سوبر صالون (أستفسار)

**bayantt** · 01-09-2010 01:54 PM

هل من الممكن الواحد يطلب super saloon بدون الابانوس (شاكله وحش أوى)
الحاجة التانية : من أكتر العيوب اللى الناس بتتكلم عليها فى النيسان صنى هى الكاوتش بتاع الباب(العزل) ... سؤالى هو, ليه الكاوتش ده ميتغيرش بنوع أفضل بعد شراء السيارة ؟
على فكرة الكاوتش مش بس مشكلة صوت, ده كمان بيأثر على كفاءة التكييف

**fady_anis** · 01-09-2010 02:17 PM

المشاركة الأصلية كتبت بواسطة bayantt

هل من الممكن الواحد يطلب super saloon بدون الابانوس (شاكله وحش أوى)
الحاجة التانية : من أكتر العيوب اللى الناس بتتكلم عليها فى النيسان صنى هى الكاوتش بتاع الباب(العزل) ... سؤالى هو, ليه الكاوتش ده ميتغيرش بنوع أفضل بعد شراء السيارة ؟
على فكرة الكاوتش مش بس مشكلة صوت, ده كمان بيأثر على كفاءة التكييف

بالنسبه للأبانوس لو حضرتك مش عايزه فالعربيه ممكن تشترى إى أكس صالون وتوفر الفرق
وبالنسبه للعزل هو مش 100 100 فعلاً لكن مش ردئ
عندى سوبر صالون 2008 والتكييف تلاجه برغم كده
وبالنسبه لتغيير الكاوتش ده مش عارف اذا كان ينفع ولا لأ

**SeaShark** · 01-09-2010 03:16 PM

ممكن تسأل بس اعتقد صعب اوي انك تطلب سوبر صالون من غير ابانوس لان ده خط انتاج
ادامك حل من الاتنين لو طلع مينفعش تطلب سوبر صالون من غير ابانوس

اما انك تجيبها و تتأقلم معاه و خلاص و هي اذواق طبعا في ناس كتير معجبهاش الابانوس اللي جوا و في ناس تانية مبهورة بيه جدا

او انك تجيب ex saloon اوتوماتيك و معاها ABS + EBD + BA و ده حل كويس و ممكن لو في حاجة معينة في السوبر صالون عاجباك اوي انت ممكن تعملها في الـ ex saloon يعني ممكن تجيب الجنوط لو عجباك و ممكن تركب مرايات كهربا غير كده الفروق كلها يعني مساند رأس في الكنبة و اضاءة اضافيه للصالون يعني حاجات ممكن تستغني عنها.

**Bishoy.Girgis** · 01-09-2010 07:33 PM

يا جماعة لو سمحتوا مش عايزيين نروج اشاعات بلا داعي
مين قال ان كوتش الابواب عزله ردئ .. يا جماعة التوكيل اكد لي ان كوتش الابواب ياباني 100% و بعدين انا شايف بصراحة ان عزل العربية كويس جدا جدا و مفيهوش اي مشاكل

**Bishoy.Girgis** · 01-09-2010 07:37 PM

المشاركة الأصلية كتبت بواسطة SeaShark

ممكن تسأل بس اعتقد صعب اوي انك تطلب سوبر صالون من غير ابانوس لان ده خط انتاج
ادامك حل من الاتنين لو طلع مينفعش تطلب سوبر صالون من غير ابانوس

اما انك تجيبها و تتأقلم معاه و خلاص و هي اذواق طبعا في ناس كتير معجبهاش الابانوس اللي جوا و في ناس تانية مبهورة بيه جدا

او انك تجيب ex saloon اوتوماتيك و معاها ABS + EBD + BA و ده حل كويس و ممكن لو في حاجة معينة في السوبر صالون عاجباك اوي انت ممكن تعملها في الـ ex saloon يعني ممكن تجيب الجنوط لو عجباك و ممكن تركب مرايات كهربا غير كده الفروق كلها يعني مساند رأس في الكنبة و اضاءة اضافيه للصالون يعني حاجات ممكن تستغني عنها.

حضرتك السوبر صالون بتنزل استاندرد و معتقدش انه ممكن تفصل الابانوس عن العربية
و انا مع كلام الاستاذ SeaShark في انك تجيب ex saloon اوتوماتيك و معاها ABS + EBD + BA و علي فكرة عربية محترمة جدا و انا شايف ان السوبر صالون مبالغ فيها اوي بعد تعديل EX saloon الجديدة
و اي خدمة

**bayantt** · 02-09-2010 12:09 AM

أنا بجد نفسى أعرف ايه كمية الاشاعات اللى طالعة على العربية دى ؟
التقفيل زفت .. العزل سيىء .. اللى ... اللى
لما هى وحشة أوى كده أيه كمية المبيعات دى
وأخر حاجة .. ديقة أوى .. لما الصنى ديقة أمال البورا أيه ؟

**harizy** · 02-09-2010 01:32 AM

يا برنس عزل إيه اللى إنت جاى تقول عليه؛ أنا عايز أفهم إزاى العزل يبقى وحش وكل الناس اعترفت أن التكييف تلاجة، يبقى وحش إزاى أنا عايز أفهم، أكيد اللى قال كده واحد ملوش علاقة بالسيارة خالص دى حاجة.

وبعدين أنا عايز أسأس سيادتك يعنى إيه يبقى العزل كويس أنك تقعد فى السيارة متسمعش حد فى الخارج طيب حاجة مش صحية لأنك لازم تفعل وتتفاعل مع اللى حوليك لأنك مش سايق لوحدك فى الطريق، ثانياً لو قصدك أن العزل يبأثر على التكييف دى كمان حاجة غير واقعية بالمرة لأن فعلاً التكييف كويس جداً، وأنا أكثر من مرة كنت بشغله على اثنين ثم نزلته إلى واحد لأنه كان قوى جداً.

**Ahmed.TV** · 02-09-2010 03:33 AM

العربية ماتور يابانى وده اهم حاجة , وانا متفق مع رائ الاخوة الاعضاء المتحرمين
ومش تحسيسونى ان الدنيا سيئة يا جماعة خالص وان الابواب ولا اكنها ابواب عربية نقل , فى ايه , خالينا نروح ونشوف العربيات اللى بتهبط لما تركب فيها وخالينا نروح نشوف العربيات اللى عفشتها نشفها وفيها مشاكل
جايين بتتكلموا على ابواب وعزل
وبعدين تكيف اليابانى محترم جداا وقوى وتلاجة

العربية محققة مبيعات كبيرة جدا
وانا بردوا مكنش عاجبنى الابانوس ولكن كنت بفكر فى الموديل الex وكنت ناوى عليها واركبلها جنوط وخلصت الحكاية
يا جماعة بسطوها , الحكاية ابسط من كدا صدقونى