باركولي علي عربيتي الجديده opel victra 97 وعايز خبراتكوا بقي

**Amrgamal1** · 09-12-2011 04:43 AM

السلام عليكم

هقول مواصفات وحاله عربيتي وياريت تقولولي سعرها تقريبا يعمل كام عشان اعرف الاول اتضحك عليا ولا لأ :)
اوبل فيكترا 1997 لونها سماوي- 2000cc - اوتوماتيك - فتحه سقف Sun Roof / - فرامل abs
حاله الموتور 95 % لسه متغير
فابريكه جوا بالكامل و رشه برا نضافه مش واخده معجون خالص
صالونها بقي - الطابلوة ماشاء الله زيرو - فيه فرش الفابريكه بتاعها وحالته كويسه جدا بس عايز اغيره واغير فرش الابواب جلد ياريت تقولولي بكام ؟؟؟ ومنين
وفيها شويه تظبيط في العفشه لسه هاعملهم و عايزة حساس هوا هغيرة بردو وكدا تبقي كل حاجه زي الفل
هبقي ارفعلكو صورها ان شاء الله قريب
................
1- ياريت تقولو سعرها يعمل كام تقريبا
2- عايز أعلي العربيه عشان واطيه شويه لكي تتحمل مطبات شوارعنا الجميله - اعمل ايه بس من غير ما يأثر علي ثبات العربيه ع الطريق
3- اجيب فرش الابواب والصالون جلد منين وبكام ؟
4- تمن كل حساس في العربيه كام ؟؟
5- بسمع ان الموديل دا بيسخن - اعمل ايه عشان احافظ علي درجه حراره العربيه خصوصا في الصيف وانا مشغل التكييف
6- العربيه دي كام حصان والمفروض تجيب ال 100 في اد ايه ؟
........
شكرااااااا يا رجاله وعارف اني كدا رغيت كتير بس معلش انا لسه جديد في الاوبل ومستني ردودكو بقي

**minicooper20** · 09-12-2011 06:12 AM

الف مبروك يا كبير

**Amrgamal1** · 09-12-2011 06:31 AM

المشاركة الأصلية كتبت بواسطة minicooper20

الف مبروك يا كبير

الله يبارك فيك يا باشا .. شكرا

**haitham2011** · 09-12-2011 11:31 AM

الف مبروك و ربنا يديك خيرها و يكفيك شرها
لو فرش الابواب نضيف سيبه لان عمرك مهتعوضه تاني
و بالنسبه لدوره الميه متحطش ميه حنفيه علشان تحافظ عليها و متسخنش
و انتظر رأي خبراء ال b

**SYD** · 09-12-2011 11:50 AM

المشاركة الأصلية كتبت بواسطة Amrgamal1

السلام عليكم

هقول مواصفات وحاله عربيتي وياريت تقولولي سعرها تقريبا يعمل كام عشان اعرف الاول اتضحك عليا ولا لأ :)
اوبل فيكترا 1997 لونها سماوي- 2000cc - اوتوماتيك - فتحه سقف Sun Roof / - فرامل abs
حاله الموتور 95 % لسه متغير
فابريكه جوا بالكامل و رشه برا نضافه مش واخده معجون خالص
صالونها بقي - الطابلوة ماشاء الله زيرو - فيه فرش الفابريكه بتاعها وحالته كويسه جدا بس عايز اغيره واغير فرش الابواب جلد ياريت تقولولي بكام ؟؟؟ ومنين
وفيها شويه تظبيط في العفشه لسه هاعملهم و عايزة حساس هوا هغيرة بردو وكدا تبقي كل حاجه زي الفل
هبقي ارفعلكو صورها ان شاء الله قريب
................
1- ياريت تقولو سعرها يعمل كام تقريبا
2- عايز أعلي العربيه عشان واطيه شويه لكي تتحمل مطبات شوارعنا الجميله - اعمل ايه بس من غير ما يأثر علي ثبات العربيه ع الطريق
3- اجيب فرش الابواب والصالون جلد منين وبكام ؟
4- تمن كل حساس في العربيه كام ؟؟
5- بسمع ان الموديل دا بيسخن - اعمل ايه عشان احافظ علي درجه حراره العربيه خصوصا في الصيف وانا مشغل التكييف
6- العربيه دي كام حصان والمفروض تجيب ال 100 في اد ايه ؟
........

