عرض للطباعة
السلام عليكم
عايز اعرف لو خريجة تربيه طفوله هتشتغل في حضانه والحضانه دي في مدينة نصر - الحي التامن المفروض المرتب يبقي في حدود كام؟ وياتري لو اتعرض عليها مرتب تقبله وخلاص ولا المفروض تفاصل معاهم ؟
وياتري لو متزوجه وعندها اولاد وهتاخد اولادها معاها المفروض تدفعلهم هنا كمان ولا يبقي في خصومات مثلا ؟
جزاكم الله خيرا مقدما
في الهرم لا تتعدى ال 400 جنيه وكانت المتقدمة خريجة اداب عربي وخبرة في التدريس لاعدادي وابتدائي !
غالبا المرتب مش حيكون مكفي المواصلات
او كروت الشحن
او حتي البيبسي
مرتب حقير يعني من الاخر
:)
طيب ومدينة نصر اخبارها ايه؟اقتباس:
المشاركة الأصلية كتبت بواسطة نور القمر
دي اقل حضانه هنا ب 300 جنيه للعيل وفي لحد 2000 ومفيهاش اي حاجه
هتختلف من مكان لمكان بمعنى كبر المكان ونضافته ومستوى التعليم فيه واللى بيشتركوا فيه يعنى لو الطفل هيدفع مثلا 1000 جنيه ممكن المدرسة لو خبرتها كويسة تاخد 500-700 جنيه وبالنسبة لو معاها اولاد هيبقى حسب نظام الحضانة برضه هتدفع بنسبة كام.فيه حضانات بتدفع 20_40%.
فى مدرسات فى حضانة بياخدوا فوق ال1000 حسب برضه هما بيدرسوا ايه فى الحضانة.
موضوع انها تفاصل فى المرتب برضه هيتحكم فيه خبرتها وبتشتغل بقالها اد ايه و هل هى مدرسة عربى ولا انجليزى.
سلام عليكو, مرتب المدرسة يعتمد على حاجات كتير أوي زي : مستوى الحضانة و مكانها، عدد اللغات إلي بيتقدم فيها ... شغل عادي ولا شغالين بسيستم منظم زي نظام منتسوري مثلاً، عدد سنين الخبرة، المادة إلي المدرسة هتديهة English ولا دين ولا فرنساوي، الدرجة العلمية للمدرسة يعني ثانوي غير بكالوريوس غير ماجستر مثلاً، و من غير كلام جنسية المدرسة تفرق كتير! يعني مدرسة انجلش بريطانية الجنسية مثلاً بتاخد فلوس مختلفة تماماً غير مدرسة انجلش مصرية للاسف الشديد. و أخطر و أهم حاجة في الموضوع ده و لنجاح الشغلانة دي هي الحب! أيوا الاطفال الصغيرين مشاء الله ازكية و بيعرفو مين بيحبهم و مين لأ. كمان الالتزام و عدم الغياب لآي سبب إلا لو حاجة قهرية. أنا رأيي تبتدي اسيستانت لمدة موسم واحد مثلاً و تكسب خبرة و السنة إلي بعدها مدرسة و ممكن و هي assisstant بردو تحضر دورة أو تاخد دبلوما في التخصص ده أو لو هي مدرسة انجلش مثلاً تاخد كورس English في حتة تمام. و ممكن تعتبر أول 2 3 4 سنين حتى إستثمار في نفسها و بتالي يتحول مرتبها من خانة المئات إلى الألاف! و ربنا كريم لو عندها طموح ممكن تحوش و بعد عدد من السنين يكون هي عندها مشروع حضانة خاص بيها. ملحوظة أنا و مراتي مدرسين - أخوك أحمد سامي
علي حسب مستوي الحضانه
انا اشتغلت قبل كده بس الكلام دا من 10 سنين لما كنت في الجامعه , كنت بشتغل summer job
و كنت باخد وقتها 650 جنيه
و اللي بيشتغلوا فيه مش زي summer job كانوا بياخدوا من 900 الي 1300 جنيه
جزاك الله كل خير استاذ احمداقتباس:
المشاركة الأصلية كتبت بواسطة egyptiandiver
