Lancer 99 OR Corsa 2005

**saeed** · 23-05-2008 11:49 PM

السلام عليكم جميعا
أرجو النصيحة السريعة للاختيار التالى:
1- لانسر 99 كاملة مانيوال حالتها ممتازة سعرها 54000
2- كورسا ( مصرى طبعا )2005 كاملة مانيوال حالتها برضة ممتازة سعرها 56000
انا مش عارف أقرر لأنى لسة جديد ومش عارف فى الصيانة وقطع الغيار و المميزات و العيوب عامة

مع جزيل الشكر لهذا المنتدى الرائع

**saeed** · 24-05-2008 05:12 AM

نسيت أقول ان اللانسر 1300 و الكورسا 1600
أرجو من الأعضاء سرعة النصيحة
شكرا

**saeed** · 24-05-2008 05:12 PM

ايه يا شباب ....هو انا حطيت السؤال فى منتدى غلط وللا ايه.
هل الأحسن انه يبقى فى باب المقارنات ؟؟!!

**mazagnge** · 24-05-2008 07:26 PM

بالنسبة للانسر 99

هي معي من 3 سنين العربية ممتازة

- واسعه + مريحة فى المناورة + موتور ممتاز مش بيسن بسرعة
شنطة واسعه + سعر اعادة بيعها جيد لان الطلب عليها موجود و بالتالي الخسارة مش كبيرة + و تقدر تدلعها و تروشها في حاجات كثير و يبان فيها .

- عيبها الرئيسي انها لو محملة " الكنبة الخلفية " ممكن تحس بالمطبات .... و دة انا بعتبرة العيب اللي ممكن نتكلم فية على اللا نسر 99

اما الكورسا .... فلا اعلم عنها شيء يفتيك فيها اعضاء منتدي أوبل

و بالتوفيق ان شاء الله

**TAG_Turbo0** · 24-05-2008 07:29 PM

لو الانسر حالتها ممتاذة (وبأكد على ممتاذة )تبأى أحسن
لو مش كده خد الكورسا

**mohamed ibiza** · 24-05-2008 07:59 PM

الاتنين حلوين بس مكنة الكورسا الماني يعني احسن طبعا بس الثبات الكورسا ثباتها وحش صغيرة و خفيفة و قاعدة العجلات صغيرة

**SEATLOVER** · 24-05-2008 08:24 PM

لانسر ...لانسر ...لانسر ...
والمعروضة عليك سعرها مناسب

**HeMa_LanCeR** · 24-05-2008 08:38 PM

يامان انت عايز تقارن في الصيانة وقطع الغيار و المميزات و العيوب عامة
اولا اللنسر لآنها معايا بقالها 5 سنين
قطع غيار حلوه جدا وسعرها معقول جدا
صيانتها معروفه لأي حد ومش هتلاقي لا قدر الله مشكله ملهاش حل فيها لأن الياباني مش معقد في تركيبه
المميزات اول حاجه عربيه نعما جدا وسحبها عالي قوي مش هتصدق انها 1300 نهائي راكزه علي الارض جدا يعني احلي عورز هتاخدها وعلي فكره انا باخد بيها غرز علي 140 والله العظيم والعربيه بتبقي مكلبشه في الارض وصالونها مريح جدا وواسعه من الداخل والاكتر من كده انها شبابيه وأسأل اي حد راكبها
عيوبها انا كل اللي شايفه عيب فيها انها واطيه علي الارض والعفشه مش ناعمه بس مش لدرجه الخبط والرزع يعني بس يامان اركب وانت تعرف ومشكله الوطيان دي ليها حل هي جنوط وكاوتش بمقاس معين والمشكله دي تختفي
ثانيا : الكورسا
الصيانه : هتلف عليها كتير لأن مش اي حد بيفهم في الالماني كويس يعني ليه ناس متخصصه مش هينفع فيها اي عك
قطع الغيار : نااااااااااار وأسأل اي حد راكب الماني وخصوصا الاوبل
المميزات : انها الماني ودي ميزه حلوه قوي والموتور شديد وهتلاقيها ناعمه وعاليه عن الارض
العيوب : شكلها مش شبابي خالص بحس انها حريمي قوي مش مرتكزه علي الارض نهائيا وقطع الغيار طبعا
وربنا يباركلك في اللي هتختاره انا مش عاوز احبطك
واي خدمات احنا تحت الامر