عصايا الفتيس عندي سيبة في عربية 127

**yasserhussien** · 24-05-2008 11:48 AM

كنت عايز اعرف اية الحل
ممكن يكون حشو ولا العصاية بتتغير

**sab3aawy** · 24-05-2008 11:54 AM

سابية بمعنى مش بتعرف تعشقها (يعنى تدى الأول يطلع انه تالت مثلا؟)

واللا سايبة بمعنى انها بتلق فى مكانها بتروح وتيجى بحرية لكن لا اخطاء فى التعشيق؟

لو الموضوع هو اخطاء فى التعشيق يبقى البنز (خابور اسطوانى فى حجم عقلتين صباع ماسك العصاية فى باقى ميكانزم الفتيس) بتاع العصاية اللى تحت العصاية على طول متآكل، او المعلقة (صاجة تشبه الملعقة موجودة تحت السيارة ضمن ميكانزم العصاية، يسهل رويتها بالنظر من تحت السيارة) متآكلة، وكلاهما تكلفته فى حدةد 20 جنيه تقريبا
لو الموضوع ان العصاية بتلق، فده لان فيه سوستة صغيرة جدا بتركب تحت السيار بين ميكانزم العصاية وجسم السيارة، هتلاقى السوستة دى واقعة، هات سوستة اكسراتير ب 2 جنيه واقطعها نصين واستعمل نص منهم مكان السوستة دى وشيل النص التانى لما تحتاجه