عاوز اركب لمبة في صالون العربية

**mohamedFTW** · 12-12-2011 11:17 AM

عاوز اشتري لمبة في صالون العربية ... تكلفني كــام ... و اية احسن نوع ...؟

**a7madramadan** · 12-12-2011 12:10 PM

انا مش عارف عربيتك نوعها ايه أساسا بس هافترض ان عربيتك فيها اللمبتين بتوع الصالون على اليمين والشمال بس لونهم أصفر وضعيفين (ده الطبيعي) قدامك خيار انك تركب مكانها led بيضاء عند اي حد بتاع كماليات هتعمل من 5-20 جنيه على حسب نظافة وقوة الليدات و الصالون هينور أبيض ولونه حلو

وفي اختيار ثاني ممكن تشتريلك كونصول سقف الطويل الي بيتحط فيه علبة مناديل و فيه 4 لمبات نوره معقول وثمنه في حدود الــ 60-80 جنيه

وفي خيار انك تركب ورا دائرتين الي فيهم 15 لمبة ليدات كلهم أبيض شكلها مش بطال وبتنور حلو للكراسي الي ورا

بس نصيحتي كلما كانت الاضافات الضوئية الداخلية أبسط و أهدأ بتبقى شيك والعكس بتقلب على جو تاكسيات و مشاريع :d

شوف الي يناسبك والله الموفق

**mado83** · 12-12-2011 12:29 PM

الراجل ده بيتكلم كلام عاقل جدا جدا
وبالزات ان اللادا لو زودت فيها الاضائه جوه هتبقى تاكسى لا محاله فخليك فى الليدات احسن نورها قوى ومش غاليه وماتزودش ولا قنصوله ولا حاجه عشان ماتبقاش تاكسى السهره

**mona_881** · 13-12-2011 02:24 AM

بجد تعليقات الأخوة السابقة ضحكتني جدا

بس لو عايز الجد بقي توكل علي الله واعمل زيي انا رحت محل اكسسوارات في شارع بيروت ونقيت أشيك لمبة سقف في المحل ب 55 جنيه بتاعة اللانسر القديمة
وبعدين رحت لواحد من اللي بيركبوا الكاسيت والسنتر والحاجات دي وثبتهالي في السقف بمسمار واحد علشان ميخرمش كتير في السقف وخد لها وصلة سلك الكهربا من اللمبة اللي بتبقي علي القايم بتاع الباب ومشاها من تحت الجلد بتاع السقف مش باينه خالص
وشكلها بقي روعه وشيك جدا ونورها أصفر شويه مش أبيض زي التاكسي ولا حاجة بس قوية جدا ولما بتقفل الابواب بتطفي تدريجيا
ولما ولاد أخواتي العفاريت يوقعوا حاجة في الدواسة بلاقيها بسهولة وأسفة للإطالة بس حبيت انك تستفاد من تجربتي