عاوز اشتري غسالة اطباق حجم وسط اللي عرضها 45 سم وحجم 8 افراد
وقدامي
ايديال زانوسي اتحاد اوربي
ايديال تركــــــــــــــــــــــ ــــي
يونفرسال
فريش
عرض للطباعة
عاوز اشتري غسالة اطباق حجم وسط اللي عرضها 45 سم وحجم 8 افراد
وقدامي
ايديال زانوسي اتحاد اوربي
ايديال تركــــــــــــــــــــــ ــــي
يونفرسال
فريش
انا عندي وايت وايل بقالها 10 شهور دلوقتي شغاله الحمد لله تمام كنت جايبها ب 1800 جنيه.
ايديال زانوسى الاوروبى
يليها وايت ويل
احرص عند الشراء ان تكون درجة الغسل و التخفيف و التعقيم a
و ربنا يوفقك فى الاختيار
في غسالات بتغسل وتعقم على درجة حرارة عالية 65 ومفيش اوبشنات او برامج تانية لتقليل درجة الحرارة ومش هتكون عملية لانك مش هتقدر تغسل كل حاجة فيها
في منتدى عكشات بيشكروا في فريش وواحدة قريبتي كمان
خلي بالك ....
انت مش بس ح تشتري غسالة
انت ح تشتري في نفس الوقت نملية جديدة
....
بعد كام شهر ح تلاقي المدام بتكسل تشيل الاطباق والملاعق النظيفة من الغسالة وبتتركها فيها وانتو بقى تسحبو منها لغاية الغسلة الجاية
وبعد سنة ح تلاقيها بتكسل تشغلها اساسا وبتكسل تشيل بقايا الرز من الاطباق قبل الغسيل والفلتر يتسد ..... وبعد سنة كمان ....:oh: .... يا عم وانا مالي انت ح تكتشف بنفسك
المهم انا عندي فريش وكويسة ..... بتشيل حاجات كتير .... كأنها دولاب مطبخ ( نملية بلغة القرن 19 )
اريستون ايطالى حجم كبير معايا منذ اكثر من عام ممتازة واشتريت حجم كبير بعد النصيحة لان الحجم المتوسط غير عملى مع الحلل
وايت وال كويسة عن تجربه
ايديال ايليت ممتازه
هيا تقريبا ايديال زانوسي اتحاد اوربي معرفش!!
انا بصراحة معرفش الفرق بين ال 5 و ال 3
انا جربت واحدة كانت غسيل وشطف وتعقيم وكله على درجة 65
سألت عرفت ان في انواع حديثة ممكن تختار درجة الحرارة
وبتغسل الخضار والفاكهة وخصوصا العنب
بس مش فاكرة الماركات وانا متابعة معاكم لاني عايزة واحدة من مدة لكن الوقت مش سامح انزل
شكرا لردك عشان كدة انا شايف ان الايديال 5 برنامج كويسة
طيب حد يعرف اجيب غسالة اطباق built in مقاس 45 سنتيمتر منين؟
احنا عندنا واحدة في البيت من زمن
كانت ايديال تقريبا
هي لسه شغالة لحد لدلوقتي
لكن انا فاكر لو حطيت فيها المواعين بعد الاكل مباشرة مبتنظفهاش كويش خصوصا اللي فيها حاجات لاصقة مكاش الشوي او التحمير او الزيوت
فكانت الوالدة بتدي غسلة على خفيف لكل المواعين بالفيري او خلافه قبل ما تحطها في الغسالة
واصبحت مع الوقت اغير عملية بالمرة
وبقت محطوطة زي الديكور في المطبخ
ده بخلاف استهلاكها لمسحوق خاص بيها يعتبر غالي شوية
انا مش عارف ايه النظام دلوقتي
انا عندي lg وكويسة وجايبنها ب 3500 تقريبا .. بس مش كبيرة اوي
لو ناوي تجيب هات سامسونج او LG .. الاتنين مجربين وحلوين .. ليا تجربة مش ظريفة مع ايديال في تلاجات وغسالات ومنصحكش بيها
ارسطووووووووووون
جايبها من 10 سنين وشغالة تمام
واللي بيشتكي من ارتفاع سعر المساحيق هات المصري هيكون اقتصادي جدا جدا المسحوق ب 23 جنيه تقريبا وممكن يقعد اكتر من 6 شهور لو كل يوم غسله والملح هات المصري ب8 جنيه تقريبا كل شهر ونص
واللي بيشتكي من انسداد الفلاتر
