ياجماعة عايز انه كاوتش افضل للتحمل وميتعبش بسرعة ويدي ثبات اكتر للعربية ( الكونتنيتل ولا البريدج ستون ولا جوديير ولا اى نوع تانى) بس اللى يقولي ليه افضل وبكام سعر فردة الكاوتش وشكرا لاى حد يساعدني
عرض للطباعة
ياجماعة عايز انه كاوتش افضل للتحمل وميتعبش بسرعة ويدي ثبات اكتر للعربية ( الكونتنيتل ولا البريدج ستون ولا جوديير ولا اى نوع تانى) بس اللى يقولي ليه افضل وبكام سعر فردة الكاوتش وشكرا لاى حد يساعدني
انا معايا فكترا سي برده و كنت في نفس الحيره دي و انا لسه مغير الكاوتش و كنت متردد جدا و سالت على انواع كتير جدا طبعا البريدجستون Turanza GR90 اعلى حاجة هنا بس انا شفت الريفيوز على النت كانت كويسة علية الفرده كانت بحوالي 950 في المحلات و 1030 في توكيل Fix&Fit اللي هو توكيل بريدجستون و كنت متردد جدا بينه و بين نوع تاني Pirrelli Cintratau P7 الريفيوز بتاعته هايله و كان بحوالي 875
انا كنت خلاص هجيب البريدجستون و توكلت على الله بس ما لقتش الاربع فرد و سبحان الله لقيت البيريللي فتوكلت على الله و اشتريته و بصراحة مش ندمان الكاوتش هايل و صوته هادي جدا انا مش عارف البريدجستون هيكون اهدا و لا ايه بس انا شايفة كويس جدا و شوية ناشف بس مش قوي ممكن تشوف الريفيوز على النت هتلاق الناس بتقول عليه كلام هايل ممكن تشوف الموضوع ده
http://www.nilemotors.net/Nile/254279-a-2.html
بريدجستون اليابانى ادرينالين
الفردة دى بجد ملهاش حل
اخبار الكاوتش التيجر اية يا كبير؟؟؟؟؟؟؟؟؟؟؟
انا مركبهم وماشيين تمام
انا زى الفل معايا
و الحمد لله مفيش فيهم مشاكل
متهيالى مفيش حد من العصابة جربوا غيرنا!!!!!!!!!!!!!!!!!
اية رايك متيجى ننصح صاحب الموضوع بيه ويكون على ضمانتنا ههههههههههههههههههههههههه ه
مش هيلاقيه
نختفى بقالوا فترة
بريدجستون ادرنالين
العجله دى هايله
نقشتها شكلها احسن من gr90
وارخص منها بحاجه بسيطه تقريبا 880
ثباتها اعلى من gr90 لكن فى نفس الوقت صوتها اعلى منها شويه ..
انا مركب الادرنالين ..عجله محترمه جدا ..تانى مره اركبها
وعموما حاول متجيبش نوع غريب او عجله مش منتشره عشان لا قدر الله لو فرده اتقطعت تعرف تجيب زيها
انا ملاحظ ان مفيش حد بيتكلم عن الكونتنيتل هو كاوتش وحش ولا ايه
حلو جداً
لو لاقيته المانى و انتاج جديد
غير كده لأ
الادرنالين مناشر و اثبت من الاصلي بتاعها و صوته اهدي منه الكونتننتال تصميم الماني مش صناعه الماني و نادر جدا و ناشف و صوته عالي لكن بيقعد كتيييير
صح كده
بس انا عجبنى الأدرينالين عن الكونتينتال
مهو فعلا احسن منه
طيب ياجماعة اقل حاجة ف البريدج ستون بكام او ايه هى الماركات اللى فيه عشان اكون عارفها ويريت الاسعار تبقوا خدمتوني ومعلش هتعبكم معايا
فى المقاس بتاعكم
معرفشى
بس احنا كنا شاريين الفرده لباسات ب حوالى 900 جنيه
ياجماعة انا روحت لبتاع الكاوتش وسئلته ع البريدجستون الادرينالين قالى 1125 ج الفردة فهل كده غالى ولا هو ده سعرها ارجو سرعة الرد للاهمية
وهل البريدجستون الاندونيسي حلو ولا وحش عشان صاحب العربية طالع من ذمته انه يجيب الكاوتش ع حسابه ف حدود 2000 ج اندونيسي وانا عايز الادريناليين فبيقولى سئل عليه ولقى الفردة ب 1125 ج فبيقول هتتكلف 4500 ج الاربع فرد فهل الاندونيسي حلو ولا وحش
يا عم
خدها بالجديد
دوبه فى عرق العافية
و بعد كده يبقى يحلها الحلال
بس ايه الطقم الأندونيسى اللى ب 2000 جنيه فى بريدجستون
حتى جى ار 90 اغلى من 500 جنيه الفرده
انا خلاص اتستقريت ع الادريناليين ان شاء الله وبعد لف كتير لقتها ب 950 ج الفردة بس اللى قلقنى انه بيقولى اتوقف انتاجها فهل اشتريها ولا ايه النظام انا خايف مثلا تيجي الكاوتش اتقطع لاى سبب واحتاس ومش الاقي زيها
هات من توكيل بريدجستون نفسه
مش هتعدى ال 900 جنيه
الادرنالين يابانى
انا سئلت ف فيكس اند فيت قالى الفردة ب 953 ج وقالى مش موجودة ولو لقتها هتلاقيها عند التجار وبالفعل لقتها عند تاجر ف اليكس وقالى ب 950 ج بس انتاج شهر 5 /2011 فهل تاريخ الانتاج كويس كده؟
اتصل باستاذ نجد بتاع توكيل بريدجستون مدينة نصر
كان المنتدى ليه خصم 5%
و هو هيدلك صح
ربنا يخليك يااستاذ طناني بس انا اقوله انى مشترك ف الموقع نايل موتورز ولا ايه النظام عشان اخد الخصم
ياجماعة انا عديت ع محل للكاوتش وعنده الادريناليين وقالى عليها انها فردة ناشفة وهتتعب المساعديين وهاتلك يااما دانلوب او ميشلان وقالى الدانلوب يابانى وضمان 70 الف كيلو! والفردة ب 1000 ج وطبعا زى ماقلت قبل كده ان الادريناليين ب 950 ج والميشلان عاملة 1500 وطبعا غالية وبيقولى الميشلان والدانلوب طريين واحسن من الادريناليين عشان ناشفة وبيقولى فردة اى كلام ايه رايكم ف كلام الراجل ده
ما زلت عند رايى ..
