الموضوع: رحلتي لحجز سوبر صالون من أتوايجيبت المهندسين

بسم الله الرحمن الرحيم
بعد مانويت اشتري صني سوبر صالون في شهر يناير وفجأة
لقيت موبايلي بيرن مكالمة مستعجلة يوم الأحد من ابن خالتي قالي الحق دا السوبر صالون هتغلى ومعايا على التليفون مندوب أحد المعارض وصلني بيه قال نفس الكلام وطبعا خضني وخوفني عشان احجز عنده
طلبت منه ساعة مهلة وعلى طول رحت مكلم اتو ايجيبت ووصلوني بالأستاذ/محمود الرشيدى وكان الرجل متعاون وفهمني القصة ايه بالظبط
اتاري ايه بقى ان المصنع هياخد اجازة سنوية وبعدين يرجعوا يجهزوا لمعرض فورميلا وقالي وارد السعر يزيد فعلا من شهر يناير
وبسرعة اخذت القرار وحجزت الأتوبيس اللى نازل القاهرة يوم الأثنين الساعة 9مساءا
(أصل شغلي في الوادي الجديد)ويوم الثلاثاء سحبت 20000 واتصلت بالأستاذ محمود الساعة2 ظهرا وأخربني انه بانتظاري الساعة 3 عصرا ووصلت انا وولاد خالتي الساعة 4.30 عصرا وكان الأستاذ محمود بانتظارنا وكانت المقابلة في منتهى الجمال وقمة الترحيب والتعاون من الأستاذ محمود الرشيدي اللي فعلا أحب اتقدم له بالشكر الجزيل على المقابلة الجميلة والجلسة الظريفة اللي جمعتنا على وعده بالتسليم في أقرب فرصة
وإلى اللقاء في يوم الأستلام إن شاء الله