الدائري و الجنان ..... ده سيرك مش طريق
يوم الخميس اتزنقت في مشوار ل 6 اكتوبر اودي عينات و انا راجع من بني سويف و طبعا اخدت طريق الفيوم و دخلت اكتوبر و انا داخل على القاهرة عشان اروح مدينة نصر معرفتش اروح محور 26 يوليو قلت اخد الدائري و عينك ما تشوف الا النور كله على بعضه و الرايح جاي و الجاي رايح و عربيات ملاكي و ميكروباص و نقل ماشيين على الرصيف اللي في النص و كله على بعضه ...
و اخدت من اكتوبر لحد مدينة نصر ساعتين لما كان هين عليا انزل امشي على رجلي يمكن اوصل اسرع و كل المخارج مقفولة و عليها طوابير و الكمين الاهبل اللي قبل السلام قافل الطريق ...
هل ده طبيعي و بيحصل كل يوم و لا الناس كانت ضاربة حاجة يوم الخميس ؟