الف شكر ياامة الله وهي غالبا هتبقي فتره برده مش مستمره وممكن تكمل معاهماقتباس:
المشاركة الأصلية كتبت بواسطة amatoallah
بس الحضانه دي كانت فين لان واضح ان مستواها عالي وياتري الطفل كان بيدفع كام؟
حلو قوي يعني مش هتدفع للأولاد المبلغ كامل صح .؟ هي عندها طلفين فهل الطبييعي انها تدفع نسبه فعلا ولا الطبييعي انها تدفع كامل المبلغ ؟اقتباس:
المشاركة الأصلية كتبت بواسطة ayman-ahmed
معلش الموضوع مش بيتقاس بالطريقة دى
المرتب الى حا تتقاضاة المدرسة فى الحضانة ليس لة علاقة بسعر الحاق اى طفل فى الحضانة لانها فى النهاية موظفة مش شريكة فى الحضانة
المرتب من 400 الى 700 جنية بالكتير و الله اعلم
البلد مفيهاش شغل و الدنيا واقفة وقفة سودة
يا تقبل العرض يا ترفضة مفيش اشغال فى البلد فاضية
و لو المدرسة عندها اطفال ممكن الاتفاق مع صاحبة الحضانة على الموضوع دة
مفيش قانون ملزم كلة بالاتفاق
لكن لو مدرسة و عندك فى نفس المدرسة طفلين بيتم عمل خصم على المصاريف الدراسية للطفل الثانى و نسبة بسيطة لا تذكر من الملغ الى بتدفعة طبعا
مش هيكفوا البيبس
متشكر ليكم جميعا
في حضانه بتودي فيها ابنها ب 300 جنيه في الشهر وعارضه عليها شغل وقالولها هيبقي المرتب قصاد الولدين + مبلغ رمزي
هل ده كويس؟
Disney House
عند سور الكلية الحربيه و فعلا كانت حضانه تحفففه
هيا زوجتك عاوزه تشتغل يعني ياهيثم وفي نفس الوقت تدخل الولدين حضانه ؟
زى ما قلت لحضرتك فى الاول حسب سياسة المكان ولكن معظمهم مبيدفعوش المبلغ كاملا للاطفال ومش عارف هيعملوا ايه بالنسبة لطفلين بصراحة.اقتباس:
المشاركة الأصلية كتبت بواسطة shaddadfalcon1
لحد امتى بمعنى اول سنة هتكون كدة والزيادة بعد كدة كويسة ولا لا.اقتباس:
المشاركة الأصلية كتبت بواسطة shaddadfalcon1
لو المدام مش فارقة معاها المبلغ الرمزى فى سبيل انها مش هتدفع اشتراك الحضانة للولدين وكمان هتكون معاهم بصفة مستمرة تقريبا وتشرف عليهم معظم الوقت يبقى عرض كويس.
بصراحه هي الحضانه لزقه في العماره وانا الصبح بودي ابني محمد واخر النهار هي بتنزل تاخده فهي مره قالت للمديره انها خريجة تربيه طفوله ومن يومين عرضت عليها شغل ومراتي قالتلها اننا في القاهره لمدة 5 شهور بس قالتلها مش مشكله المهم مراتي قالتلها هاخد راي زوجي وانا بصراحه رفضت شعلها قبل كده عشان بعيد انما دي جنب العماره وهي هتموت وتشتغل (نفسها يبقي معاها فلوس بتاعتها ههههههه)اقتباس:
المشاركة الأصلية كتبت بواسطة funnymickey
النهارده قالتلها موافقه والمديره قالتها يبقي كده قصاد الولدين وذياده مبلغ رمزي يعني مش هتاخدي زي بقية المدرسات فانا بقولها شوفي المبلغ قد ايه واساليها الأول هو المرتب كام اصلا وهتخصم كام ومراتي مش فارقه معاها اصلا وبتقولي حتي لو مش هاخد فلوس خالص اهو قصاد ان الطفلين ببلاش والواحد اصلا ب 300 جنيه
بس طبعا مشترطه عليا اني هدفع للحضانه عشان هي تاخد مرتبها سليم (ماديين قوي الستات دوول)
