انا جربت 4 سخانات في خلال 3 سنين جواز
الاول سخان مصانع : ايامه خلصت خلاص زي الحديدة, غبي, ملوش دعوة قوة الميا وبالتالي ممكن يطلع لك ميا سخنة جدا, دا غير انه محتاج جلده كل شوية ولازم تشغل البيه قبل ما تشغل الميا السخنا وتشغيله عامل زي تشغيل عربية نص نقل
الثاني : يونيفرسال 10 لتر : 10 لتر يعني بيطلع 10 لتر ميا سخنا في الدقيقة
سخان سيء إلى ابعد الحدود بشهادة كذا واحد من اصحابي
السخان حيشتغل زي الفل لو حضرتك ادوار سفلية والميا اندفاعها شديد ولذلك حتلاقي ناس كتير صادقة بتشكر فيه
غير كده لو ادوار عليا حتكرهه كره العمى
الموديلات الاولى منه كانت جيدة اما الحالية عايزه ضرب النار
على مدار سنة ونص من جوازي: الميا تضعف, يشتغل السخان بعد عذاب ولما يشتغل الحرارة توصل على الشاشة الى 70 درجة مئوية يعني ميا بتشوي وبتحرق وممكن تسلق بيها فراخ
يقوم الاخ الفاضل زرار الامان بفصل السخان واعلى ما خيلك اعمله !!!
احساس لا تتخيله وانت واقف في عز السقعة وعليك الصابون وبتتحايل على البيه انه يشتغل
بتكره العالم ساعتها و جميع سخانات الغاز
اما لو فكرت تفتح الميا السقعا عشان توطي درجة حرارة الميا تبقى ارتكبت غلطة عمرك
حيقفل ساعتها في خلال ثواني
جبت الشركة مرتين وكل اللي بيعملوه بيغيروا جلدة ب 30 جنيه بيتحسن لفترة قليلة ويرجع ثاني
لحظات صراخ بتعيشها بنتي لما مراتي بتحميها لان التحكم في ثبات حرارة الميا مستحيل زي التحكم في مفاعل نووي (بنتي عندها سنة ونص)
الثالث: ايديال
بعد نصيحة الوحش احمد كمال باشا لانه هو كمان اتعذب من يونيفرسال
جبت سخان ايديال برقبته من 3 شهور
سخان زي الفل
بيشتغل على ضغط ميا اقل من يونيفرسال بكتير
حرارة بتقدر تتحكم فيها اكتر
لو انت زيي من محبي الميا السخنة في الصيف والشتا عندك زرار صيف وشتا بتفصل نص الشعلات وتسيب سبع شعلات بس شغالة مش 13 شعلة
ولكن مع دخول الغاز الاسبوع الماضي
اشترطت شركة الغاز :
1. تغيير مكان السخان
2. فصل فيشة السخان بجانبه (مستلمها مع الشقة)
3. فتح مدخنة في الحيطة في مكان غير المكان الحالي
4. فتح هواية في الحيطة (وانا عندي فوبيا من الصراصير والنمل والحاجات دي)
ولذا قمت من بشراء سخان اريستون 50 لتر
عشان جبت اخري من الغاز
المفضلات