شكرااااااا يا رجاله وعارف اني كدا رغيت كتير بس معلش انا لسه جديد في الاوبل ومستني ردودكو بقي

اولا الف مبروك علي العربية وربنا يديك خيرها ويكفيك شرها

العربية لو بالحالة الي حضرتك بتتكلم عنها لن تقل علي اي حال من الأحوال عن 48 - 50

بس مايغركش حاجتين
1- الكيلومتر
2- حالة الطابلوه وفرش الأبواب
لأنهم بيتغيروا بمنتهي السهولة

وحالة الموتور بتعكس عداد الكيلومتر والفرش والطابلوه
اعتقد ان الفرش والأبواب والطابلوه متغيرين مع الموتور

نصيحة بلاش تعمل فرش الأبواب جلد
فرش الفبريكة القطيفة شيك جدا واستمتع بيه لحد لما تهريه وبعدها اعمل جلد براحتك

العربية فعلا واطية اخر حاجة بس عشان الثبات لو واطية بزيادة اكشف علي المساعدين والسوست بتاعتها وممكن تغيرهم خالص ومش بكتير يعني هتجيبهم استيراد في حدود ال300 المساعدين بسوساتهم

الحساسات يفيدك فيها اكتر خبراء الB علي رأسهم فادي طبعا والشيخ مجدي

مفيش موديل في الفيكترا بيسخن
بيسخن يعني بيعمل over heat عن درجة حرارته الطبيعية لكن الفيكترا لما توصل معاك للل90 فهي كدة مش بتسخن - دي درجة حرارتها الطبيعية ولحد 95 كمان

بالنسبة لعدد الأحصنة علي ما اعتقد لو الموتور الأسود بيعمل 117 لو الموتور الأبيض الأيكوتك بيوصل لحد 137 الموتور الأيكوتك الأبيض 2 كامة 16 صباب

وللمرة التانية الف مبروك العربية
تقبل مروري

وفي انتظار اراء الخبراء

والله المستعان
،
،

**SYD** · 09-12-2011 11:53 AM

بالنسبة لمياة التبريد
اغسل الدورة كلها وتأكد من عدم التسريب وبعدها حط مياة هيبو الماني لونها احمر وزود بعد كدة بمياة مقطرة وليس من الحنفية

والله المستعان
،
،

**احمد فهمى** · 09-12-2011 12:04 PM

السلام عليكم اولاً الف مبروك العربيه دى كانت معايا وعملت بيها 230 الف كيلو وهقولك المفيد ان شاء الله
1- العربيه 114 حصان 2000 سي سي 8 صمام
2-من صفر ل100 تقريبا 13 ثانيه وبو سليمه بشكمانها الاصلى وعامله صيانه فلاتر وخلافو محدش هيعرف يطلع منك من 0 لى 100 من كل الجديد غير المواتير ال2000 سى سى الالمانى
عربيتك فاتحة سقف ودول كانو نادرين شويه بس عربيه محترمه واكيد رشه من بره لان اللون ده كان فى عيب اصلاً وبيقشر هو والزيتى والموف...
المفيد العربيه مش واطيه تماما الموضوع ان المساعدين عندك ضيعين والاوبل كده المساعد يضيع الغربيه تخك فى اهيف مطب لأنها تقيله..
بالنسبه للفرش من الاخر وعشات تعمل الصح تطلع على بتوع الاستيراد انا اتعاملت مع كتير والوحيد المحترم ومن الاخر بالنسبه لى هو هانى العايدى فى الحرفيين تجيب كراسى جلد اصلى بفرش ابوابهم الجلد الاصلى وانسى اى كلام تانى وبيع بتوعك او بدلهم معاه لو ينفع...
احتيجاتك هتلاقى جلب المقصات الخلقى والبيض الامامى وتيش الميزان كله ضايع + المساعدين غير كل ده مره واحده معلش هى علقه سخنه بس عشان تريح دماغك بعد كده....
الموتور كاتينه مدينمو وبلية شداد وطرمبة مياه غير زيت الفتيس والباور ولازم تغير زيت الفرامل بدوت 4 عشان نظام الفرامل ميعطلش وغير حساس المياه منضف الايدل كونترول وبوجيهات واعمل صيانة مارش ودينمو وشوف خراطيم المياه الشجره سليمه او غير فيها اجزاء لو بتسرب ويفضل تغيرها لو تعبانه...وطبعا طنابير وتيل لو تعبانين والشاشه الداخليه بتاعت المعلومات لو مقطعه بتتباع الكبيره ب150 استيراد وممكن تجيب الطاره الايرباج المالتى بالكاسيت وبيشتغلو عادى جدا بس نصيحه جمع الحاجات الاستيراد واشتريها من عند واحد بس عشان تفاصل براحتك فيهم..
سعر عربيتك من 45 ل50 الف لو سليمه وتزيد لو حاله مميزه ..
بالنسبه لموضوع الحراره مش هقدر افيدك فى بس كان فى ناس من رجالة اوبل عامله موضوع عنو...
والمرايات الضم كهربا بتوعها ب650 وبتوع ال2000 اكبر سنه وافضل ب 750 لسه سائل عليهم عند هانى العايدى والحساسات انا فاكر بتاع المياه كان ب 50 جنيه وبتاع الكرنك معرفش سعرو كام ...
اتمنى اكون افادتك ورجالة اوبل هيضيفو اللى عدانى والله المستعان

