-
أوبل أسترا تربو 2012
السلام عليكم ياجماعة عايز رأيكم فى حاجة ....اية رأيكم فى الأسترا تيربو عايز أجيبها بس خايف من عدم وفرة قطع غيرها منديش فكرة عن مدى جودتة العربية دة و كمان مش عارف هل 218000 الف كتير عليها ولا اية أنا بصراحة اول مرة اركب أوبل و مش عارف العربية دة تستحمل ولا اية وهل هى جراية وثبتة و بتجرى ولا أية ياريت حد يفدنى ياجماعة و جزاكم الله كل خير
-
ياريت حد يرد عليا ياجماعة
-
عربية حلوة
بس نصيحة من كل اوبلاوى
ابعد عن اى حاجة يبيعها منصور
و بالسعر ده عندك بدائل كتييييير قوى على حد علمى
-
معلش مش فاهم كلام حضرتك يعنى بلاش منها خالص ولا أية ثم مفيش غير منصور اللى بيبيع العربية دة
-
بلاش منها خالص عشان منصور هيكرهك فيها
-
بمعنى أية ياريت توضحلى لوسمحت
-
اة ياجماعة عايز اسمع أركم أكتر من كدة و يريت حد يكون عندة نفس العربية يفدنى لو سمحتم
-
توكيل سئ غبى
مش بيفهم فى العادية
هيفهم فى التربو
اسعارة نار
قطع غيارة نار
مصنعياته نار
-
بمعني ان التوكيل زباله .. , العربيه تدخل سليمه تخرج متبهدله .. و ممكن تحتاج قطعه غيار يقوللك مش موجوده و استني شهر و اتنين لما تيجي و كده
-
مش بيفهموا ولا بيستهبلوا بس دة ميعنيش أن العربية سيئة وأن محدش يجبها ولا اية ....
Content Relevant URLs by
vBSEO 3.6.0 PL2