الموضوع: تحذير من نوعيات مياة الردياتير الرديئة

حصلت معايا نفس المشكلة عملت غسيل لدورة التبريد وحطيت مياه خضرة من بنزينة توتال اللى فى المعادى مدخل 2 على الكورنيش وبعد 10 ايام وانا مسافر الساعة 2 باليل لقيت مؤشر الحراره بيرتفع للاخر ركنت العربية فى حتة مفيهاش سريخ ابن يومين بعد كوبري بنها على طريق مصر اسكندرية الزراعى وطلعت من العربية لقيت المياه الخضراء كلها على الارض ...........
المهم روحت لمكينيكى قالى السبب المياه الخضراء عملت ضغط على خرطوم الخارج من طلمبة المياه قطعته
المهم رجعت حطيت مياه من الحنفية تانى وامرى لله

(( نهاية تجربتى العويصة مع مياة الردياتير ونتائجها ))
انا كنت كتبت المشكلة اللى واجهتها مع المياة الحمراء وانها تفاعلت مع الردياتير وعملت ريم وبودرة بيضاء وكنت عملت دورة مياة من الحنفية لمرتين لغاية ما دورة التبريد نضفت تماما ... وبتاع الردياتير حطلى مياة مستوردة خضراء من عندة المهم نسى يربط على جوان الخرطوم كويس فبعد يومين المياة نقصت ... فرحت لبتاع ردياتير تانى لقى التسريب من القفيز وربطة وقالى اجيب لك مياة من عندى ازودها قلت لا اغيرها عشان تبقى نوعية واحدة ... ولما وجدت تعليقات الاخوة هنا بتشكر فى المياة الخضراء ... كنت جايب العرضين المياة الحمراء والمياة الخضراء بتوع رابيدو
فغيرت للون الاخضر وتابعت الردياتير ومؤشر الحرارة يوميا الحمد لله ظبطت معايا وبقت تمام ومش بتنقص فى القربة مع انى بمشى كتير وعملت كيلو متر كتير ... خلاصة التجربة المريرة أن المياة الحمراء هى اللى تفاعلت مع الردياتير
او الماروتى بيفضل ليها المياة الخضراء على حسب كلام بتوع الردياتير
وللحق رابيدو ليها منتجات كتير تانية انا مجربها وكويسة جدا زى الملمعات والمزيلات ومانع الدخان واسعارها حلوة
بس بعد تجربتى مع المياة اكتشفت ان لابد ان نتخير المياة المناسبة لكل نوع ردياتير ومش اى مياه وخلاص الموضوع طلع كبير ولا نستخدم مياة ردياتير مجهولة او نوعيات رديئة
ومن خلال تجربتى وتجارب واراء الاخوة المشاركين فى هذا الحوار وبعد فترة من الاستخدام الفعلى نستخلص إن المياة المناسبة للماروتى هى ... رابيدو الخضراء ... وإدكو ... وموبيل الخضراء المزرقة

واكيد كدة كلنا استفدنا من تجارب بعضينا والله الموفق