فمش عارف هتعمل ايه بكره بقي
طبعا انا معترض علي عمل السيدات لو ملوش لازمه بس في الحاله دي مفيش مواصلات مفيش اختلاط مفيش تتاثير علي البيت (من 8 او 9 الي 4 ) يعني هبقي في البيت وهتخلي بالها من العيال وتشرف بنفسها عليهم)
لو مكنتش قالت لك تاخد هي مصاريف الولد كنت هقولك اديني رقمها عشان اوعيها :)
لا كده خالي بالك الفلوس هتجري في ايد مراتك و هتعمل انقلاب عليك
هههههههههههههههههه
انا بهرج طبعا
حبيبتشي حبيبتشي خدتيها من علي طرف لساني :)اقتباس:
المشاركة الأصلية كتبت بواسطة نور القمر
تصدقي حتى جملتك اخدتيها من طرف لساني
ياترى ده توارد افكار بينا بس ولا بين كل بنات حواء هههههههههههههه
لا اكيد الصنف كله نازل بنفس السيستم :))))))
لا ماهي اكيد مصريه وشاربه من نيلها بس انا هدفع مصاريف واحد بس مليش دعوه بالتانياقتباس:
المشاركة الأصلية كتبت بواسطة نور القمر
لو عايز رايى بصراحة تقعد بالطفلين فى البيت بمزاجها و تبقى ملكة زمانها تتفرج على التيلفزيون تشرب شاى تشرب عصير و لا انها توجع دماغها فى دوشة العيال فى الحضانة و تشيل مسؤلية و كدة كدة تركز فى طفلين أفضل
مش قصة فلوس بس تتعب نفسها لية اساسا اذا كانت ممكن تستريح
مجرد نزولها الصبخ مع ما يصاحبه من اعداد ملابس وتجهيز الاولاد وافطار حضرتك والامتناع طبعا عن ساعة النوم المبروكه يعد نزول الزوج والاولاد سيؤدى الى ضغط نفسى يتراكم مع مرور الوقت وان كان فى البدايه غير محسوس من باب التغيير ومن باب قاعدة الممنوع مرغوب الا انه ومع مرور الوقت سيصبح مؤرقا بالاضافه الى قاعدة اؤمن بها واشهدها على اقرب الناس الى ان المراة التى تذوق المال من جراء عملها غالبا لا تستطيع ان تتوقف عن العمل حتى لو اعطاها زوجها مثل ما تتقاضى الا بسبب قهرى لا تستطيع التغلب عليه وربنايرشدكم للخير ولا تنسى الاستخارة
حاولنا كتيير مع الأولاد بس بجد مش بيتعلمو اي حاجه في البيت وبينفضولنا تمامااقتباس:
المشاركة الأصلية كتبت بواسطة heshamzaky
في الحضانه كل يوم بيتعلم حاجه حلوه وجميله واصلا لو حسيت ان العيال هتدلع في الحضانه عشان مامتهم معاهم هخليها تسيبهم
انا فاهم قصد حضرتك طبعا لكن في الأخر هي هتاخد الفلوس مني انا مش من الحضانه وطبعا لو حسيت باي حاجه من الحاجات اللي حضرتك ذكرتها هتكون اخر يوم في الشغل ليهااقتباس:
المشاركة الأصلية كتبت بواسطة eng_hatemfathy
يا ريت حضرتك تسيب المدام تشتغل و تاخد خبرة و الاولاد يتعلمو بشكل نظامي و يحتكو باولاد تانيين و هما في سن صغير و ده هيمهد ليهم دخول المدرسة بعد كدة بشكل طبيعي. و ماتزعلش مني محدش عارف الموت من الحيا..... يعني أنا ممكن يجيلي أجلي دلوأتي يبئة مراتي تئدر تكمل مشوار الاسرة عشان معاها صنعة في اديها، و بحلفلك إن في حضانات و مدارس في kg كمان بتدفع للمدرسات مبالغ ممكن 10,000 جنيه و حتى أكتر و بدون ذكر أسماء. ربنا يعملك الصالح - أخوك أحمد سامي