المشاركة الأصلية كتبت بواسطة cool_man
الف الف مبروك علي العربيه انشالله ربنا يباركلك ويحفظهالك
عاوز بس اقولك ان لو العربيه فيها أي عيب أي حاجه بالذات الأوبل انجزه من دلوقتي وتعمل كل حاجه فيها مظبوط وشغل الفبريكة وقطع الغيار تيجي يا جديده جي ام أو استيراد جي ام اصليه علشان تنساها متقعش في اللي انا وقعت فيه كنت جايب العربيه وكان فيها شوية حاجات بسيطه بدأت تفتح وحده وحده عشان ملمتهاش من الأول
يعني انت اتعامل مع واحد بس فالحرفيين وانا احسن واحد اتعاملت معاه هو هاني العايدي فالحرفيين شارع المرسيدس
بالنسبه للحساسات :حساس الاي بي اس يعمل من 250-400 جنيه .حساس الماب 350.
بالنسبة للحرارة اعمل شيك علي كل الدورة والخراطيم وزود بمية مقطره مش من الحنفيه من الي بتنزل من التكييف مثلا او في ميه مقطره بتتباع جاهزه.
دي شوية معلومات كده علي أدي ولو حبيت تسأل عن أي حاجه احنا فالخدمة انشالله
وعاوز اطمنك انك اخترت العربيه الصح بجد :)