باختصار زميلى كان فى المرور بيطلع رخصة بعربيتى وكان معاه واسطة وهيطلع الرخصة يعنى هيطلعها وعلى فكره بعد الحكاية دية بردك طلعها
المهم وهو فى المرور الظابط قالة سنة قدام وسنة وراء هو جاب قدام بسسسسس وداس على الاخر طبعا طير كل الاقماع وطلع على الرصيف بارتفاع حوالة 15 - 20 سم وكحت العربية كلها من تحت لانة طلع بالفردتين اللى قدام بس
المهم نزلنا العربية ومشيت عادى جدا جدا وعلى فكرة الكلام دة فى مرور الشروق يعنى اخر الدنيا ورجعت لحد المعادى وفضلت ماشية بدون مشاكل بعديها حوالى 600 كيلو على فترات يعنى والكلام دة منحوالى شهر تقريبا
المهم انا بدأت اسمع اصوات غريبة من العفشة فرحت للعفشجى قالى التالى
1- تغيير 2 مساعد امامى
2- تغيير 2 جراب مساعد (كوباية )
3- تغيير 2 بيض مقص
4- تغيير 2 بار دريكسيون
5- تغيير 2 جلبة مقص كبار

مع ملاحظة ان العفشجى راجل محترف بشهادة الكثير
سؤالى بقى بعد الرغى دة كلة انصحونى ؟؟؟؟
1 اجيب الحاجات دية منيين
2 وتكون صناعتهم او نوعهم اية
3 بالنسبة للمساعد هجيب منرو غاز على زيت
4 بالنسبة لجلبة المقص انا سمعت ان لازم اغير المقص كلة بدل ما اغير الجلب ؟؟؟؟؟
ياريت يا اخوانى المساعدة لانى فى مواضيع العفشة ابيض خالص
وبارك الله فيكم مقدما