امبارح كنت رايح المعادى و انا ساكن فى شارع فيصل المهم روحت عن طريق ميدان الجيزه و بعد كده كوبرى عباس و بعد كده الاشاره بتاعت المنيل.
المهم الاشاره قفلت و وقفت جنبى واحده ست سايقه عربيه هيونداى و انا واقف فى الاشاره بعربيتى لانسر المهم جيه موتوسيكل فيزبا راكب عليه 3 شباب و طبعا اشكالهم شمال .
جيه الشباب دول وقفوا وراء الفانوس اليمين الخلفى عندى و ولع النور بتاعه و ضربه فى المرايه الشمال بتاعه عربية الست اللى جمبى و طبعا النور اتعكس و ضرب فى عين الست و لاقيتها بتحط ايدها على المرايه علشان النور ضارب فى عينها و شباب بتوع الفيزبا عمالين يضحكوا على الست على فكره الست ديه اد امى فى السن .
انا شوفت كده روحت طالع متر لاقدام علشان يغور و يسيب الست فى حالها المهم لاقيته بيضرب النور عليا فى مرايه الصالون و انا فى اللحظة ديه غاليت و سخنت و قولت و دينى لاواريهم.
فى اللحظة ديه الاشاره ديه فتحت روحت دايس بنزي على الاخر و مشيت شوريه و روحت ضارب فرامل و عملت روجع ورجعيت بضهرى فى وشهم علشان اخبطهم و ادخلهم فى ضهر العربيه بتاعى هما اتفاجوا و بطلو ضحك و راح واحد منهم قالى انت حمار روحت قولتهم انا هاوريكوا الحمار داه هيعمل فيكو ايه .....................
المهم قلبت مرايه الصالون و كل ما يجو يعدوا من حته اروح علشان اخبطهم مش احدف عليهم بس لا بروح علشان اخبطم لحد لما و صلنا انى كان جمبى اتوبيس و حشرتهم بينى و بين الاتوبيس و لدرجة رجل واحد منهم اتعسرت بين المتوسيكل الفيزبا و عربيتى و ساعتها قعد يصرخ زى النسوان.
المهم واحد منهم راح قايل للسواق المتوسيكل سيبك منه سيبك منه داه باين عليه ابن مجنونه
انا شايف ان كل سواقين المتوسيكلات لما يحبو يضايقوا واحد سايق عريبيته يروحوا ضاربين النور فى المرايه الجانبيه او مرايه الصالون عايز افكر فى حل هل افييم المرايات بدرجة خفيفة علشان لاضاءه ولا ايه الحل؟