**احمد فهمى** · 09-12-2011 12:08 PM

المشاركة الأصلية كتبت بواسطة syd

اولا الف مبروك علي العربية وربنا يديك خيرها ويكفيك شرها

العربية لو بالحالة الي حضرتك بتتكلم عنها لن تقل علي اي حال من الأحوال عن 48 - 50

بس مايغركش حاجتين
1- الكيلومتر
2- حالة الطابلوه وفرش الأبواب
لأنهم بيتغيروا بمنتهي السهولة

وحالة الموتور بتعكس عداد الكيلومتر والفرش والطابلوه
اعتقد ان الفرش والأبواب والطابلوه متغيرين مع الموتور

نصيحة بلاش تعمل فرش الأبواب جلد
فرش الفبريكة القطيفة شيك جدا واستمتع بيه لحد لما تهريه وبعدها اعمل جلد براحتك

العربية فعلا واطية اخر حاجة بس عشان الثبات لو واطية بزيادة اكشف علي المساعدين والسوست بتاعتها وممكن تغيرهم خالص ومش بكتير يعني هتجيبهم استيراد في حدود ال300 المساعدين بسوساتهم

الحساسات يفيدك فيها اكتر خبراء الb علي رأسهم فادي طبعا والشيخ مجدي

مفيش موديل في الفيكترا بيسخن
بيسخن يعني بيعمل over heat عن درجة حرارته الطبيعية لكن الفيكترا لما توصل معاك للل90 فهي كدة مش بتسخن - دي درجة حرارتها الطبيعية ولحد 95 كمان

بالنسبة لعدد الأحصنة علي ما اعتقد لو الموتور الأسود بيعمل 117 لو الموتور الأبيض الأيكوتك بيوصل لحد 137 الموتور الأيكوتك الأبيض 2 كامة 16 صباب

وللمرة التانية الف مبروك العربية
تقبل مروري

وفي انتظار اراء الخبراء

والله المستعان
،
،

الايكوتيك نزل من اول 2000

-

-

الموضوع: باركولي علي عربيتي الجديده opel victra 97 وعايز خبراتكوا بقي

LinkBack

أدوات الموضوع

عرض

باركولي علي عربيتي الجديده opel victra 97 وعايز خبراتكوا بقي - انشر الموضوع فى :

-

-

-

-

-

-

المواضيع المتشابهه

رجاء تسعير زززززززززززعشان ميتنصبش عليا>>>Opel Victra 1994

باركولي انا استلمت عربيتي اللوخان

Bmw Or Opel Victra

باركولي أستلمت عربيتي

باركولي أستلمت عربيتي

الكلمات الدلالية لهذا الموضوع

المفضلات

المفضلات

ضوابط المشاركة