ادرنالين
انا جربت ادرنالين و كونتننتال و كومهو و رود ستون و نقشه كمان بريدجستون
اولا مفيش في المقاس ده بـ 1500 جنيه انا لما كنت بشتري اغلى حاجة البريدجستون كانت من 970 لحد 1050
و الميشلان كان بحوالي 980
الدانلوب مش عارف بكام بس اكيد في رنج الـ900 اقل حاجة طبعا الكومهو و الهانكوك
الجوديير كان بحوالي برده 900
الادرينالين فعلا ناشف شوية عشان هو سبورت شوية بس مش مصيبة يعني بس في المقابل ثبات جامد جدي :S_thum1[1]:
بس رايي تجيب حاجة طرية عشان الاوبل اصلا ناشفة
انا قلتلك رايي انا كنت في نفس حيرتك و جبت البيريللي هايلة
اظبط العجل 28 نيتروجين
وعلى الكاسيت p: مش هتحس بحاجه
تصدق بالله انا نادرا لما بشغل الكاسيت ولو شغلته بيكون الصبح وانا رايح الشغل عشان اسمع قرآن بس غالبا مش بشغله لانى بصحى من النوم اتصل بالناس الى اتصلت بيا وانا نايم (مع انى بصحى 9 فى ناس بتتصل بدرى عن كده معرفش ليه) فدايما طريقى من البيت للشغل بتكلم فى الموبيل :)
على فكره انا توصلت لحل صوتين من الاصوات الى بتظهر عندى :)
طيب ايه الكاوتش اللى طري هو فعلا الادريناليين ناشف بس هو كثبات روعة وانا اهم حاجة عندى الهدوء والثبات ومش احس بالمطبات هاتولى كاوتش حلو يدينى الصفات دى والاصل بتاعها انى اضبطه ع 28 ولو هوا يتم ضبطها ع كام
اما بالنسبة لحوار الكاسيت ايه باز والكلام ده مش فاهم انا اللى اعرفه انه بيشغل اوديو فقط لاغير فهمونى اكتر ف العربية عشان انا شكلى كده هلوص فيها
انا شايف الادرنالين مناسب ليا بصراحه
موضوع الكاسيت بقى
مره احمد مقلد قالى ان عنده اصوات تزييق وانا قلتله عندى ليها حل
المهم اتصل بيا بيقولى الحل ايه ؟؟
قلتله على الكاسيت مش هتسمع التزييق :)
طيب انا عايز اعرف ايه انواع الكاوتش البريدجستون الطري مادام الادريناليين النوع بتاعها ناشف عشان احنا ف الاسكندرية معظمها مطبات عسل مش عايز اتنطط ف العربية من جوة مش هيبقى العفشة والكاوتش عليا ف النشفان d:
حد يعرف ياجماعة اية احسن كاوتش و سعرة يبقى معقول مقاسr16 205/50 علشان انا محتار وبفكر اجيب جنوت 15 المقاس الستوك بتاع العربية
انا كان فى فردتين اتقطعو عندى جبت مكانهم 2 كومهو مع البريدجسنون الاصلى ومش حاسس بأى فرق :) كله بجد كلام فاضى بس الملاحظ ان البريدجستون الاصلى فى كاوتش اطثر شويه يعنى ممكن يعمل 15000 اكتر بس نفس الاحساس والثبات ده انا حتى حاطت الكمهو اودام وانا فاكر ساعتها من سنه كده كانت اكومهو ب400 والبريدجستون ب800
وعلى فكره انا بظبط الكاوتش 32 وده مكتوب على القائم بتاع العربيه و لو حموله كامله 39 وده مكتوب على القائم برضو
البريدجستون عجله تحفه وناعمه جدا ومفيش صوت الكلام على التيورنزا gr90