سكودا فليشيا او فيفوريت تقيمك لبنزيمات من حيث البنزين و الزيت

**benmatar** · 21-01-2012 02:40 PM

المشاركة الأصلية كتبت بواسطة wessam_star

انا معايا فليشيا 97 وبستخدم بنزين 80 حبيت انى احسب معدل استهلاك البنزين .. جيت فولت العربيه اخدت 44 لتر وطرحت الكيلو مترات عن المره اللى قبليها لقيتها عملت 281 كيلو متر ..... يعنى عملى 281 كيلو ب 44 لتر ايه نظام الاستهلاك كدا

لا يافندم معدل الاستهلاك عندك عالي!!!
وعلى فكرة الموضوع ده عندي بيحصل لما بستخدم بنزين80، يعني في يومين الأزمات دول لقيت محطة فيها طابور صغير (20عربية بس) وكان مفيهاش غير 80 وفولت ولقيت المعدل كان 330كم تقريبا، علما ؟ بأن لما بستخدم 92 أو 90 المعدل مش بيقل عن 380 مثلا جوة البلد و بيوصل 440 تقريبا في السفر.

**benmatar** · 21-01-2012 02:41 PM

ضبط الكربراتير مهم جدا

**Ashrafkmn** · 24-01-2012 01:20 AM

انا معايا فليشيا 96 وبستخدم بنزين 92 والصفيحة 20 لتر بتعمل 165 كيلو داخل القاهرة
وفى السفر بتعمل معى 240 كيلو الصفيحة 20 لتر
ايه رايك فى المعدل عليا ولا ايه
مع العلم انى ضبط الكربراتير اكثر من ثلاث مرات ولكن نفس المعدل وضبط تكيهات
ايه يبقى الحل

**المنسي** · 24-01-2012 10:29 AM

المشاركة الأصلية كتبت بواسطة ashrafkmn

انا معايا فليشيا 96 وبستخدم بنزين 92 والصفيحة 20 لتر بتعمل 165 كيلو داخل القاهرة
وفى السفر بتعمل معى 240 كيلو الصفيحة 20 لتر
ايه رايك فى المعدل عليا ولا ايه
مع العلم انى ضبط الكربراتير اكثر من ثلاث مرات ولكن نفس المعدل وضبط تكيهات
ايه يبقى الحل

حضرتك محتاج حد كويس يظبطلك الكربراتير

**Ashrafkmn** · 26-01-2012 01:23 AM

المشاركة الأصلية كتبت بواسطة benmatar

بسم الله ما شاء الله المعدل ده كويس، ومفيش أي مشكلة... يعني ببساطة كده متوسط معدل استهلاك حضرتك هو 10كم/ لتر وده مش وحش. (بالنسبة لشوارعنا ووقودنا)
لو دورنا على معدل الاستهلاك الأمثل زي مابيقول الكتاب هيكون داخل المدينة 8 لتر/ 100كم
وخارج المدينة 5.8 لتر/ 100كم بمتوسط سرعة 90كم/س
وطبعا ده في حالة المحرك الكتروني الحقن (إنجيكشن) وطبعا بمواصفة وقود أوكتان 95، ومعظم مواتيرنا كربريتور، وده معتقدش إن حد بيحطلها بنزين 95
العربية في أوضاعها القياسية موفرة جدا في الوقود ومعدلات استهلاكها ممتاز
موضوع الفلاتر (بنزين، هواء) ونظافة البنزين، وحرق البوجيهات عوامل مهمة لحساب الاستهلاكات مع الأخذ في العلم إن العربية ممكن يكون استهلاكها عالي مرة بسبب إن فيها مثلا 4 أشخاص ومعاهم شنطتين مثلا، وممكن يكون منخفض لو حضرتك بتركب العربية لوحدك وهكذا، أرجو أكون أفدتك. _

الف شكر بس كده على كلام حضرتك بيكون الاستهلاك عندى عالى
على اساس داخل المدينة 8 لتر/ 100كم
يبقى 20لتر مفروض تعمل 250كم
وخارج المدينة 5.8 لتر/ 100كم
يعنى 20لتر تعمل 344 كم
يبقى كده فى مشكلة فى الكربيتر وشكرا

**benmatar** · 26-01-2012 12:27 PM

حضرتك تراجع على دورة الوقود يعني فلتر البنزين والهواء، ومنقي البنزين (تحت عمة الكربراتبر)، والبوجيهات، كهرباء الموتور، خراطيم ووصلات البنزين، وبعدين تنظف الكربراتير وتظبطه عند متخصص سكودا أو فني كربراتير شاطر، وبإذن الله المعدل يكون تمام

**المنسي** · 29-01-2012 02:12 PM

اللى جرب وغير زيت العربية سواء موبيل او شل او اى نوع وغيره وحط ليكوي مولى بس يكون الزيت بقاله معاه فترة يقولنا انطباعه ايه يعني ير من شل مثلا لليكوي مولى الزيت الجديد اخباره معاه ايه هل صوت الموتور بقى هادىء؟ فرق فى سحب العربية ؟ كده يعني

**benmatar** · 30-01-2012 11:10 AM

المشاركة الأصلية كتبت بواسطة mr_megahed

اللى جرب وغير زيت العربية سواء موبيل او شل او اى نوع وغيره وحط ليكوي مولى بس يكون الزيت بقاله معاه فترة يقولنا انطباعه ايه يعني ير من شل مثلا لليكوي مولى الزيت الجديد اخباره معاه ايه هل صوت الموتور بقى هادىء؟ فرق فى سحب العربية ؟ كده يعني

السلام عليكم
اشتريت زيت ليكوي مولي super formula 20W50 وثمنه 120ج.م من حوالي 3000كم والعربية معايا زي الفل بفضل الله والبياع قال إنه يمشي 6000كم، لونه مغمقش زي مبيحصل للزيوت التانية لما اقطع بيها المسافة دي، الصوت أهدى شوية، بس للصراحة السحب مفرقش بس بالنسبالي حالة طقم الدبرياج متوسطة وعاوز اضبط الموتور شوية (بوجيهات، فلاتر، ...) والمرة الجاية بإذن الله هشتري علبة من منتجات ليكوي مولي ceratec بتعمل مادة سيراميكية على جدار الموتور، دي اللي سمعت فعلا إنها بترفع من كفاءة المحرك.