نفسى اعرف الماية بتنقص لية

**mohannd** · 08-12-2011 02:47 PM

اشتريت سيفيك 91 من اربع شهور غيرت جوان وش سلندر مرتين مش عارف اعمل اية غيرت طلمبة وكذا كاوتشة مياة والمشكلة انها جابت الجوان فى المرتين فى 6اكتوبر واقطرت العربية من 6 اكتوبر للمعادى ولسة المياة بتنقص وخايف اغير الجوان تالت مرة ارجوكم قولولى ممكن المياة تكون بتنقص منين

**tarekzein** · 08-12-2011 02:59 PM

إتأكد من كبس دوره الميه الأول

غطا الريداتير لازم يكون أصلى ورقمه تقريبا 1.1

(بس إستنى الزملا يأكدوا على الرقم )

**المنسي** · 08-12-2011 03:54 PM

راجع على خراطيم المية والطرمبة ممكن يكون فيهم تسريب وبلاش مية الحنفية نصيحة من واحد مجرب هات مية خضرا بعد ماتظبط موتورك ونظف الردياتير وشوف لو فيه تسريب منه وربنا يعينك

**m3touk_85** · 08-12-2011 11:32 PM

المشاركة الأصلية كتبت بواسطة m_nabil

أكيد عندك في تسريب لو بتنقص في فترات قصيرة اكشف على الريداتير وطلمبه المياة وكوعه المياه والخراطيم و غطاء الريداتير والقربه

وده عند مين يا سعادة المستشار ؟؟؟ محمد بك

**SAMEH_FOUAD** · 10-12-2011 03:18 AM

بالنسبة لجوان وش السلندر لازم يتعمل صح عشان تشترى دماغك بعد كدة وعموما عشان تبقى عارف اعراض الجوان

1- هتلاقى الردياتير بيفضى وقربة المياة زى ماهية ( ردياتير سليم )

2- عدم وجود زيت مخلوط بمياة ( مش شرط اساسى بس ممكن يحصل ) تابع مقياس الزيت لو لقيت اللون طحينى يبقى منة

3- افتح غطاء الردياتير ودور المحرك وعينك على فتحة الغطاء لو المياة طلعت برة الفتحة يبقى كدة العربية فيها جوان للاسف

4- شوف الوش نفسة ممكن يكون فية ريجة او شرخ هو اللى بيعمل كدة , والميكانيكى مش عارف الدنيا دية فيها اية وبيعمل اى حاجة وخلاص