسم هوندا فى الخليج احسن من كل دول بغض النظر عن ان السيتى مش زى السيفيك فى الخليج بس ممكن تبقى اقل واحده فيهم فى الخساره ساعة البيع ومين عارف برضه ممكن تفكرى تنزلى بيها
بالتوفيق ان شاء الله
ان شاء الله اشوف الجيتا .. يعني لحد دلوقتي الاختيارات صفصفت على سيتي وكروز ..
وممكن اروح ابص على الفييستا تاني ..
لازم حضرتك تحددي إحتياجاتك إيه وترتبيها من الأهم للمهم
السعر
الاتساع الداخلي
الإتساع الخارجي
أسرية واسعة ولا شبابية روشة
استهلاك البنزين
قطع الغيار
سعر إعادة البيع
الرفاهية الداخلية
الشكل الخارجي
الأوبشن
الإرتفاع عن الآرض
الجمارك
سعة الموتور
نزولها أو عدم نزولها مصر
كل عربية وليها إمتيازاتها ولو حضرتك حددتيلنا أولوياتك هنقدر بسهولة إن شاء الله ندلك على أفضل إختيار
وعندي ملاحظة لو حضرتك مش بتفكري تنزليها مصر نهائيا يبقى ممكن كمان تفكري في المستعمل فائق الجودة وده هتلاقيه في الوكالة وبضمان الوكالة أو في معارض محترمة
وكمان ممكن تلاقي عربيات زيرو في الوكالة لكن عدى عليها سنة أو أكتر شوية والتوكيل بيعمل تخفيض بيوصل ل 25% من سعرها لكن عيب الموضوع ده إنك مش هتقدري تنزليها مصر بصورة نهائية لأن الجمارك بيشترطوا أن تشتريها في سنة الصنع
تحياتي للجميع
+11 كلام جميل و عملياقتباس:
وعندي ملاحظة لو حضرتك مش بتفكري تنزليها مصر نهائيا يبقى ممكن كمان تفكري في المستعمل فائق الجودة وده هتلاقيه في الوكالة وبضمان الوكالة أو في معارض محترمة
وكمان ممكن تلاقي عربيات زيرو في الوكالة لكن عدى عليها سنة أو أكتر شوية والتوكيل بيعمل تخفيض بيوصل ل 25% من سعرها لكن عيب الموضوع ده إنك مش هتقدري تنزليها مصر بصورة نهائية لأن الجمارك بيشترطوا أن تشتريها في سنة الصنع