صيانة بيجو فى العجوزة خلف مسرح البالون

**MuhamedNabil** · 12-12-2011 12:22 AM

السلام عليكم و رحمة الله

كنت بتكلم مع واحد معايا فى الشغل معه 307 بس الشيب القديم كنت بسالوا على حورات الجير بوكس و سألتوا بتعامل مع ميين قالى و احد اسمه الحج محسن خلف مسرح البالون قى العجوزة .
كنت عايز اعرف بقى حد يعرفه و ايه نظامه فى الشغل فاهم و لا بيجرب , من كلام زميلي ان الراجل تمام و كان شغال فى واجيه اباظة و فاهم فى العربية كويس و زميلي اصلا مر بكل حوارات الجير بوكس و كان بيصلح عنده و بيشكر فيه.

اناا عايز اعمل الجير بوكس بيدينى فولت الصبح و العربية باردة بعد نقلة الثالث و النقلة من الاول للتانى برده فيها نتشة انا كنت ناوى اوح مودرن سيرفيس بس مش مبسوط من اخر مرة كنت فيها هنالك + المصنعيات المبالغ فيها و عايز بديل يكون فاهم كويس خصوصا فى الجيربوكس.

**aymansami** · 15-12-2011 11:57 PM

لو حد يعرفه ياريت يقولنا أخباره أيه

**benmatar** · 17-12-2011 10:13 AM

السلام عليكم
أحب أنقل لحضرتك تجاربي مش تجربة مع أكتر من مركز صيانة وورشة وتوكيل للبيجو مع بيجو 405 كانت معايا ومع أخويا حاليا و3 عربيات 406 موديلات 99 و2001 و 2003.... النصيحة من غير إطالة سيبك من مركز صيانة العجوزة... سيبك من مركز صيانة الهرم بتاتا... توكيل وجيه أياظة في غمرة حركات ومالوش لازمة وهيرفع ضغطك... أحمد عمارة في مصر القديمة ممتاز ورغم مصنعيات عالية نسبيا بس هيظبطلك عربيتك والدليل روح وشوف كم العربيات اللي عنده بداية من 504 السبعينات وحتى 408... بالإضافة لورشة بيجو في مدينة نصر بعد سوق السيارات في الحي العاشر م.أحمد، ورشة تمام وفاهمين ومش بيمثلو.. في ورشة الأسطى حامد وإبنه محمد في إمبابة خلف مستشفى الصدر هو كويس لو عندك حاجة خفافي مش معقدة وعينك عليه عشان كسول بس بيشتغل ومتنساش تفاصله وتتفق معاه قبل الشغل، بالنسبة لوهدان مجربتوش بصراحة بس سمعت إنه غالي شوية، وبالنسبة لمودرن سيرفيس معنديش أي معلومات عنه، ويارب أكون أفدتك