:S_thum1[1]::S_thum1[1]::S_thum1[1]::S_thum1[1]:
عرض للطباعة
الحاجة الأولى: أنا كان معايا 128 موديل 80 وبعتها بعد 40 يوم.. من مساوئها الخطيرة.. أنك لو أخذت مطب جامد.. محتاج تجري على عفشجي وبعد كده أخصائي ضبط الزوايا علشان يظبط لك الزوايا.. وإلا بقى لو ربنا وقعك في 128 مرحلة فردة شاسيه.. ونسبه كبيرة من العربيات 128 مرحل فردة شاسيه وذلك لضعف الشاسيه وأنها على علب.. هتلاقي العجل الأمامي واحدة معدولة ومستقيمة والثانية مفتوحة سنة بسيطة..
أما الحاجة الثانية: إيش جاب الـ بيتلز للـ 128 أساسًا.. أصلاً لا يوجد وجه مقارنة بالمرة... مثلاً ينفع تقارن المرسيدس الألماني الـ 230 بـ الفيات أونو.. دي ركوبة ودي ركوبه تانية خالص
دليل على كلامي شوف اللينك ده
how long does a vw beetle float? Just watch! - YouTube
ياباشا العربية دي مصفحة فعلاً من تحت..وكانت مصنوعة علشان تخوض الحرب العالمية.. ومصنوعة بمواصفات ومعايير جامدة جدًا.. ماينفعش لا قدر الله أن تنقلب على طريق
محسوبك بقى عاشق للبيتلز.. علشان كده فضلت أجري يمين وشمال لحد ما ربنا كرمني وامتلكت البيتلز 1302
بخصوص العربية البيتلز مو 74 اللى ب12000 السعر كويس لو العربية سليمة اكشف عليها عند محمد على وعند مديح اللى فى شارع سنان فى جسر السويس برضو وخد معاك واحد سمكرى وارفعها فى محطة يشوف لك البارومة ويبص على الرقبة فيها لحامات او خبطات الرقبة ديه هى شاسيه الفولكس وبتبقى بعرض العربية تحت البرابريز الامامى وهى اهم حاجى فى جسم العربية بالنسبة لميكانيكية مدينة نصر وانا ساكن هناك اتعاملت مع كام واحد فيهم مش كويسين فى شغلهم وممكن يعملوا عليك مصلحة وخاصة محمد الفار وهو فى الحى السابع عند مساكن السوايسة اياك والتعامل معه حتى لو اتزنقت فى حاجة بسيطة انا كنت بتعامل مع مديح ومحمد على وعزب ودميان فى الهرم غير كده ماجربتش وكان مديح حراق شوية بس شاطر المهم تخلى بالك من الموتور وتتاكد انه سليم من مديح ومن محمد على ولو عرفت تجيب واحدة 1303 سعرها حلو هاتنبسط من العربية ديه قوى لقيتها غالية ممكن تجيب 1302 زى ال1303 فى العفشة بس اختلاف فى الصالون ال1300 ممتازة برضو وتستحمل وعفشتها أرخص يعنى مثلاً علبة الدريكسيون 500 جنيه ال1303 علبة الدريكسيون مابين 800،و1000 جنيه ال1300 العفشة بتاعتها موجودة بوفرة بس انشف فى المطبات لكن ال1303 انعم فى المطبات وربنا يوفقك