لا يا باشا العربية دى تحفة وثبات وتكنولوجيا وموود اسبورت وعزم 180 حصان يعنى تعلم على الجولف وتزعلها
بس العربية دى لسة جديدة فمفيش حد عندو معلومات كتير على المشكلات واستنى خبرا الاسترا انجوى
عرض للطباعة
لا يا باشا العربية دى تحفة وثبات وتكنولوجيا وموود اسبورت وعزم 180 حصان يعنى تعلم على الجولف وتزعلها
بس العربية دى لسة جديدة فمفيش حد عندو معلومات كتير على المشكلات واستنى خبرا الاسترا انجوى
متشكر يابشا وفى أنتظار مزيد من المشركات
انا من رأيي ممكن تجيب بالثمن ده حاجات كتير :
1 - فولكس فاجن جيتا هاين لاين
2 - هوندا سيفيك هاي لاين
3 - رينو فيلوانس
وفي انواع كتير وانا شايف ان ميزانيتك كبيرة
وعلى فكرة العربية اوبل استرا 2012 العربية دي ملهاش حل في كل حاجة من ناحية القوة 185 حصان والجمال
وانا عندي زميلي في هندسة جايبها
وركبتها معاه حاجة خيال بس فعلا مشكلة الأوبل الوحيدة والشيفروليه هما التوكيل
على الرغم من ان التوكيل اللي عندي في أسيوط اللي فتح جديد حاجة ممتازة فعلا
نصحية لو حبيت تجيب عربية هات يا اما الماني أو ياباني وابعد عن الكوري بكل أنواعة ودي نصيحة
:tumb:
صح الكلام ده بجد العربية ديه ملهاش حل فعلا تعلم على الجولف فى كل حاجة شكل و كماليات و كل حاجة تقريبا , بس هيا فيها مشكلتين , واحد انها مش منتشرة عشان ربنا بخليه منصور مبوظ سوقها و مش عملها ايه نوع من التسويق فا العربية ديه لو عوزت تبعها هتلاقى سعرها نزل الأرض و كمان مش هتلاقيلها اى قطع غيار بره التوكيل فمعنى كده ان قطع الغيار الوحيدة جوه التوكيل فمنصور هوه اللى هيكون متحكم فى سعرها فهتلاقيها غالية بطريقة مش منطقية , و تانى حاجة زى ما طنانى قالها هوه توكيل مش فاهم حاجة فى اى صيانة و ممكن العربية تدخل شغالة تخرج فيها مشكلة .
180 حصان بيتوعها مغشوشين
انا ركبنها محستش انها 180 حصان خالص يمكن الفتيس غبى شويه
ازاى 180 حصان مغشوشين مش فاهم كلام حضرتك ياأستاذ minicooper ياريت توضحلنا أكتر....
للاسف كل البدايل المطروحة ليست بقوتها و فعلا الأوبل سعر اعادة بعها فى الأرض مش عارف لية هل دة عيب فى الأبل عموما و هل فعلا الأوبل تأتى فى أخر مرحلة من التصنيف الألمانى للسيارات بعد المرسيدس والبى ام والفولكس مش عارف مدى مصداقية الكلام دة
صاحب الموضوع قصدة استرا j ؟ لو دة قصدك هاتها بدون اى تردد العربية دى منصور اة زفت بس مش مشكلة استحملة شوية العربية دى مبيعتها برة كتير فى اوروبا و دول الاتحاد الاروبى يعنى فترة بسيطة و تلاقى قطع غيارها هنا فى مصر بس بجد العربية دى تستاهل عربية حلو و خصوصا العفشة بتاعتها مش فاكر التكنولوجيا بتاعتها اية انا عن نفسى لو معايا فلوس هاجبها انا شوفتها كذة مرة ..... قولى حضرتك عايز تعرف عنها اية بالظبط و انا اعرفلك و اقوللك ؟
أنا مش عارف حضرتك تقصد أية ب j أنا قصدى astra turbo 1.6 180 hp ياريت حضرتك لو عند حضرتك أى معلومات عنها تفدنا بيها لو سمحت....