غسيل الاطباق يدوي بيحتاج مراحل كتير اولها تنظيف الاطباق من بقايا الاكل والشرب الملتصق وبعديها اضافة المسحوق والغسيل وبعديها الشطف وبعد كده التجفيف علشان النمليات متتبهدلش من الميه الباقية
علشان الغسالة تعيش على طول لازم نوفر عليها اول خطوة بس لانها بتتعب الواحد وهو شغال بالادوات الحادة علشان يطلع بقايا الاكل وخصوصا لو كان محروق ههههههههههه فمابالكم بالغسالة
والغسالة هتوفرلنا التعب في الغسيل والشطف والتجفيف ومشاكلهم الصحية لانهم بياخدوا وقت كبير وبيتعبوا اليدين
وعموما اكيد في انواع تانية كويسة والكل بالاستخدام الكويس ولازم تستخدم الملح المخصص ليها والمصري افضل نوع لان عمر الغسالة بيتبني على حمايتها من الرواسب ودا اللي بيعمله الملح وابعد خااااااااااااااااالص عن الاحجام الصغيرة في الغسالات لان ملهاش لزمة ومش بتنضف كويس
نصيحة لوجه الله ابعد عن الايديال بشكل خاص والتقفيل المصرى بشكل عام
الايديال معندهمش صيانة اصلا وتقفيل الغسالة ضايع ومرة المهندس كان بيصلحها كالعادة وبيفتح الكنترول لقيت الضفيرة سلوك متلحمه فى بعضها بشكيرتون مفيش ترامل للتوصيل ولا اى حاجة لحامات تتعمل فى ورشه فى كلود بك انا بتكلم عن الانتاج القيدم
انا بصراحة معرفش الانتاج الجديد شكله ايه بس انا فصلت من ايديال دى خالص والانتاج المصرى كله
زي مقولتلك قبل كده انا عندي وايت ويل ب 1800 جنيه 7 برامج من اول الشطف (8 دقائق) الي البرنامج القوي Strong و بياخد حوالي (2:30 ساعة).
بستخدم مسحوق و ملح FINISH و بصراحة تمام و بيعيشششششششششش
موقع للتسوق
http://www.cairosalesstores.com/ar/14-dishwashers-
فيه 2 وايت ويل 8 افراد الفرق بينهم 100 جنيه لكن مفيش توضيح للفرق في الاوبشنز
لازم الواحد يشوفها بنفسه
طيب نلاقيها في بي تك الغسالات دي ولا ايه
الفرق في اللون بين ابيض وسيلفر
في ناس كتير بتشكر في الفريش
وشوفتها عند قريبتي عجبتني نضافتها
ونصحتني اجيب اللي بابها شفاف لانها عند مامتها وهي شايفاها افضل
طلعت لفيت على محلات صغيرة لقيتها الشفافة ب 1090
فيها 8 برامج على ما تذكر
a 65
a 55
b c نفس الحكاية على 55 درجة او 65
برنامج للفاكهة واعتقد في حاجة ثامنة مش فاكراها
ميزتها الاولى بالنسبة لي ان اقصى مدة بتقعدها 45 دقيقة
لكن الغسالات الكبيرة بتقعد ساعتين ونص ملل بصراحة
كمان ان شايفة الصغيرة افضل عشان الحاجة تتغسل اول باول خصوصا الكوبايات عملالي مشكلة نفسية العيال بيسحبوها على نص اليوم الاقي يجي 150 كوباية مش نضيفة :)
في العزايم قريبتي بتغسل على مرتين وخلاص
تالت ميزة انها على الرخامة يعني مش هتاخد مكان في المطبخ
ان شاء الله هاجيبها
منصحكيش بالصغيرة نهائي وحضرتك حاولي تعمل سيرش عن الصغيرة وحتسمعي نفس الكلام دة مش عملية نهائي وصغيرة جدا
عاوز رائيك فيها يا باشا؟
طيب انا لو مش عايزه اجيب الغساله الصغيرة بس مزنوقه عليها عشان موضوع الصرف...
هل فيه حل بالنسبه لموضوع الصرف؟
محتار بين ايديال وسط ووايت ويل وسط
وايت ويل في منتدى نسائي مش بشكروا فيها لان البرنامج الوحيد اللي بينضف فيها هو اول برنامج ومدته ساعتين نص
اكتر غسالة بيشكروا فيها فريش الوسط اوي والصغيرة كمان اللي بابها شفاف
انا اشتريت الصغيرة على الحوض لان معنديش مكان للاكبر بس لسه هتركب بكرة او بعده ان شاء الله
ايديال مصادفنيش مشاركات
لو عايز لينكات للموضوع ابعت لك على البرايفت