المشاركة الأصلية كتبت بواسطة omar4_all
السلام عليكم جميعا
ايه يا جماعة المعلومات والاستنتاجات الجامدة ديه الموضوع مش مستاهل كل ده ( انا محامي علي فكرة ) الاخ صاحب الموضوع عندي شوية اسئلة معلش ممكن تكون قولتها قبل كده في اجباتك بس استحملني شوية علشان اقدر افيدك
اولا :- فيه عقد بيع ابتدائي ولا لا وتاريخه امتي بالظبط وفي اخر العقد ان وجد فيه اقرار باستلام السيارة موجود ولا لا وبنفس التاريخ ولا لا
ثانيا :- تاريخ التوكيل وصيغته بالظبط ( الاضافة بتاعة البيع للنفس او الغير 000000 الي اخره بالظبط ) واسم مامورية الشهر العقاري اللي اتعمل فيها التوكيل واسم المشتري من العقد الابتدائي ومن التوكيل ( نفس الاسم ولا لا) عنوانه واي بيانات ان وجدت في الورقتين
ثالثا :- انت قلت العربية اتجددت سنة نفس المرور ولا لا والتجديد تم بتاريخ كام وينتهي امتي
رابعا :- حضرتك اشتريت العربية ديه امتي ومن مين وبعتها بعد مدة اد ايه واشتريتها بتوكيل وسجلت لنفسك ولا بعقد مسجل علي طول
لو سمحت اديني المعلومات ديه مؤقتا ولو احتجت حاجة تانية هقولك وباذن الله هيكون فيه حل عندي وهوجهك فيه ان شاء الله