مشكلةفى الفكترا فى كمبيوتر abs

**emadyassen** · 14-12-2011 08:35 AM

السلامو عليكم
حد يلحقني يا رجالة والنبي
كان عندي مشكلة فى ABS وفكيت الحساسات ونضفتها واللمبة أنطفت ولكن شوية ونورت
روحت امبارح عند حد اسمة محسن يعقوب فى فيصل جمب هانى أوبل
كشف عليها بالجهاز لقينا النحاسة الى فى الحساس الى بتلمس فى الفيشة الثابت دخلة لجوة غيرنا الحساس الشمال بواحد جديد أنطفت اللمبة قفلنا وماشى نورت تاني كشف عليها مرة تانية قالي اليمين فكها وقاس الحساس طلع شغال تمام وبعد كدة بدل الشمال ومكان اليمين والعكس
طفت مشينا بالعربية نجرب نورت تاني
قالي كدة بقا كمبيوتر ABS بايظ
طبعاً كانت صدمة
عديت على هاني أوبل هوا جمبة على طول في أول الشارع قالي 1400 جنية وهعمل واجب معاك 1000 جنية
حد يقول اعمل ايه انا والله مش عارف أشتغل من كتر الخنقة

**emadyassen** · 14-12-2011 08:55 AM

معلش انا نسيت أكتب الموديل
فيكترا 98 1600 cc

**emadyassen** · 14-12-2011 11:42 AM

مافيش أي رد

**فادى محمد** · 14-12-2011 11:53 AM

المشاركة الأصلية كتبت بواسطة emadyassen

مافيش أي رد

في عندك حلين..
1-تشتري الجهاز استيراد بس من حد تاني غير العايدي علشان الجهاز تمنه 650ج بس تخلي بالك ان هيتم تعديل قاعده الجهاز ومواسير زيت الباكم لان الجهاز الاوروبي اكبر حجما من المصري اللي راكب عندك
2-تصلح الجهاز اللي عندك ,بيتكلف 400ج بضمان عند حسام اوبل اللي في طنطا .

**magdyelshikh** · 14-12-2011 02:38 PM

تأكد الاول ان الحساسات سليمة وان جهاز abs مش مسجل اعطال وثابتة على السستم بتاعه قبل ما تقرر انك تشترى جهاز

**فادى محمد** · 14-12-2011 03:16 PM

زي مااستاذنا مجدي قال اتاكد الاول ان الجهاز عطلان وعطل الوحده حاجه من 2 اما عطل ميكانيكي نتيجه تلف بلوف الزيت الداخليه او عطل تقني هارد واير وكله بيتصلح ..
اعتقد انك تصلح اللي معاك افضل لانك برده ماتضمنش المستورد حالته ايه (انت وحظك) وحضرتك برغم ان الاوروبي اقوي كتير من اللي راكب عندك انما حضرتك مش محتاج القوه دي لان ماعندناش تلج .